கல்லாபாக்ஸ் 1.2 மில்லியன் அமெரிக்க டாலர் நிதி திரட்டியது

சிறிய மற்றும் நடுத்தர வணிகங்கள் விற்பனையை அதிகரிக்கவும், வாட்ஸ்அப்பில் சிறந்த வாடிக்கையாளர் அனுபவத்தை வழங்கவும் உதவும் வகையில், உரையாடல் வர்த்தக தளமான கல்லாபாக்ஸ் 1.2 மில்லியன் அமெரிக்க டாலர் நிதி திரட்டியது.

சிறு மற்றும் நடுத்தர வணிகங்கள் எஸ்எம்பி க்கள் வாட்ஸ்அப் மூலம் தங்கள் விற்பனையை அதிகரிக்க உதவும் உரையாடல் வர்த்தக தளமான கல்லாபாக்ஸ் ஆரம்ப நிதியில் 1.2 மில்லியன் அமெரிக்க டாலர்களை திரட்டியுள்ளது. 100x  தொழில்முனைவோர் நிதியின் பங்கேற்புடன் பிரைம் வென்ச்சர் பார்ட்னர்களால் இந்த நிதி வழங்கப்பட்டது. குறியீடு இல்லாத உரையாடல் வணிகத் தளமானது, வாட்ஸ்அப் பிசினஸ் ஏபிஐயை பயன்படுத்தி, எஸ்எம்பி க்களின் விற்பனை மாற்றங்களை மேம்படுத்தவும், மொபைல் செயலியின் தேவையின்றி தங்கள் வாடிக்கையாளர்களுக்கு முழு மொபைல் அனுபவத்தை வழங்கவும் உதவுகிறது. பல்லவ் நதானி (முன்னாள் தலைமை நிர்வாக அதிகாரி, ஃப்யூஷன்சார்ட்ஸ்), அபிஷேக் ருங்டா (இண்டஸ் நெட் டெக்னாலஜிஸ்), எஸ்வி ஸ்வரூப் ரெட்டி முன்னாள் எஸ்பிஐ சினிமாஸ்) மற்றும் சிவ ராஜாமணி (இணை நிறுவனர் மற்றும் தலைமை நிர்வாக அதிகாரி, எவர்ஸ்டேஜ்) உள்பட பல பிரபலமான ஏஞ்சல் முதலீட்டாளர்களும் இந்த சுற்றில் பங்கேற்றனர்.

கார்த்திக் ஜகந்நாதன், யோகேஷ் நாராயணன் மற்றும் யாதின் பஞ்சநாதன் ஆகியோரால் நிறுவப்பட்ட கல்லாபாக்ஸ், எஸ்எம்பி க்களுக்கு வாட்ஸ்அப்பில் விற்பனை மாற்றங்களை நிர்வகிக்க அதிகாரம் அளிக்கிறது. இது மோசமான மாற்றங்களுக்கும், பாரம்பரிய கருவிகளை பயன்படுத்தி சிதைந்த வாடிக்கையாளர் அனுபவத்திற்கும் முற்றுப்புள்ளி வைக்கிறது.