வாலாஜாபேட்டை சௌராஷ்ட்ரா சபையின் முப்பெரும் விழா.
வாலாஜாபேட்டை ஜூலை_18 ராணிப்பேட்டை மாவட்டம் வாலாஜாபேட்டையில் சௌராஷ்ட்ரா சபையின் முப்பெரும் விழா சிறப்பாக நடைபெற்றது. இந்த நிகழ்ச்சிக்கு செயலாளர் சீனிவாசன் தலைமை தாங்கினார், துணைத் தலைவர் மூர்த்தி, துணைத் தலைவர் ராஜேந்திரன், துணைத்தலைவர் ராமமூர்த்தி ஆகியோர் முன்னிலை வகித்தனர். பொருளாளர் ஜெகதீசன் அனைவரையும் வரவேற்றார். இதில் சிறப்பு அழைப்பாளர்களாக சென்னை தனலட்சுமி பொறியியல் கல்லூரி சேர்மனும், சௌராஷ்ட்ரா மத்திய சபையின் முன்னாள் துணைத் தலைவருமான ராமமூர்த்தி மற்றும் பரமத்தி சௌராஷ்ட்ரா சபையின் தலைவரும், சௌராஷ்ட்ரா மத்திய சபையின் துணைத் தலைவருமான ரவிச்சந்திரன் ஆகியோர் கலந்து கொண்டு சிறப்புரையாற்றி நலத்திட்ட உதவிகள் வழங்கினார்கள். இதில் ஆதரவற்ற முதியோர்களுக்கு உதவித்தொகை வழங்குதல், வாலாஜா தொகுதி சௌராஷ்ட்ரா சபை செயற்குழு உறுப்பினர்களை கௌரவித்தல் சௌராஷ்ட்ரா மத்திய சபை மூலம் நலநிதி தொகை வழங்கும் நிகழ்ச்சி சிறப்பாக நடைபெற்றது. இறுதியில் துணை செயலாளர் நாகேந்திரய்யா அனைவருக்கும் நன்றி தெரிவித்தார்.
