வேலூர் அரசு பொறியியல் கல்லூரியில் 29வது  பட்டமளிப்பு விழா.

வேலூர் மே 24

வேலூர் மாவட்டம் வேலூர் அடுத்த தொரப்பாடி பகுதியிலுள்ள தந்தை பெரியார் அரசு பொறியியல் கல்லூரியில் நேற்று 29வது பட்டமளிப்பு விழா நடந்தது. இதில் கல்லூரி முதல்வர் டாக்டர் முனைவர் அருளரசு, தலைமை தாங்கினார். இந்நிகழ்ச்சிக்கு ஆங்கிலத் துறை பேராசிரியர் சுப்பிரமணி, வரவேற்றார் கல்லூரி முதன்மை தேர்வு கட்டுப்பாட்டு அலுவலர் டாக்டர் கலை வாசன், சிறப்பு விருந்தினரை அறிமுகப்படுத்தி வைத்தார். இந்நிகழ்ச்சியில் சிறப்பு விருந்தினராக சென்னை ரானே இன்ஜின் வேல்வி லிமிடெட் நிறுவனத் தலைவர் முரளி ராஜகோபாலன், கலந்துகொண்டு இளங்கலை மற்றும் முதுகலை பொறியியல் மாணவ மாணவியர்கள் 343 பேர்களுக்கு பட்டம் வழங்கினார். இவ்விழாவில் கல்லூரி துணை முதல்வர் டாக்டர் ஸ்ரீராம் பாபு, டாக்டர் ராகீலா, டாக்டர் பிரவீன் ராஜ், பேராசிரியர் முரளிதர், பேராசிரியர் பியூலா சுகந்தி, டாக்டர் முருகவேல், ஆகியோர் கலந்து கொண்டனர். இந்த பட்டமளிப்பு விழாவில் மாணவ மாணவியர்கள் மற்றும் தாய் தந்தையர்கள் பேராசிரியர்கள் தொழில்நுட்ப பணியாளர்கள் அலுவலக பணியாளர்கள் பலர் கலந்து கொண்டனர்.