பொது சுகாதார துறையில் பணி நியமனத்திற்கான விண்ணப்பங்கள் வரவேற்கப்படுகின்றன
திருவள்ளூர் டிச 31 : திருவள்ளூர் மாவட்டத்தில் பொது சுகாதார துறையில் பணி நியமனத்திற்கான ஒப்பந்த அடிப்படையில் விண்ணப்பங்கள் வரவேற்கப்படுகின்றன.இது குறித்து திருவள்ளூர் மாவட்ட ஆட்சியர் ஆல்பி ஜான் வர்கீஸ் வெளியிட்டுள்ள அறிக்கையில் கூறியிருப்பதாவது :பொது சுகாதாரம் மற்றும் நோய்த்தடுப்பு மருந்துதுறை மற்றும் தேசிய நலக்குழுமம் மாவட்ட நலச்சங்கம் மூலமாக தற்காலிகமாக ஒப்பந்த அடிப்படையில் பணி நியமனம் அறிவிக்கப்பட்டுள்ளது. திருவள்ளூர் மாவட்டம் மாவட்ட நலவாழ்வு சங்கம் மூலமாக பகுதி சுகாதார செவிலியர்,நகர்புற சுகாதார மேலாளர் -5 கணக்கு உதவியாளர் -2, விவரத் தொகுப்பாளர் -1, நகர்ப்புற சுகாதார செவிலியர் – 8, மருந்தாளர்1, பல்நோக்கு மருத்துவ பணியாளர்கள் -2, பல் மருத்துவ உதவியாளர் -4,லிம்ஸ் ஜடி ஒருங்கிணைப்பாளர் -1 ஆகிய பணியிடங்களை தற்காலிகமாக ஒப்பந்த அடிப்படையில் பணிநியமனம் செய்ய விண்ணப்பங்கள் வரவேற்கப்படுகின்றன. இப்பணியிடங்களுக்கான விண்ணப் படிவமானது https//tiruvallur. nic.in என்ற இணையதளத்தில் பதிவிறக்கம் செய்து பூர்த்தி செய்து சுய சான்றெப்பமிட்ட சான்றிதழ்களை நகல்களுடன் 09.01.2023 அன்று மாலை 5 மணிக்குள் நிர்வாக செயலாளர் மாவட்ட நலவாழ்வு சங்கம் ,துணை இயக்குநர் சுகாதாரப்பணிகள் திருவள்ளூர் அலுவலகத்திற்கு நேரடியாகவோ அல்லது அஞ்சல் மூலமாகவோ அனுப்புமாறும், அதன் பின்னர் பெறப்படும் விண்ணப்பங்கள் ஏற்றுக் கொள்ளபடமாட்டாது என திருவள்ளூர் மாவட்ட ஆட்சியர் ஆல்பி ஜான் வர்கீஸ் தெரிவித்துள்ளார்.