பி.எஸ்.என்.எல் சில்வர் ஜூபிலி விழா
பி.எஸ்.என்.எல் சில்வர் ஜூபிலி விழா – சேலம் இயக்கப்பரப்பு
பாரத் சஞ்சார் நிகாம் லிமிடெட் (BSNL) நிறுவனத்தின் தலைமை அலுவலகம், நாடு முழுவதும் சில்வர் ஜூபிலி விழாவை கொண்டாட தீர்மானித்துள்ளது.
25 ஆண்டுகளுக்கு முன்பு, 2000 அக்டோபர் 1-ஆம் தேதி, பி.எஸ்.என்.எல் நிறுவனம் உருவாக்கப்பட்டது. தொலைத் தொடர்பு சேவைகளை நாட்டின் தொலைதூர மூலைமுடுக்குகளுக்குச் சென்றடையச் செய்து, ஒவ்வொரு குடிமகனுக்கும் இணைப்பின் வலிமையைக் கொடுப்பது என்ற நோக்கத்துடன் பி.எஸ்.என்.எல் தனது பயணத்தைத் தொடங்கியது.
2002-ஆம் ஆண்டு பி.எஸ்.என்.எல், GSM மொபைல் சேவைகளுடன் மொபைல் சந்தையில் நுழைந்தது.
2005 ஜனவரி மாதம், பி.எஸ்.என்.எல் இந்தியாவில் முதலாவது លេយល់ @ DataOne Broadband Service-அறிமுகப்படுத்தியது.
2009-இல், 2G-இலிருந்து 3G-க்கு மேம்படுத்தப்பட்டு, அதிக வேகமான தரவு சேவை வழங்கப்பட்டது.
ஆத்மநிர்பர் பாரத் (Atmanirbhar Bharat) திட்டத்தின் கீழ். இந்திய தொழில்நுட்பத்தைப் பயன்படுத்தி, அரசாங்கத்தின் ஆதரவுடன் பி.எஸ்.என்.எல் 4G சேவையை 2024-2025-இல் அறிமுகப்படுத்தியது.
2025 செப்டம்பர் 27-ஆம் தேதி, இந்தியப் பிரதமர் அவர்கள், ஒடிசா மாநிலத்தில் இருந்து 97,500 பி.எஸ்.என்.எல் 4G கோபுரங்களை நாட்டில் முழுவதும் தொடங்கி வைத்தார். இதன் மூலம், சீனா, ஜப்பான், தென் கொரியா, ஜெர்மனி மற்றும் பிரான்ஸ் ஆகியவற்றிற்குப் பிறகு, உலகில் சொந்தமாக 4G தொழில்நுட்பத்தை உருவாக்கிய 6-வது நாடாக இந்தியா உயர்ந்துள்ளது.
சேலம் இயக்கப்பரப்பின் சாதனைகள்.
BTS கோபுரங்கள்(சேலம் (OA): 2ஜி: 494, 3ஜி: 348,4ஜி: 557, தருக்க முனைகள்: 1129, மொத்தம்: 2528 BTS
USO சேவை மையங்கள்: கொள்ளி மலை, ஏற்காடு போன்ற தொலைதூரப் பகுதிகளில், மற்ற எந்த சேவை வழங்குனரும் இல்லாத இடங்களில், மொத்தம் 54 USO சேவை மையங்கள் செயல்பட்டு வருகின்றன.
ஆப்டிகல் ஃபைபர் நெட்வொர்க்:
சேலம் இயக்கப்பரப்பு 2600 கிமீ-க்கும் மேற்பட்ட ஆப்டிகல் ஃபைபர் நெட்வொர்க்-ஐ (MAAN, CPAN, BNG, SER, PR முதலிய வசதிகளுடன்) கொண்டுள்ளது.
FTTH (வீட்டிற்கு ஃபைபர்):
41,800-க்கும் மேற்பட்ட அதிவேக FTTH இணைப்புகள் வழங்கப்பட்டு, அரசு பள்ளிகள், கல்லூரிகள், அலுவலகங்கள், வங்கிகள், தொழில்துறை வளாகங்கள் மட்டுமின்றி தொலைதூர & காடு பகுதிகளிலும் சேவைகள் கிடைக்கச் செய்யப்பட்டுள்ளது.
என்டர்பிரைஸ் பிஸினஸ் யூனிட்:
சேலம் மற்றும் நாமக்கல் மாவட்டங்களிலுள்ள அரசு, தனியார் நிறுவனங்கள், வங்கிகள் மற்றும் தொழில்துறை வளாகங்களுக்கு, பாதுகாப்பான MPLS தொழில்நுட்பத்தின் மூலம் சேவைகள் வழங்கப்பட்டு வருகின்றன.
மிகக் குறைந்த கட்டண சேவை:
இந்தியாவில் மிகக் குறைந்த விலைக்கே மொபைல் சேவைகளை வழங்குவது பி.எஸ்.என்.எல். மற்ற சேவை வழங்குநர்களை விட. பி.எஸ்.என்.எல் கட்டணம் சுமார் 40% குறைவாக உள்ளது.
சேலம் இயக்கப்பரப்பில் (சேலம் & நாமக்கல் மாவட்டங்கள்), பி.எஸ்.என்.எல் சில்வர் ஜூபிலி விழாவை பெருமையுடன் கொண்டாடி, இனியும் மக்கள் அனைவருக்கும் நகரங்களிலிருந்து தொலைதூர கிராமங்கள் வரை வலுவான டிஜிட்டல் இணைப்பை வழங்குவோம் என்ற உறுதியை தெரிவித்துக் கொள்கிறது.
