8 மாத ஆண் குழந்தை சிகிச்சைப் பலனின்றி உயிரிழந்த பரிதாபம் :

திருவள்ளூர் மார்ச் 18 : திருவள்ளூர் மாவட்டம் பூண்டி அடுத்த அல்லிக்குழி கிராமத்தை சேர்ந்தவர் விஜயன் (27). தனியார் தொழிற்சாலையில் பணிபுரியும் இவரது மனைவி சந்தியா(23). இவர்களுக்கு  திருமணமாகி 2 ஆண்டுகளாக குழந்தை இல்லை. இந்த நிலையில் அதன் பிறகு கர்ப்மான சந்தியாவுக்கு கடந்த 2 வாரத்திற்கு முன்பு பிரசவ வலி ஏற்பட்டுள்ளது.  இதனையடுத்து அல்லிக்குழி அருகிலுள்ள கச்சூர் ஆரம்ப சுகாதார நிலையத்திற்கு கொண்டு சென்று பரிசோதனை செய்தனர்.  அப்போது குழந்தைக்கு பனிக்குடம் உடைந்து போனதாகவும் உடனடியாக திருவள்ளூர் மாவட்ட அரசு மருத்துவக் கல்லூரி மருத்துவமனைக்கும் கொண்டு செல்லுமாறு அறிவுறுத்தியுள்ளனர்.

இதனையடுத்து கடந்த 8-ந் தேதி சந்தியாவை பிரசவத்திற்காக திருவள்ளூர் மாவட்ட அரசு மருத்துவ கல்லூரி மருத்துவமனையில் பிரசவத்திற்காக அனுமதித்துள்ளனர். இந்நிலையில் அவருக்கு சுகப்பிரசவத்தில் ஆண் குழந்தை பிறந்துள்ளது. ஆனால் பிரசவம் பார்க்கும் போது செவிலியர் ஒரு கையில் செல்போனை வைத்துக் கொண்டும் மற்றொரு கையில் பிரசவம் பார்த்த நிலையில் குழந்தையை எடுக்கும் போது தவறி கீழே விட்டதாக  சந்தியாவின் சகோதரி கவிதா என்பவர் பார்த்ததாக கூறப்படுகிறது.

ஆனால் குழந்தைக்கு பனிக்குடம் உடைந்திருப்பதால் வென்டிலேட்டரில் வைக்க வேண்டும் எனக் கூறி குழந்தையை காட்டாமல் எடுத்துச் சென்றுள்ளனர்.  இந்நிலையில் ஒரு வாரமாகியம் குழந்தையை காட்டாத நிலையில் இன்று குழந்தை இறந்துவிட்டதாக மருத்துவமனை நிர்வாகம் சார்பில் தெரிவித்துள்ளனர். இதனால் ஆத்திரமடைந்த குழந்தையின் பெற்றோர் மற்றும் உறவினர்கள் மருத்துவமனையை முற்றுகையிட்டனர். செவிலியர் மற்றும் மருத்துவரின் அலட்சியம் காரணமாகவே குழந்தை உயிரிழந்ததால் அவர்கள் மீது கடும் நடவடிக்கை எடுக்க வேண்டும் என கோரிக்கை விடுத்தனர்.

ஆனால் மருத்துவமனை நிர்வாகம் சார்பில் குறை பிரசவத்தில் பனிக்குடம் உடைந்து குழந்தை பிறந்ததால் போதிய சத்து இல்லாமல் சிகிச்சை அளித்தும் பலனளிக்காமல் உயிரிழந்ததாக தெரிவித்தனர். அதை ஏற்காத உறவினர்கள் தொடர்ந்து போராட்டத்தில் ஈடுபட்டதால் பரபரப்பு ஏற்பட்டது.  இதனையடுத்து குழந்தையின் பெற்றோர் மற்றும் உறவினர்களிடம் மருத்துவமனை முதல்வர் அரசி ஸ்ரீவத்சன்சுகப்  பேச்சு வார்த்தை நடத்தியதைத் தொடர்ந்து உறவினர்கள் குழந்தையின் உடலை பெற்று சென்றனர்.