தமிழகத்தில் ஒருநாள் கொரோனா பாதிப்பு 200-க்கும் கீழ் வந்தது

தமிழகத்தில் கடந்த சில வாரங்களாக கொரோனா பாதிப்பு குறைந்து வருகிறது. அந்த வகையில் இன்று ஒருநாள் பாதிப்பு 200-க்கும் கீழ் குறைந்துள்ளது. கடந்த 24 மணி நேர கொரோனா பாதிப்பு விவரத்தை மருத்துவத்தும் மற்றும் மக்கள் நல்வாழ்வுத்துறை அமைச்சகம் வெளியிட்டுள்ளது. அதன் விவரம் வருமாறு;- தமிழகத்தில் இன்று ஆண்கள் 115, பெண்கள் 83 என மொத்தம் 198 பேருக்குக் கொரோனா தொற்று உறுதிசெய்யப்பட்டுள்ளது.

அதிகபட்சமாக சென்னையில் 50 பேருக்கு கொரோனா உறுதி செய்யப்பட்டுள்ளது. இதன் மூலம் தமிழகத்தில் பாதிப்பு எண்ணிக்கை 35 லட்சத்து 90,856 ஆக அதிகரித்துள்ளது. கொரோனா பாதிப்பில் இருந்து இன்று 383-பேர் குணம் அடைந்துள்ளனர். இதுவரை 35 லட்சத்து 90 ஆயிரத்து 856 பேர் குணம் அடைந்துள்ளனர். கொரோனா பாதிப்புடன் சிகிச்சையில் உள்ளவர்கள் எண்ணிக்கை 2,939 ஆக உள்ளது. கொரோனா பாதிப்பால் இன்று உயிரிழப்பு எதுவும் இல்லை