இன்றைய ராசி பலன்கள்

மனைவியின் பங்காக சிறிய சொத்து உங்கள் கைக்கு வரும். எதிர்காலம் பற்றிய கவலை அதிகரிக்கும். ஒரு சிலர் கடன் வாங்கியாவது நினைத்த காரியத்தை நிறைவேற்றுவார்கள். குடும்பத்தினருடன் சுற்றுலா செல்வீர்கள். அவர்களின் தேவையைப் பூர்த்தி செய்வீர்கள். எதிரிகளால் உண்டான எதிர்ப்புகளும் மன உளைச்சலும் மறைந்து போகும்.

காணாமல் போன பொருள் கைக்கு வந்து சேரும். வயிற்றுக்கோளாறுக்காக மருத்துவச் சிகிச்சை செய்வீர்கள். வெளியூரில் சந்திக்க வேண்டிய நபர்களால் பயன் இருக்காது. வெளிநாட்டிலிருந்து நல்ல செய்தி வந்து சேரும். கால நேரம் பார்க்காமல் வேலை செய்து பாராட்டைப் பெறுவீர்கள். ஆன்லைன் வர்த்தகம் பாதிப்பை உண்டாக்கும். பந்தயங்களில் ஈடுபடாதீர்கள்.

வருமானத்திற்கு இடையூறாக இருந்த தடைகள் அகலும். மனதில் தைரியமும் வேகமும் தோன்றும். சகோதர வகையில் ஆதாயம் அதிகரிக்கும். ஆனால் குடும்பத்தில் நிம்மதி குறைந்து சஞ்சலம் உண்டாகும். மருத்துவம், கணிதம், பொறியியல், சட்டம் படிக்கும் மாணவர்கள் வெற்றி காண்பார்கள். திருமணம் ஆகாத பெண்களுக்கு வரன் கைகூடிவரும். பூர்வீகச் சொத்தில் இருந்த வில்லங்கம் விலகும்.

தென்னைமரதோப்பு குத்தகைகளில் அதிக வருமானம் பார்ப்பீர்கள். பணப்பயிர்களை நடவு செய்து விற்பனையில் சாதனை படைப்பீர்கள். நீண்டநாள் நண்பரின் உதவியால் தொழிலை விரிவுபடுத்துவீர்கள். ஐடி ஊழியர்கள் அதிகச் சம்பளம் பெறுவார்கள். ஆன்லைன் வர்த்தகங்கள் மூலம் ஆதாயம் அடைவீர்கள். கடன் அழுத்தம் குறையும்.

கூட இருந்தே குழி பறிக்கும் நண்பர்களை அடையாளம் காண்பீர்கள். சொன்ன சொல்லைக் காப்பாற்றி நல்ல பெயர் எடுப்பீர்கள். கூட்டுத் தொழிலில் இருந்த சங்கடங்கள் விலகி சந்தோசம் பிறக்கும். வாக்கு சாதுர்யத்தால் எல்ஐசி முகவர்கள் அதிக பாலிசி சேர்ப்பார்கள். குறுக்கு வழியில் பணம் சம்பாதிக்கும் எண்ணத்தைக் கைவிடுங்கள். நீண்ட நாட்களாக தடைபட்ட சுபநிகழ்ச்சிகள் நடக்கும்.

கடன் சுமை காரணமாக இருந்த மன அழுத்தம் மறைந்து போகும். புதிய தொழில்களுக்கான வழிமுறைகளை வகுப்பீர்கள். பழைய நண்பர்களின் உதவியை நாடுவீர்கள். அரசுப் பணியாளர்களுக்கு பதவியில் மாற்றமும் ஊதிய உயர்வும் கிடைக்கும். கணவன் மனைவியிடையே ஒற்றுமை பலப்படும். மாமனார் வகையில் குறிப்பிட்ட தொகை கைக்கு வரும். பணவரவு அதிகரிக்கும்.

அதிக சிரமப்பட்டு வியாபாரத்தை நடத்துவீர்கள். தொழிலை விரிவுபடுத்த இரவுத் தூக்கத்தை தொலைப்பீர்கள். எதிர்பார்த்த அரசாங்க வேலைகள் தாமதமாகவே நடக்கும். உறவினர்கள் உங்களை அவமானப்படுத்த நினைப்பார்கள். ஆகவே, பேசுகின்ற வார்த்தையில் எச்சரிக்கையாக இருக்க வேண்டும். வெளியூர் பயணங்கள் அவ்வளவு நன்மைகளைத் தராது.

வாகனங்கள் பழுதாகி எதிர்பாராத செலவை ஏற்படுத்தும். வீடு கட்டும் வேலைகள் சுணக்கமாகவே நடக்கும். ரியல் எஸ்டேட் தொழிலில் மந்த நிலை காணப்படும். ஆன்லைன் வர்த்தகங்கள் ஆகவே ஆகாது. பணியாளர்கள் பைல்களைக் கையாளும்போது அதிக கவனம் தேவை. தேவையில்லாத வாக்குறுதிகளை யாருக்கும் வழங்காதீர்கள். பண முடக்கம் ஏற்படும்.

தட்டும் இடத்திலெல்லாம் பணம் கொட்டும் யோகமான நாள் இன்று. வியாபாரத்தில் எதிர்பார்த்ததை விட பல மடங்கு லாபம் பார்ப்பீர்கள். வாகன விற்பனையில் நல்ல முன்னேற்றம் ஏற்படும். கட்டுமானத் தொழிலில் இருப்பவர்கள் கணிசமான லாபம் பார்ப்பார்கள். இல்லத்தரசிகள் கணவருக்கு உறுதுணையாகத் திகழ்வார்கள். பிள்ளைகளால் பெருமை உண்டாகும்.

தொலைதூரப் பயணங்களால் குடும்பத்தை பிரிய நேரிடும். மேற்படிப்புக்காக பிள்ளைகளை வெளிநாட்டிற்கு அனுப்பி வைப்பீர்கள். சந்தோசங்களை அனுபவிப்பதற்கு ஆடம்பரமாகச் செலவு செய்வீர்கள். அடுத்தவருக்கு உதவி செய்வதன் மூலம் மதிப்பு, மரியாதை. செல்வாக்கை உயர்த்திக் கொள்வீர்கள். உறவுகளைப் பலப்படுத்த முயற்சி எடுப்பீர்கள்.

பிள்ளைகளின் வகையில் பெற்றோர்கள் சோதனையை சந்திக்கும் நிலைக்கு ஆளாவீர்கள். கணவன்-மனைவிக்குள் வீண் பிரச்சனைகள் உருவாகலாம். வியாபாரத்தில் அதிக லாபம் கிடைத்தாலும் செலவும் கூடிக்கொண்டே போகும். உறவுகளுக்குச் செலவு செய்யும் வகையில் கையிருப்பு கரையும். அறிமுகமில்லாத யாருடனும் கொடுக்கல் வாங்கல் வைத்துக் கொள்ளாதீர்கள்.