முதலமைச்சர் கோப்பை விளையாட்டுப் போட்டிகளில் வெற்றி பெற்ற கள்ளக்குறிச்சி மாவட்டகாவல்துறை

கள்ளக்குறிச்சி மாவட்ட அளவிலான முதலமைச்சர் கோப்பை விளையாட்டுப் போட்டிகளில் வெற்றி பெற்ற கள்ளக்குறிச்சி மாவட்டகாவல்துறைகள்ளக்குறிச்சி மாவட்டத்தில் 2023-ஆம் ஆண்டுக்கான முதலமைச்சர் கோப்பைக்கான விளையாட்டுப் போட்டிகள் தனியார் பள்ளி மைதானத்தில் கடந்த 10.02.2023-ந் தேதி முதல் நடைபெற்றுக் கொண்டிருக்கும் நிலையில் இன்று அரசு ஊழியர்களுக்கான பிரிவில் மாவட்ட அளவிலான விளையாட்டுப் போட்டிகள் நடைபெற்றது. இப்போட்டிகளில் கள்ளக்குறிச்சி காவல்துறை சார்பில் சுமார் 25 காவல் ஆளிநர்கள் சதுரங்க போட்டி, இறகு பந்து, நிளம் தண்டுதல், உயரம் தண்டுதல் மற்றும் ஓட்டப்பந்தயம் உள்ளிட்ட விளையாட்டு போட்டிகளில் கலந்து கொண்டனர். இதில் சுமார் 15 அணிகளுக்கு இடையே நடைபெற்ற கைப்பந்து போட்டயில் கள்ளக்குறிச்சி ஆயுதப்டை உதவி ஆய்வாளர் முத்துராஜ் தலைமையில் கலந்து கொண்ட 12 காவல் ஆளிநர்கள் முதலிடமும், இறகு பந்து போட்டியில் உதவி ஆய்வாளர் முத்துராஜ் இரண்டாம் இடமும், பெண்களுக்கான போட்டியில் உதவி ஆய்வாளர் செல்வி.சூரியா அவர்கள் 1,500 மீட்டர் ஓட்டப்பந்தயத்தில் முதலிடமும், 100 மீட்டர் ஓட்டம், நிளம் தண்டுதல் போட்டிகளில் இரண்டாம் இடமும், குண்டு ஏறிதல் போட்டியில் முன்றாமிடமும் மற்றும் சதுரங்க போட்டியில் பெண் தலைமை காவலர் பரமேஸ்வரி முதலிடம் பெற்று வெற்றி பெற்றுள்ளனர். இன்று வெற்றிபெற்ற அரசு ஊழியர்கள் அடுத்ததாக மாநில அளவில் நடைபெறும் முதலமைச்சர் கோப்பைக்கான விளையாட்டுப் போட்டிகளில் கலந்துகொள்ளவுள்ளனர்.இந்நிலையில் கள்ளக்குறிச்சி மாவட்ட காவல் கண்காணிப்பாளர் மோகன்ராஜ்,. அவர்கள் முதலமைச்சர் கோப்பைக்கான விளையாட்டுப் போட்டிகளில் காவல்துறை சார்பில் கலந்துகொண்டு வெற்றிபெற்றவர்களுக்கு பாராட்டுகளையும் மேலும் மாநில அளவிலான விளையாட்டு போட்டியில் வெற்றிபெற வாழ்த்துகளையும் தெரிவித்தார்.