இன்றைய ராசி பலன் திங்கட்க்கிழமை அக்டோபர் 11, 2021

Today’s Rasi Palan : இன்றைய ராசி பலன் திங்கட்க்கிழமை அக்டோபர் 11, 2021

சென்னை: பிலவ வருடம் புரட்டாசி 25 ஆம் தேதி அக்டோபர் 11,2021 திங்கட்க்கிழமை. சஷ்டி திதி மாலை 11.51 மணி வரை அதன் பின் சப்தமி திதி. கேட்டை பகல் 12.55 மணிவரை அதன் பின் மூலம் நட்சத்திரம். சந்திரன் இன்றைய தினம் விருச்சிக ராசியிலும் தனுசு ராசியிலும் பயணம் செய்கிறார். மேஷம் மற்றும் ரிஷப ராசிக்காரர்களுக்கு சந்திராஷ்டமம் உள்ளதால் கவனமும் நிதானமும் தேவை. சந்திரன் ஆதிக்கம் நிறைந்த திங்கட்க்கிழமையான இன்றைய தினம் மேஷம் முதல் மீனம் வரை 12 ராசிக்காரர்களுக்கும் பலன்கள் பரிகாரங்களைப் பார்க்கலாம்.

மேஷம்
சந்திரன் இன்றைய தினம் உங்கள் ராசிக்கு எட்டாவது இடத்தில் பயணம் செய்கிறார். பிற்பகலுக்கு மேல் ஒன்பதாவது வீட்டிற்கு மாறுகிறார். இன்று உங்கள் ராசிக்கு மாலை 12.55 வரை சந்திராஷ்டமம் இருப்பதால் எதிலும் நிதானமாக இருப்பது நல்லது. எந்த செயலிலும் பொறுமையாக இருப்பது நல்லது. மற்றவர் விஷயங்களில் தலையிடாமல் இருப்பது உத்தமம். கொடுக்கல் வாங்கலில் கவனம் தேவை. சுபகாரிய முயற்சிகளை தவிர்க்கவும்

ரிஷபம்
சந்திரன் இன்று ஏழாம் வீட்டில் இருந்து எட்டாம் வீட்டிற்கு மாறுகிறார். இன்று நீங்கள் எடுக்கும் காரியங்களில் புது உற்சாகத்தோடு செயல்படுவீர்கள். உற்றார் உறவினர்களின் அன்பும் ஆதரவும் கிட்டும். எதிர்பார்த்த இடத்திலிருந்து உதவிகள் கிடைக்கும். உங்கள் ராசிக்கு பிற்பகல் 12.55 முதல் சந்திராஷ்டமம் தொடங்குவதால் எந்த செயலிலும் நிதானத்தை கடைப்பிடிக்க வேண்டும்.

மிதுனம்
சந்திரன் இன்றைய தினம் உங்கள் ராசிக்கு ஏழாம் வீட்டிற்கு வருகிறார். இன்று உறவினர்கள் வருகையால் மகிழ்ச்சி உண்டாகும். சிலருக்கு புதிய வண்டி வாகனம் வாங்கும் வாய்ப்பு அமையும். குடும்பத்தில் இருந்த பொருளாதார பிரச்சினைகள் குறையும். வெளியூர் பயணங்களால் நன்மை அதிகரிக்கும். வியாபார ரீதியாக எடுக்கும் முயற்சிகளில் லாபம் அதிகரிக்கும். உடல் ஆரோக்கியம் நன்றாக இருக்கும்.

கடகம்
சந்திரன் இன்றைய தினம் உங்கள் ராசிக்கு ஆறாம் வீட்டிற்கு மாறுகிறார். இன்று குடும்பத்தில் இருந்த பிரச்சினைகள் முடிவுக்கு வரும் உடல் ஆரோக்கியம் நன்றாக இருக்கும். தொழில் வியாபாரத்தில் பணம் கொடுக்கல் வாங்கலில் ஏற்பட்ட சிக்கல்கள் நீங்கும். கடுமையான முயற்சி செய்தால் மட்டுமே எடுத்த காரியத்தில் வெற்றி காண முடியும். விட்டு கொடுத்து செல்வதன் மூலம் பிரச்சினைகளை தவிர்க்கலாம். மனக்குழப்பம் நீங்கி உடல் ஆரோக்கியம் அதிகரிக்கும்.

சிம்மம்
சந்திரன் இன்றைய தினம் உங்கள் ராசிக்கு ஐந்தாம் வீட்டிற்கு செல்வதால் இன்று குடும்பத்தில் மனம் மகிழும் சம்பவங்கள் நடைபெறும். உடன்பிறந்தவர்கள் ஆதரவாக இருப்பார்கள். பிள்ளைகள் மூலம் மகிழ்ச்சியான செய்தி கிடைக்கும். ஆடம்பர பொருட் சேர்க்கை உண்டாகும். தொழில் விஷயமாக செல்லும் வெளியூர் பயணம் வெற்றியைத் தேடித்தரும். பழைய கடன் பிரச்சினை தீரும். வருமானம் அதிகரிக்கும்.

கன்னி
சந்திரன் இன்று உங்கள் ராசிக்கு நான்காம் வீட்டிற்கு மாறுகிறார். இன்று நீங்கள் எதிலும் உற்சாகத்துடன் செயல்படுவீர்கள். பெரிய மனிதர்களின் சந்திப்பால் நல்லது நடைபெறும். பிள்ளைகள் வழியில் சுப செய்தி வரும். வருமானம் பெருகுவதற்கான வாய்ப்புகள் உருவாகும். வீட்டிற்குத் தேவையான புதிய பொருட்கள் வாங்குவதில் ஆர்வம் காட்டுவீர்கள். பொன் பொருள் சேரும்.

துலாம்
சந்திரன் இன்றைய தினம் உங்கள் ராசிக்கு மூன்றாவது வீட்டிற்கு மாறுகிறார். புதிய முயற்சிகளில் வெற்றி கிடைக்கும். இளைய சகோதரர்களின் உதவி கிடைக்கும். இன்று நீங்கள் எந்த செயலிலும் மனமகிழ்ச்சியுடன் ஈடுபடுவீர்கள். குடும்பத்தில் மகிழ்ச்சி நிலவும். உறவினர்கள் வழியாக நல்ல செய்திகள் வந்து சேரும். உத்தியோகஸ்தர்களுக்கு வேலையில் மதிப்பும் மரியாதையும் அதிகரிக்கும். பணவரவு தாராளமாக இருக்கும். புதிய பொருட் சேர்க்கை உண்டாகும்.

விருச்சிகம்
சந்திரன் உங்கள் ராசியில் இருந்து இரண்டாவது வீட்டிற்கு மாறுவதால் மனதில் இருந்த குழப்பம் நீங்கும். குடும்பத்தில் ஒற்றுமை அதிகரிக்கும். சுப காரிய முயற்சிகளில் இருந்த தடைகள் நீங்கி சாதகமான பலன்கள் ஏற்படும். உறவினர்கள் வழியில் இருந்த பிரச்சினைகள் நீங்கும். தொழில் முன்னேற்றத்திற்காக போட்ட திட்டங்கள் நிறைவேறும். வீட்டிற்குத் தேவையான புதிய பொருட்கள் வாங்கி மகிழ்வீர்கள். திடீர் பணவரவு உண்டாகும்.

தனுசு
சந்திரன் உங்கள் ராசிக்கு வருகிறார் இன்று நீங்கள் நினைத்த காரியத்தை முடிப்பதற்கு சில தடைகள் ஏற்பட்டு பின்னர் வெற்றிகரமாக முடியும். உடன் பிறந்தவர்களால் வீண் பிரச்சினைகள் வரலாம். குடும்பத்தில் சில பிரச்சினைகள் வரலாம் விட்டு கொடுத்து செல்வதால் ஒற்றுமை அதிகரிக்கும். தொழில் வியாபாரத்தில் சில மாற்றங்கள் செய்வதால் லாபம் அதிகரிக்கும். பேச்சில் கவனமும் நிதானமும் தேவை. ஆலய வழிபாடு மன அமைதியைக் கொடுக்கும்.

மகரம்
சந்திரன் இன்றைய தினம் உங்கள் ராசிக்கு விரைய ஸ்தானத்திற்கு வருகிறார். திடீர் பண வரவும் கூடவே சுப செலவுகளும் வரும். வேலை விசயமாக இன்றைய தினம் நீங்கள் எடுக்கும் முயற்சிகள் அனைத்தும் வெற்றியை தரும். குடும்பத்தில் சந்தோஷம் அதிகரிக்கும். பெற்றோரின் அன்பை பெறுவீர்கள். உடன் பிறந்தவர்களிடம் சுமூக உறவு ஏற்படும். வெளியூர் பயணங்களால் தொழிலில் நல்ல மாற்றங்கள் உண்டாகும். சுபகாரிய முயற்சிகளில் வெற்றி கிடைக்கும்.

கும்பம்
சந்திரன் இன்றைய தினம் உங்கள் ராசிக்கு லாப ஸ்தானத்திற்கு செல்கிறார். இன்று நீங்கள் எந்த செயலையும் துணிச்சலுடன் செய்து முடிப்பீர்கள். எடுக்கும் முயற்சிகளுக்கு பெற்றோரின் அன்பும் ஆதரவும் கிடைக்கும். வியாபார ரீதியாக லாபம் அதிகரிக்கும். கடன் பிரச்சினைகள் நீங்கும். உடல் ஆரோக்கியம் நன்றாக இருக்கும். குடும்பத்துடன் வெளியூர் பயணம் செல்லும் வாய்ப்பு உருவாகும்.

மீனம்
சந்திரன் இன்றைய தினம் உங்கள் ராசிக்கு பத்தாம் வீட்டிற்கு மாறுவதால் வேலை செய்யும் இடத்தில் ஏற்பட்டிருந்த பிரச்சினைகள் முடிவுக்கு வரும். இன்று உங்களுக்கு பணவரவு நன்றாக இருக்கும். நெருங்கியவர்களுடன் சிறிய கருத்து வேறுபாடுகள் உண்டாகும். சொத்து சம்பந்தமான வழக்கு விஷயங்களில் சாதகமான பலன் கிடைப்பதில் இடையூறுகள் ஏற்படலாம். வியாபாரத்தில் புதிய வாடிக்கையாளர்களால் லாபம் அதிகரிக்கும்.