இன்றைய ராசி பலன்கள்
மேஷம்
எதிர்பார்த்த வேலை ஒப்பந்தங்கள் கிடைத்து எதிர்பாராத லாபம் பெறுவீர்கள். மாணவர்கள் படிப்பில் அக்கறை செலுத்தி மதிப்பெண்கள் எடுக்க முயற்சி செய்வார்கள். சிக்கலான விஷயங்களை பெண்கள் சுமூகமாக முடிப்பார்கள். விற்பனையில் கிடைத்த பணத்தை தொழிலில் முதலீடு செய்வீர்கள். உத்தியோகத்தில் மிகவும் உற்சாகமாக வேலை பார்ப்பீர்கள்.
ரிஷபம்
கணிசமான லாபத்தை ஆன்லைன் வர்த்தகங்கள் பெற்றுத்தரும். நடைபாதை வியாபாரிகள் நல்ல பலனைப் பெறுவார்கள். நண்பர்கள் மூலமாக புதிய தொழில் தொடங்குவீர்கள். வெளிநாட்டுப் பயணங்களுக்கான ஏற்பாடுகளைச் செய்வீர்கள். தொழில் சம்பந்தப்பட்ட வெளியூர்ப் பயணங்கள் வெற்றிகரமாக அமையும். நீண்டகாலமாக இருந்த உடல் பிரச்சனை நீங்கி மன நிம்மதி அடைவீர்கள்.
மிதுனம்
என்றோ செய்த நல்ல காரியத்திற்கான பலனை இன்று அறுவடை செய்வீர்கள். குடும்பத்திற்குள் இருந்த குழப்பத்தை நீக்கி குதூகலத்தை ஏற்படுத்துவீர்கள். நீண்டகாலமாக மழலைச் செல்வத்திற்கு ஏங்கியவர்களுக்கு நல்ல செய்தி கிடைக்கும். பணியாளர்கள் உழைப்பிற்குத் தகுந்த மரியாதையும் ஊதியமும் பெறுவார்கள்.ஆன்மிகப் பெரியோர்களை சந்தித்து ஆசி பெறுகின்ற பாக்கியம் கிடைக்கும்.
கடகம்
வாகனங்களில் செல்லும்போது செல்போன் பேசாதீர்கள். வளைவுகளில் திரும்புகின்ற பொழுது மிகவும் எச்சரிக்கை தேவை. விபத்துக்கள் நடப்பதற்கான வாய்ப்பு உண்டு. புதிய நண்பர்களிடம் கவனமாக இருங்கள். சிறியோரின் பழக்கங்கள் சிக்கலைக் கொண்டு வரலாம். கடுமையாக முயற்சி செய்து கடனை அடைக்க நினைப்பீர்கள். சந்திராஷ்டம நாள். நிதானம் தேவை.
சிம்மம்
அடுத்தவரின் பேச்சைக் கேட்டு அமைதி இழந்த குடும்பத்தில் சந்தோஷம் திரும்பும். புதிய வாகனங்கள் வாங்குவதற்கான யோகம் உண்டு. வியாபாரிகள் நல்ல லாபம் பெறுவார்கள். கட்டிடத் தொழிலில் எலக்ட்ரீசியன்களுக்கு தொடர்ந்து வேலை கிடைக்கும். நிலத்தில் முதலீடு செய்வது எதிர்காலத்திற்கு நல்லது. பெண்களின் சேமிப்பு தக்க சமயத்தில் பயன்படும்.
கன்னி
நீண்ட தூரப் பயணத்தில் பாதுகாப்பை உறுதி செய்யுங்கள். ஆசை வார்த்தைகளை நம்பி ஏமாந்து போகாதீர்கள். வியாபாரத்திற்கு மறைமுக எதிர்ப்புகள் உருவாகலாம். மாமியார் மருமகள் சண்டை உங்கள் மன நிம்மதியைக் கெடுக்கும். வேலை காரணமாக குடும்பத்தைப் பிரிய வேண்டிய நிலை ஏற்படும். பிள்ளைகளின் நலனில் அக்கறை காட்டுங்கள்.
துலாம்
மனதில் உள்ளதை வெளியில் சொல்ல முடியாமல் தவிப்பீர்கள். தொழிலுக்கான பணத்தைப் புரட்ட சிரமப்படுவீர்கள். எதிர்பார்த்த இடத்திலிருந்து உதவி கிடைக்க தாமதமாகும். அந்தஸ்தை உயர்த்திக் கொள்ள ஆடம்பரமாகச் செலவு செய்வீர்கள். நெருக்கமான உறவுகளில் விரிசல் ஏற்படலாம். பேசும் வார்த்தையில் கோபத்தைக் கலக்காதீர்கள். வெளியூர் பயணங்களால் பெரிய நன்மை விளையாது.
விருச்சிகம்
கூட்டாகச் செய்யும் தொழிலில் கொள்ளை லாபம் பெறுவீர்கள். போட்டி பந்தயங்களில் வெற்றி அடைவீர்கள். நீங்கள் எடுக்கும் புதிய முயற்சிகள் நல்ல பலனைத் தரும். தொழிலை நிலைநிறுத்த பாடுபடுவீர்கள். நினைத்தது நிறைவேற நண்பர்கள் உதவி செய்வார்கள். தாயாரின் உடல்நிலையில் முன்னேற்றம் ஏற்படும். மனைவி உங்களைப் புரிந்து கொண்டு மனதிற்கு இதமாக நடந்து கொள்வார்.
தனுசு
நண்பரின் பிரச்சினையைத் தீர்க்க காவல் நிலையம் செல்வீர்கள். வியாபாரத்தைப் பெருக்க இரவு பகலாக உழைப்பீர்கள். தொழிலாளர் பற்றாக்குறையால் வேலையில் சுணக்கம் ஏற்படும். மேலதிகாரிகள் குறை சொல்லாத அளவிற்கு பணியில் கவனமாக இருங்கள். அடுத்தவரின் பேச்சைக் கேட்டு உங்கள் வேலையைக் கோட்டை விடாதீர்கள்.
மகரம்
வாக்குத் திறமையைக் காட்டி வேலைவாய்ப்பைப் பெறுவீர்கள். மருத்துவர்கள், பொறியியலாளர்கள் சாதனை படைப்பார்கள். பங்குப் பரிவர்த்தனை சிறப்பாக நடக்கும். ரியல் எஸ்டேட் தொழில் அமோகமாக இருக்கும். கேட்ட இடத்தில் பணம் உதவி கிடைக்கும். வேலைப்பளு குறைந்து நிம்மதிப் பெருமூச்சு விடுவீர்கள். ஆன்லைன் வியாபாரம் அமோகமாக நடக்கும். தொழிலுக்கு இருந்த தடைகள் நீங்கும்.
கும்பம்
கொடுத்த வாக்கைக் காப்பாற்ற குட்டிக்கரணம் அடிப்பீர்கள். அதையும் தாண்டி அவமானங்கள் வரலாம். வேலை விஷயமாக அலைச்சல் உண்டாகும். கண்ட இடத்தில் சாப்பிடாதீர்கள். ஜீரணக் கோளாறு ஏற்பட்டு சிரமப்படுவீர்கள். எடுத்த காரியம் உடனே நடக்க வேண்டும் என்று எண்ணாதீர்கள். தாமதம் ஏற்படும். வண்டி வாகனக் கடன்களை அடைக்க முயற்சி செய்வீர்கள். பணவரவு சுமாராக இருக்கும்.
மீனம்
ஞாபக மறதியால் நல்ல வாய்ப்பை கோட்டை விடுவீர்கள். அடுத்தவர் விஷயத்தில் மூக்கை நுழைக்காதீர்கள். தானுண்டு வேலையுண்டு என்று இருப்பது மிகவும் நல்லது. வியாபாரம் ஏற்ற இறக்கமாக இருக்கும். நடைபாதை வியாபாரிகள் சங்கடங்களைச் சந்திப்பார்கள். செங்கல், மணல் பற்றாக்குறையால் வீடு கட்டுவதில் சுணக்கம் ஏற்படும். மன அழுத்தம் கூடும்.
