இன்றைய ராசி பலன்கள்

மேஷம்

வீட்டிற்குத் தேவையான புதிய பொருட்களை வாங்குவீர்கள். கல்வியில் மாணவர்களின் திறமை அதிகரிக்கும். கலைத்துறையினருக்கு புதிய வாய்ப்புகள் கிடைக்கும். குடும்பத்தில் இருந்த வீண் பிரச்சனைகள் நீங்கி நிம்மதி உண்டாகும். பங்குதாரர்களுடன் பக்குவமாகப் பேசி தொழிலை நிலை நிறுத்துவீர்கள். அரசு வேலையில் எதிர்பார்த்த பதவி உயர்வு கிடைக்கும்.

ரிஷபம்

எந்தக் காரியத்திலும் நன்கு யோசித்து இறங்குங்கள். குடும்பம் பற்றிய கவலைகள் அதிகரிக்கும். உறவினர்களிடம் பேசும்போது உரசல் வராமல் பார்த்துக் கொள்ளுங்கள். கடன் விவகாரங்கள் கட்டுக்குள் இருக்கும். படிப்பில் வெற்றிபெற திட்டமிட்டு மாணவர்கள் கல்வி கற்பார்கள். எதிர்பார்த்த பண உதவி சுணக்கம் இல்லாமல் உடனே வந்து சேரும்.

மிதுனம்

எல்லாம் தெரியும் என்ற நினைப்பை மூட்டைகட்டி வையுங்கள். கைமாற்றாக பணம் கொடுப்பதைத் தவிருங்கள். ஆன்லைன் ரம்மி விளையாட்டில் ஈடுபடாதீர்கள். தொழில் வியாபாரம் மந்தமாக இருக்கும். அனாவசியமான செலவுகள் வந்து சேரும். தொழில் சம்பந்தப்பட்ட பயணங்களில் தொய்வு ஏற்படும். சந்திராஷ்டம நாள். எதிலும் நிதானமாகவே நடந்து கொள்ளுங்கள்.

கடகம்

நயந்து பேசி நண்பரின் திருமணத்தை நல்ல விதமாக முடிப்பீர்கள். கணவன் மனைவிக்கிடையே பாசம் அதிகரிக்கும். புதிய வீடு வாங்குவதற்கான வாய்ப்பு தானாகத் தேடி வரும். மாணவர்கள் படிப்பில் முன்னேற்றம் அடைய கடுமையாக உழைக்க வேண்டும். கணிசமான லாபத்தை கமிஷன் வியாபாரம் கொண்டுவரும். வாங்கிய கடனை வட்டியோடு அடைப்பீர்கள்.

சிம்மம்

மற்றவர்களுக்காக நீங்கள் எடுக்கும் முயற்சி வெற்றி பெறும். கடுமையான போராட்டத்தில் தொழிலை நடத்துவீர்கள். உத்தியோகத்தில் கூடுதல் பணிச்சுமையை ஏற்பீர்கள். மேலதிகாரிகள் உங்களை காட்டம் வைத்து வேலை வாங்குவார்கள். பெண்களின் மனக்கவலை நீங்கும். பங்குச் சந்தையில் அதிக முதலீடு செய்ய வேண்டாம். பண இழப்பு ஏற்படலாம்.

கன்னி

பொறுமையாக இருந்து பூர்வீகச் சொத்தை அடைவீர்கள். தொழிலில் வேகம் காட்டி போட்டியாளர்களைத் திணறடிப்பீர்கள் பிள்ளைகளின் படிப்புக்காக பணம் சேர்ப்பீர்கள். உறவினர்கள் வகையில் உதவிகளை எதிர்பார்க்க இயலாது. வெளியூரிலிருந்து வியாபாரத்திற்கான புதிய ஆர்டர்களைப் பெறுவீர்கள். வீட்டில் மங்கல காரியங்கள் நடந்தேறும்.

துலாம்

நீண்டகாலமாக நினைத்திருந்த இடத்தை வாங்கி பத்திரம் போடுவீர்கள். தொழிலை விரிவுபடுத்த வங்கிக் கடன் பெறுவீர்கள். ஊழியர்களின் ஒத்துழைப்பால் ஏற்றுமதி-இறக்குமதி சிறப்பாக நடக்கும். பங்குச் சந்தை வியாபாரத்தில் லாபம் பார்ப்பீர்கள். தேவைக்கான பணம் எந்த வகையிலாவது தேடிவரும். கார் வாங்க வேண்டும் என்ற கனவு சிலருக்கு நனவாகும்.

விருச்சிகம்

பொறாமையால் உங்களுக்கு போட்டிகள் அதிகரிக்கும். வேலையைக் கெடுக்க, கூட இருப்பவர்களே குழி பறிப்பார்கள். சிறு வியாபாரிகளுக்கு ஏதாவது ஒரு இடையூறு உண்டாகும். மனைவியின் மனமறிந்து நடந்து கொள்ளுங்கள். பிள்ளைகளின் தேவையைப் பூர்த்தி செய்ய கடன் வாங்குவீர்கள். வரவுக்கு மேல் செலவு அதிகரித்து விழிபிதுங்கச் செய்யும். பணவிரைய பாதிப்பும் உண்டு.

தனுசு

வழக்கறிஞர்கள், கல்லூரி பேராசிரியர்கள் முத்திரை பதிப்பார்கள். வியாபாரத்தில் காட்டும் வேகம் லாபத்தைக் கூட்டும். வெட்டு ஒன்று துண்டு இரண்டு என்று பேசுவீர்கள். சாதுர்யமாகவும் நயமாகவும் பேசி வாடிக்கையாளர்களை ஈர்ப்பீர்கள். நீண்ட காலமாக இருந்து வந்த பிரச்சனை நீங்கி நிம்மதி ஏற்படும். வெளிநாட்டுப் பயண ஏற்பாடுகள் வெற்றிகரமாக அமையும்.

மகரம்

சாப்பிடுவதற்கு மட்டும் வாயைத் திறந்தால் சங்கடங்கள் வராது. குடும்பத்தில் உள்ளவர்கள் உங்கள் பேச்சைத் தவறாகப் புரிந்து கொள்வார்கள். வியாபாரத்தில் எதிர்ப்புகள் வந்து இடையூறு செய்யும். வெளியூர்ப் பயணங்களால் அலைச்சல் அதிகமாகும். ஆரோக்கியத்தில் அக்கறை காட்டுங்கள். ஆடம்பரமாகச் செலவு செய்து கடனாளி ஆகாதீர்கள்.

கும்பம்

அரசாங்க வேலைகளில் இழுபறியாக நடக்கும். சொத்து சம்பந்தப்பட்ட வழக்குகளில் சுணக்க நிலை ஏற்படும். அடுத்தவருக்கு உதவி செய்யப்போய் வம்பில் மாட்டிக் கொள்ளாதீர்கள். வெளியூர் பயணங்களால் பொருள் விரயமாகும். வியாபாரத்தில் தொய்வு நிலை காணப்படும். பார்ட்னர்களிடையே பணப்பிரச்சனையால் சண்டை வரும். வேலைப் பளு அதிகரிக்கும்.

மீனம்

தேடிப் போன காரியம் ஓடிவந்து நிறைவேறும். ரியல் எஸ்டேட் தொழில் சூடுபிடிக்கும். பங்குப் பரிவர்த்தனையில் அதிக முதலீடு செய்யலாம். ஆன்லைன் வர்த்தகங்கள் அனுகூலம் தரும். சூதாட்டங்களில் ஈடுபட வேண்டாம். வியாபாரம் வெற்றிகரமாக நடக்கும். பணியிடத்தில் உங்கள் செல்வாக்கு அதிகரிக்கும். வெளிநாட்டில் இருந்து எதிர்பார்த்த பண உதவி வந்து சேரும்.