Today’s Rasi Palan : இன்றைய ராசி பலன் செவ்வாய்க்கிழமை டிசம்பர் 21, 2021

Today’s Rasi Palan : இன்றைய ராசி பலன் செவ்வாய்க்கிழமை டிசம்பர் 21, 2021

சென்னை: பிலவ வருடம் மார்கழி 6 ஆம் தேதி டிசம்பர் 21, 2021 செவ்வாய்க்கிழமை. துவிதியை பகல் 02.54 மணிவரை அதன் பின் திருதியைத் திதி. புனர்பூசம் நட்சத்திரம் இரவு 10.25 மணி வரை அதன் பின் பூசம் நட்சத்திரம். சந்திரன் இன்று மிதுனம், கடக ராசிகளில் பயணம் செய்கிறார். விருச்சிகம், தனுசு ராசிக்காரர்களுக்கு சந்திராஷ்டமம் உள்ளதால் கவனமும் நிதானமும் தேவை. மேஷம் முதல் மீனம் வரை 12 ராசிக்காரர்களுக்கும் பலன்கள் பரிகாரங்களைப் பார்க்கலாம்.

மேஷம்
சந்திரன் இன்று சாதகமான வீட்டில் பயணம் செய்கிறார். இன்று உங்களுக்கு பணவரவுகள் மிகச் சிறப்பாக இருக்கும். உற்றார் உறவினர்கள் வருகையால் குடும்பத்தில் மகிழ்ச்சி நிலவும். வீட்டுத் தேவைகள் எளிதில் பூர்த்தியாகும், வியாபாரத்தில் கொடுக்கல் வாங்கல் திருப்திகரமாக இருக்கும். உத்தியோகத்தில் சிலருக்கு எதிர்பார்த்த ஊதிய உயர்வு கிடைக்கும். பயணங்களால் நன்மை உண்டாகும்.

ரிஷபம்
சந்திரன் சஞ்சாரத்தினால் மன நிம்மதி அதிகரிக்கும் நோய்கள் நீங்கி உடல் ஆரோக்கியம் நலமடையும். புதிய முயற்சிகளுக்கு சிறுதடைகள் ஏற்பட்டு பின் வெற்றிகரமாக நடக்கும். சக நண்பர்களுடன் ஏற்பட்ட பிரச்சினைகள் நீங்கும். வெளியூர் பயணங்களால் நன்மை உண்டாகும். சுபகாரிய முயற்சிகளில் முன்னேற்றம் அடைவீர்கள். பெரிய மனிதர்களின் சந்திப்பு புதிய தெம்பை தரும்.

மிதுனம்
சந்திரன் பயணத்தால் பண வரவு வரும் மன குழப்பம் நீங்கும். இன்று குடும்பத்தில் மகிழ்ச்சியான சூழ்நிலை ஏற்படும். பிள்ளைகளின் உடல் ஆரோக்கியம் சிறப்பாக இருக்கும். தொழில் வளர்ச்சிக்காக எடுக்கும் முயற்சிகள் நற்பலனைத் தரும். உத்தியோகத்தில் புதிய நபர் அறிமுகம் கிடைக்கும். சிலருக்கு பூர்வீக சொத்துக்களால் அனுகூலப் பலன் கிட்டும்.

கடகம்
சந்திரன் இன்றைய தினம் உங்கள் ராசிக்குள் வருகிறார். பண வரவுடன் திடீர் செலவும் வரும். இன்று குடும்பத்தில் ஒற்றுமை அதிகரிக்கும். உடல் ஆரோக்கியத்தில் முன்னேற்றம் ஏற்படும். தொழில் வியாபாரத்தில் ஈடுபடுபவர்கள் சிறுசிறு மாறுதல்களை செய்து லாபத்தை அடைவீர்கள். பணவரவு தாராளமாக இருப்பதால் கடன் பிரச்சினை குறையும். உடன் பிறந்தவர்கள் மூலம் உதவிகள் கிட்டும்.

சிம்மம்
குடும்பத்தில் இருந்த பிரச்சினைகள் முடிவுக்கு வரும் திடீர் பண வரவினால் இன்று உங்களுக்கு பொருளாதார நிலை சிறப்பாக இருக்கும். பழைய கடன்கள் தீரும். தொழில் ரீதியாக வெளியூர் பயணம் செல்ல நேரிடும். உத்தியோகத்தில் சக ஊழியர்களின் ஒத்துழைப்பு கிட்டும். பழைய நண்பர்களின் சந்திப்பு மகிழ்ச்சியை தரும். உறவினர்கள் உதவியாக இருப்பார்கள்.

கன்னி
சந்திரன் இன்று உங்கள் ராசிக்கு லாப ஸ்தானத்தில் பயணம் செய்கிறார். இன்று உங்களுக்கு திடீர் பணவரவுகள் உண்டாகும். பிள்ளைகளால் மகிழ்ச்சி அதிகரிக்கும். தெளிவான மனநிலையில் இருப்பீர்கள். நல்ல செய்திகள் தேடி வரும். பெண்களுக்கு நகைகள் ஆடம்பர பொருட்கள் வாங்குவதில் ஆர்வம் அதிகரிக்கும். அரசு வழியில் எதிர்பார்த்த உதவிகள் எளிதில் அடைவீர்கள். அரசு வேலையில் இருப்பவர்களுக்கு புதிய பொறுப்புகள் வந்து சேரும்.

துலாம்
சந்திரன் இன்று உங்கள் ராசிக்கு தொழில் ஸ்தானத்தில் பயணம் செய்கிறார். இன்று குடும்பத்தில் ஏற்பட்ட பிரச்சினைகள் நீங்கும். அலுவலகத்தில் மேலதிகாரிகளால் நெருக்கடிகள் வந்து நீங்கும். உடன் வேலை செய்பவர்களால் நீண்ட நாள் எதிர்பார்த்த உதவி இன்று கிடைக்கும். சொத்து சம்பந்தபட்ட வழக்குகளில் சாதகப்பலன் கிட்டும். முன்கோபத்தை குறைத்துக்கொள்வது நல்லது. பயணங்களைத் தவிர்க்கவும். வாக்குக் கொடுத்து மாட்டிக்கொள்ள வேண்டாம்.

விருச்சிகம்
சந்திரன் இன்று உங்கள் ராசிக்கு ஒன்பதாம் வீட்டில் பயணம் செய்கிறார். இன்று பிற்பகல் வரைக்கும் நீங்கள் சற்று குழப்பமாகவே காணப்படுவீர்கள். உங்கள் ராசிக்கு பிற்பகல் 03.47 மணி வரை சந்திராஷ்டமம் இருப்பதால் எந்த செயலையும் நிதானத்துடன் செய்வது நல்லது. மற்றவர்களிடம் பேசும் பொழுது கவனமாக பேச வேண்டும். வாகனங்களில் செல்லும் பொழுது எச்சரிக்கையுடன் செல்வது நல்லது.

தனுசு
சந்திரன் பிற்பகல் வரை ஏழாம் வீட்டில் பயணம் செய்கிறார். இன்று உங்கள் குடும்பத்தில் தாராள தன வரவும், மகிழ்ச்சியும் உண்டாகும். கடன் பிரச்சினைகள் தீரும். திருமண சுபமுயற்சிகளில் முன்னேற்றம் ஏற்படும். நவீன பொருட்கள் வாங்க அனுகூலமான நாளாகும். வியாபாரத்தில் எதிரிகளாக இருந்தவர்கள் கூட நண்பர்களாக மாறி செயல்படுவார்கள். உங்கள் ராசிக்கு பிற்பகல் 03.47 மணி முதல் சந்திராஷ்டமம் தொடங்குவதால் கவனம் தேவை.

மகரம்
சந்திரன் இன்று உங்களுக்கு சாதகமான வீடுகளில் பயணம் செய்கிறார். இன்று குடும்பத்தில் அமைதி நிலவும். உடனிருப்பவர்களால் அனுகூலம் உண்டாகும். உடல் ஆரோக்கிய பாதிப்புகள் நீங்கி சுறுசுறுப்புடன் செயல்படுவீர்கள். நண்பர்கள் மூலம் எதிர்பார்த்த உதவிகள் கிடைக்கும். வேலை செய்யும் இடத்தில் இன்று மேலதிகாரிகளால் பாராட்டுக்கள் கிடைக்கும்.

கும்பம்
சந்திரன் இன்று உங்கள் ராசிக்கு ஆறாம் வீட்டில் பயணம் செய்யப்போகிறார். இன்று நீங்கள் எந்த விஷயத்திலும் நிதானமாக செயல்படுவது நல்லது. வெளியூர் பயணங்களால் அலைச்சல் அதிகரிக்கும். உடன்பிறந்தவர்கள் வழியாக சுபசெய்திகள் கிடைக்கப்பெற்று குடும்பத்தில் மகிழ்ச்சி கூடும். வேலையில் மேலதிகாரிகளின் ஆதரவு கிடைக்கும். வீட்டு தேவைகள் பூர்த்தியாகும். கடன் பிரச்சினைகள் நீங்கும்.

மீனம்
சந்திரன் இன்று உங்கள் ராசிக்கு ஐந்தாம் வீட்டில் பயணம் செய்கிறார். இன்று நீங்கள் தொட்ட காரியம் அனைத்தும் வெற்றியில் முடியும். சுபகாரிய முயற்சிகளில் இருந்த தடைகள் விலகும். தொழில் சம்பந்தமான புதிய முயற்சிகளுக்கு குடும்பத்தினரின் ஆதரவும் ஒத்துழைப்பும் கிட்டும். உறவினர்களின் ஆதரவு கிடைக்கும். உறவினர்கள் உதவிக்கரம் நீட்டுவர்.