ஈரோடுபொதுமக்களுக்கு பொங்கல் தொகுப்பு

தமிழர் திருநாளாம் தைப்பொங்கலை தமிழக மக்கள் சிறப்பாகக் கொண்டாடும் வகையில், தமிழ்நாடு அரசின் சார்பில் பொங்கல் பரிசுத் தொகுப்பு மற்றும் ரொக்கப் பணம் வழங்கப்பட்டு வருகிறது. இதன் ஒரு பகுதியாக, ஈரோடு மாநகராட்சிக்குட்பட்ட 14-வது வார்டு பகுதியில் பொதுமக்களுக்கு பொங்கல் தொகுப்பு வழங்கும் நிகழ்ச்சி நடைபெற்றது. ஈரோடு மாநகராட்சி 14-வது வார்டு மாமன்ற உறுப்பினர் புனிதா சக்திவேல் தலைமையில் நடைபெற்ற இந்த நிகழ்ச்சியில், தகுதிவாய்ந்த குடும்ப அட்டைதாரர்களுக்கு தமிழக அரசின் அறிவிப்பின்படி தலா 3,000 ரூபாய் ரொக்கப் பணம் மற்றும் பொங்கல் திருவிழாவிற்குத் தேவையான பச்சரிசி, சர்க்கரை உள்ளிட்ட பொருட்கள் அடங்கிய தொகுப்பு வழங்கப்பட்டது. இந்நிகழ்வில் திமுக தெற்கு மாவட்ட நெசவாளர் அணி முன்னாள் அமைப்பாளர் சக்திவேல் மற்றும் செயலாளர் மாணிக்கம் ஆகியோர் முன்னிலை வகித்து, பொதுமக்களுக்கு நேரடியாகப் பொங்கல் பரிசுகளை வழங்கி பொங்கல் வாழ்த்துகளைத் தெரிவித்தனர். நிகழ்ச்சியில் திரளான பொதுமக்கள் கலந்து கொண்டு வரிசையில் நின்று பொங்கல் தொகுப்பினைப் பெற்றுச் சென்றனர். பண்டிகைக் காலத்தில் தமிழக அரசு வழங்கிய இந்த நிதியுதவி மற்றும் பொருட்கள் தங்களுக்குப் பெரிதும் பயனுள்ளதாக இருக்கும் என அப்பகுதி பொதுமக்கள் நெகிழ்ச்சியுடன் தெரிவித்தனர். இந்நிகழ்வில் உள்ளூர் முக்கியப் பிரமுகர்கள், வார்டு பிரதிநிதிகள் மற்றும் பொதுமக்கள் எனப் பலரும் கலந்து கொண்டனர்.