‘நான் ‘ரெட்ரோ’வில் நடிக்க அவர்தான் காரணம்’…பூஜா ஹெக்டே ஓபன் டாக்!
ராதே ஷ்யாமில் தனது நடிப்பு கார்த்திக் சுப்புராஜ் சாருக்கு பிடித்திருந்த காரணத்தால் ‘ரெட்ரோ’படத்திற்கு தேர்ந்தெடுத்ததாக பூஜா ஹெக்டே கூறி இருக்கிறார்.
தமிழ் திரையுலகில் ‘முகமூடி’ படம் மூலம் அறிமுகமானவர் நடிகை பூஜா ஹெக்டே. தெலுங்கு, இந்தி படங்களில் நடித்து பிரபலமான இவர் அதன் பின்னர் விஜய்க்கு ஜோடியாக ‘பீஸ்ட்’ படத்தில் நடித்து பிரபலமானார்.இதையடுத்து தற்போது சூர்யாவுக்கு ஜோடியாக ‘ரெட்ரோ’ படத்திலும், ஷாஹித் கபூருடன் தேவா படத்திலும் நடித்து முடித்துள்ளார்.
இதையடுத்து கடந்த மாதம் 31-ம் தேதி வெளியாகிய தேவா படம்கலவையான விமர்சனங்களை பெற்று வருகிறது. இந்தநிலையில் மறுபுறம் சூர்யாவுடன் நடித்துள்ள ‘ரெட்ரோ’ படம் வருகிற மே மாதம் 1-ம் தேதி வெளியாக உள்ளது. இந்நிலையில், ரெட்ரோ படத்திற்கு தேர்வானதற்கு ‘ராதே ஷ்யாம்’ படம்தான் காரணம் என்று நடிகை பூஜா ஹெக்டே கூறியுள்ளார்.
மேலும் ராதே ஷ்யாமில் தனது நடிப்பு கார்த்திக் சுப்புராஜ் சாருக்கு பிடித்திருந்த காரணத்தால் ‘ரெட்ரோ’படத்திற்கு தேர்ந்தெடுத்ததாக பூஜா கூறி இருக்கிறார். இதையடுத்து பூஜா ஹெக்டே தற்போது விஜய்யுடன் ‘ஜனநாயகன்’ படத்தில் நடித்து வருகிறார்.மேலும் இப்படம் வரும் அக்டோபர் மாதம் வெளியாக உள்ளது குறிப்பிடத்தக்கது.
