இன்றைய ராசி பலன்கள்

மேஷம்
ஏதாவது ஒரு மனக்கவலை இதயத்தை அழுத்திக் கொண்டிருக்கும். தொழிலுக்குத் தேவையான பணத்தை திரட்ட சிரமப்படுவீர்கள். குடும்பத்திலும் குழப்பமான போக்கே நிலவுகிறது. பணத்தைக் கையாளுவதில் கவனம். இழப்பு ஏற்பட வாய்ப்பு இருக்கிறது. வியாபாரம் சற்று சறுக்கல் ஆக இருக்கும். எதிர்பார்த்த இடத்தில் பணம் கிடைக்கத் தாமதமாகும்.

ரிஷபம்
சிறிய தொழில் தொடங்குவீர்கள். அதற்கான அரசாங்கக் கடன் கிடைக்கும். வெளிவட்டாரப் பழக்கங்களால் செல்வாக்கு உயரும். பள்ளிப் பிள்ளைகள் படிப்பில் அக்கறையாக இருப்பார்கள். அரசாங்க வேலை செய்பவர்களுக்கு அலைச்சல் கூடும். நடைபாதை வணிகர்கள் சிறப்பான லாபம் பெறுவர். தனியார் துறையிலும் தொழிலாளர்கள் நல்ல பெயர் ஈட்டுவர்.

மிதுனம்
திடீரென்று பணம் வந்து உங்களைத் திக்குமுக்காட வைக்கும். தொழிலை விரிவுபடுத்த முயற்சி மேற்கொள்வீர்கள். வீட்டில் மக்கள் செல்வம், மழலைச் சத்தம் கேட்கும். கணினித்துறையில் சாதனை நிகழ்த்துவீர்கள். பெரியோர்களின் அன்பும் ஆசியும் கிடைக்கும். வெளிநாட்டுப் பயணத்தின் மூலம் எதிர்கால வருமானம் உறுதியாகும். பெருமைப்பட வைப்பார்கள் பிள்ளைகள்.

கடகம்
நீண்ட நாள் ஆசை நிறைவேறும். பெண்கள் நகைகள் வாங்கி சந்தோஷப்படுவார்கள். சகோதர உறவுகள் உதவியாக இருக்கும். விருந்து நிகழ்ச்சிகளில் கலந்து கொள்வீர்கள். கணவன் மனைவிக்கிடையே இருந்த கருத்து வேற்றுமை விலகும். அண்டை வீட்டாருடன் இருந்த மோதல் போக்கு முடிவுக்கு வரும். வம்பு வழக்குகளைத் தைரியமாகச் சந்திப்பீர்கள்.

சிம்மம்
இன்று உங்களுக்கு எதிர்பாராத நன்மைகள் எல்லாம் நடக்கும். தொழிலில் நினைத்ததைவிட லாபம் பெறுவீர்கள். வியாபாரிகளுக்குக் கொண்டாட்டமான நாள். நடைபாதை வியாபாரிகள் நல்ல பலனைப் பெறுவார்கள். ரியல் எஸ்டேட் தொழில் பரபரப்பாக இருக்கும். பங்குப் பரிவர்த்தனையில் லாபம் கிடைக்கும். பணவரவால் மகிழ்ச்சி அடைவீர்கள்.

கன்னி
வளர்பிறைச் சந்திரன் என்பதால் நஷ்டங்கள் குறையும். சின்னச் சின்னத் தோல்விகளால் மனம் சஞ்சலம் அடையும். எதிர்பார்த்த காரியம் தள்ளிப்போகும். தாய் தந்தை பிள்ளைகளுக்கு இடையே உள்ள உறவு சுமூகமாக இருக்காது. வியாபாரம் சுமாராக நடக்கும். தொழில் துறைகளில் சிறிய பிரச்சனைகளைச் சந்திப்பீர்கள். உறவினர்கள் உதவ மாட்டார்கள்.

துலாம்
என்னதான் அக்கறையாக வேலை பார்த்தாலும் மேல் அதிகாரிகள் குறை கூறுவார்கள். அவர்களை திருப்திப்படுத்துவது கடினம். தொழிலாளர்கள் குறித்த நேரத்தில் வேலைக்கு வராததால் சிரமத்தை எதிர்நோக்குவீர்கள். வியாபாரிகள் பொருட்களைக் கொண்டு செல்வதில் சிரமம் ஏற்படும். மனைவி குறை சொல்வதிலேயே குறியாக இருப்பார்.

விருச்சிகம்
நல்ல காரியங்கள் மளமளவென்று நடக்கும். நினைத்த இடத்தில் கேட்ட உதவி கிடைக்கும். தொழிலை விரிவுபடுத்துவீர்கள். அரசாங்கத்தில் எதிர்பார்த்த நல்ல செய்தி வரும். பழைய கடன்களை அடைக்க வழி கிடைக்கும். வாக்குத் தவறாத உங்கள் நடத்தை செல்வாக்கை உயர்த்தும். சுப நிகழ்ச்சிகளில் குடும்பத்துடன் கலந்து கொள்வீர்கள். கையிருப்பு அதிகரிக்கும்.

தனுசு
தோல்விகள் உங்களை விட்டு தூர ஓடும். பங்குப் பரிவர்த்தனைகள் லாபமீட்டும். லாட்டரி யோகமும் உண்டு. இதமான பேச்சால் எதிர்ப்புகளை முறியடிப்பீர்கள். வியாபாரத்தில் கணிசமான லாபத்தைப் பெறுவீர்கள். வெளியூரிலிருந்து இனிப்பான செய்திகள் வரும். குடும்பத்தினர் குதூகலத்துடன் இருப்பார்கள். பிரியம் மாறாமல் பிள்ளைகள் நடந்து கொள்வார்கள்.

மகரம்
வேண்டாதவர்கள் தீங்கு செய்ய நினைப்பார்கள். பழைய பகை உங்களைப் பாதிக்கும். இருப்பினும் தொழில்துறைகளில் ஏற்றம் காண்பீர்கள். பங்கு பரிவர்த்தனைகளில் கணிசமான பலனைப் பெறுவீர்கள். தந்தையாருக்கு மருத்துவச் செலவு ஏற்பட வாய்ப்புண்டு. வெளியூர் பயணங்களால் விரயச் செலவு ஏற்படும். நண்பரின் உதவி நன்மையைத் தரும்.

கும்பம்
யாருக்கும் வாக்குக் கொடுக்காதீர்கள். தேவையில்லாத பிரச்சினைகளில் தலையிடாதீர்கள்.நான் சொல்வதுதான் சரி என்று விவாதம் செய்யாதீர்கள். முக்கியமான முடிவுகள் எடுப்பதை ஒரு நாள் ஒத்தி வையுங்கள். தொழிலில் புதிய முதலீடுகள் வேண்டாம். குடும்பத்தினரின் தேவைகளைப் பூர்த்தி செய்யுங்கள். கடன் வாங்காதீர்கள். சந்திராஷ்டம நாள். கவனம் தேவை.

மீனம்
வீட்டிற்குத் தேவையான சாமான்களை வாங்குவீர்கள். நகை வாங்க வேண்டும் என்ற நீண்ட நாள் ஆசை நிறைவேறும்.பிள்ளைகள் கேட்ட பொருட்களை வாங்கிக் கொடுத்து குஷிப்படுத்துவீர்கள். இல்லாதவர்களுக்கு கொடுத்து இன்பம் காண்பீர்கள். வேலையில் கண்ணும் கருத்துமாக இருப்பீர்கள். உயர் அதிகாரிகளின் பாராட்டுக் கிடைக்கும். பணவரவு தாராளமாக இருக்கும்.