Today’s Rasi Palan : இன்றைய ராசி பலன் புதன்கிழமை ஆகஸ்ட் 04, 2021

Today’s Rasi Palan : இன்றைய ராசி பலன் புதன்கிழமை ஆகஸ்ட் 04, 2021

சென்னை: பிலவ வருடம் ஆடி 19ஆம் தேதி ஆகஸ்ட் 04,2021, புதன்கிழமை. ஏகாதசி திதி பகல் 03.18 மணி வரை அதன் பின் துவாதசி திதி. மிருகஷீரிடம் நட்சத்திரம் விடிகாலை 04.25 மணி வரை அதன் பின் திருவாதிரை நட்சத்திரம். சந்திரன் இன்றைய ரிஷப ராசியில் இருந்து மிதுன ராசியில் நுழைகிறார். துலாம் ராசிக்காரர்களுக்கு பிற்பகல் வரையிலும் சந்திராஷ்டமம் உள்ளது. விருச்சிக ராசிக்காரர்களுக்கு பிற்பகலுக்கு மேல் சந்திராஷ்டமம் தொடங்குவதால் கவனமும் நிதானமும் தேவை. மேஷம் முதல் மீனம் வரை 12 ராசிக்காரர்களுக்கும் பலன்கள் பரிகாரங்களைப் பார்க்கலாம்.

மேஷம்
இன்று உற்சாகமான மனநிலையில் இருப்பீர்கள். உங்கள் முயற்சிகளுக்கு வெற்றி கிடைக்கும். நீங்கள் மனமகிழ்ச்சியுடனும், சுறுசுறுப்புடனும் காணப்படுவீர்கள். மனதில் அமைதி நிலவும். பணம் கொடுக்கல் வாங்கலில் லாபம் கிடைக்கும். தொழில் வியாபாரத்தில் பல போட்டிகளுக்கு இடையே வெற்றி கிட்டும். அலுவலகங்களில் உடன் பணிபுரிபவர்கள் அனுகூலமாக இருப்பார்கள்.

ரிஷபம்
சந்திரன் உங்கள் ராசியில் இருந்து இரண்டாவது வீட்டிற்கு பயணம் செய்கிறார். இன்று குடும்பத்தில் பொருளாதாரம் சிறப்பாக இருக்கும். சிலருக்கு வேலை விஷயமாக வெளியூர் பயணம் செல்லும் வாய்ப்புகள் அமையும். புதிய தொழில் தொடங்கும் முயற்சிகளில் வெற்றி கிடைக்கும். நண்பர்களின் சந்திப்பு மகிழ்ச்சியை தரும். வீட்டு தேவைகள் பூர்த்தியாகும். சுபகாரியங்களில் வெற்றி கிடைக்கும்.

மிதுனம்
சந்திரன் உங்கள் ராசிக்குள் பயணம் செய்கிறார். பூர்வீக சொத்து விஷயத்தில் அனுகூலமான பலன்கள் கிடைக்கும். தொழில் ரீதியாக நவீன கருவிகள் வாங்கும் முயற்சிகள் வெற்றியை தரும். இன்று வீட்டில் மனமகிழ்ச்சி தரும் சம்பவங்கள் நடைபெறும். வேலையில் சிலருக்கு எதிர்பார்த்த இடமாற்றம் உண்டாகும்.

கடகம் சந்திரன் சஞ்சாரம் சாதகமாக உள்ளது. இன்று உங்களுக்கு பணவரவு நன்றாக இருந்தாலும் உங்கள் தேவைகள் நிறைவேறும். பிள்ளைகளால் தேவையற்ற வீண் செலவுகள் ஏற்படலாம். தொழில் வியாபாரத்தில் மறைமுக பிரச்சினைகள் வரும். பண விசயங்களில் சிக்கனமாக செயல்படுவது நல்லது. நண்பர்கள் மூலம் உதவிகள் கிடைக்கும்.

சிம்மம்
சந்திரன் இன்றைய தினம் உங்கள் ராசிக்கு லாப ஸ்தானத்திற்கு வருகிறார். தொழில் வியாபாரத்தில் கூட்டாளிகளுடன் ஒற்றுமையாக செயல்பட்டு லாபம் அடைவீர்கள். கடன்கள் குறையும். இன்று குடும்பத்தில் மங்கள நிகழ்வுகள் நடைபெறும். சகோதர, சகோதரிகள் உங்களுக்கு ஆதரவாக செயல்படுவார்கள். உத்தியோகஸ்தர்களுக்கு தகுதிக்கேற்ற பதவி உயர்வு கிடைக்கும்.

கன்னி
சந்திரன் சஞ்சாரம் சாதகமாக உள்ளது. தொழில் வியாபாரத்தில் இருந்த பிரச்சினைகள் குறைந்து முன்னேற்றம் ஏற்படும். இன்று உங்களுக்கு எதிர்பாராத மருத்துவ செலவுகள் உண்டாகும். உறவினர்களிடம் தேவையற்ற கருத்து வேறுபாடுகள் தோன்றும். உத்தியோகத்தில் உங்களின் செயல்களுக்கு சக ஊழியர்களின் ஒத்துழைப்பு கிட்டும்.

துலாம்
சந்திரன் சஞ்சாரம் பிற்பகல் வரை சாதகமாக இல்லை. பிற்பகல் வரைக்கும் நீங்கள் எந்த செயலிலும் சுறுசுறுப்பின்றி செயல்படுவீர்கள். எடுக்கும் முயற்சிகளில் தாமத நிலை ஏற்படும். உங்கள் ராசிக்கு பிற்பகல் 3 மணி வரை சந்திராஷ்டமம் இருப்பதால் எதிலும் நிதானமாக இருப்பது நல்லது. உத்தியோகஸ்தர்களுக்கு இதுவரை இருந்த நெருக்கடிகள் படிப்படியாக குறையும்.

விருச்சிகம்
சந்திரன் இன்றைய தினம் உங்கள் ராசிக்கு எட்டாம் வீட்டிற்குள் வருகிறார். இன்று நீங்கள் சற்று குழப்பமுடனும் மன உளைச்சலுடனும் காணப்படுவீர்கள். உங்கள் ராசிக்கு பிற்பகல் 3 மணி முதல் சந்திராஷ்டமம் தொடங்குவதால் எந்த செயலிலும் நிதானத்தை கடைப்பிடிக்க வேண்டும். உடல்நிலையில் கவனம் தேவை. வீண் வாக்குவாதங்களைத் தவிர்க்கவும்.

தனுசு
சந்திரன் சஞ்சாரம் சாதகமாக உள்ளதால் மனதில் நிம்மதி சந்தோஷம் ஏற்படும். சிலருக்கு புதிய வாகனம் வாங்கும் யோகம் கிட்டும். தொழில் ரீதியாக வெளிவட்டார நட்பு ஏற்படும். இன்று இல்லம் தேடி இனிய செய்திகள் வந்து சேரும். உத்தியோகத்தில் எதிர்பாராத வகையில் புதிய மாற்றங்கள் உண்டாகும். உறவினர்களுடன் இருந்த பிரச்சினைகள் குறையும்.

மகரம்
சந்திரன் உங்கள் ராசிக்கு சாதகமான இடத்தில் பயணம் செய்கிறார். இன்று வியாபாரத்தில் ஏற்பட்ட நெருக்கடிகள் நீங்கும். உத்தியோகஸ்தர்களுக்கு ஏற்பட்ட வேலைபளு நீங்கும். குடும்பத்தினரிடம் இருந்த கருத்து வேறுபாடுகள் மறையும். எதிர்பார்த்த உதவிகள் கிடைக்கும். உறவினர்கள் வழியில் அனுகூலம் உண்டாகும். சுபகாரியங்கள் கைகூடி வரும்.

கும்பம்
சந்திரன் பயணம் சாதகமாக இருந்தாலும் பண வரவை மீறிய செலவுகள் ஏற்படும். உடல் ஆரோக்கியத்தில் கவனம் தேவை. தொழில் சம்பந்தமாக எடுக்கும் முயற்சிகளில் சில இடையூறுகள் ஏற்படலாம். உத்தியோக ரீதியாக வெளியூர் பயணம் செல்ல நேரிடும். எதிர்பார்த்த உதவிகள் வீடு தேடி வரும்.

மீனம்
சந்திரன் சஞ்சாரம் சாதகமான நிலையில் இருப்பதால் குடும்பத்தில் ஒற்றுமை அதிகரிக்கும். திருமண பேச்சுவார்த்தைகள் கைகூடி வரும். மனதில் நிம்மதியும் சந்தோஷமும் ஏற்படும். பிள்ளைகள் உங்கள் விருப்பம் அறிந்து நடந்து கொள்வார்கள். பயணங்களால் நன்மை ஏற்படும். மனதிற்கு நிம்மதியும் சந்தோஷமும் அதிகரிக்கும்.