குடும்பத்தலைவிகளுக்கு ஆயிரம் தருவதாக அள்ளி விடும் அமைச்சர் மீது நடவடிக்கை எடுக்க அதிமுக வலியுறுத்தல்

சென்னை, பிப்- 16

பொய்யான வாக்குறுதி மூலம் ஆயிரம் ரூபாய் தருவதாக விண்ணப்பம் வழங்குவதின் மீதும் நடவடிக்கை எடுக்க வேண்டும் என தேர்தல் ஆணையத்தில் அதிமுகவின் சார்பில் ஆர்.எம். பாபு முருகவேல் புகார் மனு அளித்துள்ளார், .

இது குறித்து அதிமுக செய்தித்தொடர்பாளரும் சட்டப்பிரிவு இணை செயலாளருமான முன்னாள் எம்எல்ஏ பாபு முருகவேல் தேர்தல் ஆணையத்தில் அளித்த மனு வருமாறு:

நகர்ப்புற உள்ளாட்சி தேர்தலில் கொங்கு மண்டலத்தை எந்தவித கொடும் செயலையும் செய்து கைப்பற்ற துடிக்கிறது திமுக.அதன் வெளிப்பாடாக பல்வேறு மாவட்டங்களில் இருந்தும் ரவுடிகளையும், கூலி படைகளையும் மின்சாரத்துறை அமைச்சரும், அந்த மாவட்ட பொறுப்பாளருமான. செந்தில் பாலாஜி தலைமையில் பல்வேறு புதுமுகங்கள் மாவட்டம்தோறும் பரவியிருக்கிறது, வாக்குகளை கவர்வதற்காக பல்வேறு வாகனங்களில் கரூரிலிருந்து கொண்டுவரப்பட்ட ஹாட் பாக்ஸ்களை வாக்காளர்களுக்கு வினியோகம் செய்ய முயற்சிக்கும்போது அதிமுக செய்தி தொடர்பாளர் கல்யாணசுந்தரத்தால் தடுத்து நிறுத்தப்பட்டு காவல் துறைக்கு தகவல் தெரிவிக்கப்படுகிறது, எழுத்து மூலமாகவும் புகாராக அளிக்கப்படுகிறது ஆனால் அந்த பகுதிக்கு வந்த துணை ஆணையர் புகார் தந்தவர்களின் மீது நடவடிக்கை எடுத்த வினோதம் நிகழ்ந்திருக்கிறது.புகார் கொடுத்த கல்யாணசுந்தரம் உட்பட எட்டு அதிமுகவினரை கைது செய்து காவல் நிலையம் அழைத்துச் சென்று, தரையில் அமர வைத்து, கொடும் சொற்களை உபயோகப்படுத்தி மிகவும் மன உளைச்சலுக்கு ஆளாக்கி இருக்கிறார்கள், கொலை மிரட்டலும் விடுத்திருக்கிறார்கள் காவல்துறையினர்.

பிடிக்கப்பட்ட பொருட்களை தேர்தல் நடத்தும் அதிகாரி இடத்தில் ஒப்படைக்காமல் காவல்துறையினரே முன்நின்று வாக்காளர்களுக்கு வினியோகம் செய்தது கொடுமையிலும் கொடுமை. இவை அனைத்தையும் கண்டிக்கின்ற விதமாக முன்னாள் அமைச்சரும், தமிழக சட்டமன்ற எதிர்க்கட்சி கொரடாவுமான. எஸ். பி. வேலுமணி எம்எல்ஏ, தலைமையில் கோயம்புத்தூர் மாவட்டத்திலுள்ள அனைத்து சட்டமன்ற உறுப்பினர்களும் மாவட்ட தேர்தல் நடத்தும் அதிகாரியும், மாவட்ட ஆட்சித்தலைவர் இடத்திலும் கோவை மாவட்ட காவல் கண்காணிப்பாளர் இடத்திலும் எழுத்துப்பூர்வமாக மனு கொடுத்திருக்கிறார்கள் ஆனால் அந்த மனுவின் மீதும் இதுவரையில் சம்பந்தப்பட்ட யார் மீதும் நடவடிக்கை எடுக்கவில்லை மாறாக புகார் கொடுத்தவர் மீதே நடவடிக்கை எடுக்கப்பட்ட வினோதம்தான் நடந்திருக்கிறது.மேலும் கடந்த சட்டமன்ற தேர்தலில் நலவாரியத்தில் உறுப்பினராக சேர்ந்தால் ஒவ்வொரு குடும்பத்திற்கும் மாதம் 5 ஆயிரம் வழங்கப்படும் என்று முதலமைச்சர் ஸ்டாலின் படம் பதித்த விண்ணப்பங்களை விநியோகம் செய்தார்கள் அதன்மீது அப்போதே நடவடிக்கை எடுக்க வேண்டும் என்று மாநில தேர்தல் ஆணையத்திடம் புகார் அளித்து இருந்தோம்.

அதன் தொடர்ச்சியாக நடந்து முடிந்த ஊரக உள்ளாட்சி தேர்தலில் வீடு இல்லாதவர்களுக்கு கான்கிரீட் வீடுகள் கட்டித் தரப்படும் என்று ஒரு விண்ணப்பம் அளித்து தவறான பாதையை தொடர்ந்து தேடிய திமுகவினர் மீது தேர்தல் ஆணையத்திடம் மீண்டும் புகார் அளித்து இருந்தோம்.அதன் தொடர்ச்சியாக தற்போது திமுக தேர்தல் அறிக்கையில் ஏற்கனவே சொன்ன குடும்ப தலைவிகளுக்கு மாதம் ஆயிரம் ரூபாய் உரிமைத் தொகை பெறுவதற்கான விண்ணப்பம் என்று சொல்லி தற்போது ஒரு விண்ணப்பத்தை தமிழ்நாடு முழுவதும் திமுகவினர் வழங்கிக் கொண்டிருக்கிறார்கள் அதன் மீதும் உரிய நடவடிக்கை எடுக்க வேண்டும் என்று புகாரில் குறிப்பிட்டு இருக்கிறோம்.பல புகார்கள் தொடர்ந்து தலைமை தேர்தல் அதிகாரி இடத்தில் வழங்கப்பட்ட கொண்டுதான் இருக்கிறது ஆனால் எடுக்கப்பட்ட நடவடிக்கைகள் என்ன என்பது தலைமை தேர்தல் ஆணையருக்கு மட்டுமே தெரியும்.இந்த புகாரின் மீது உரிய நடவடிக்கை இருக்குமென நம்புகிறோம்.