Today’s Rasi Palan : இன்றைய ராசி பலன் வெள்ளிக்கிழமை ஜூலை 09, 2021

Today’s Rasi Palan : இன்றைய ராசி பலன் வெள்ளிக்கிழமை ஜூலை 09, 2021சென்னை:

பிலவ வருடம் ஆனி 25 ஆம் தேதி ஜூலை 09,2021 வெள்ளிக்கிழமை. அமாவாசை முழுநாள். திருவாதிரை இரவு 11.14 மணி வரை அதன் பின் புனர்பூசம். சந்திரன் இன்றைய தினம் மிதுன ராசி திருவாதிரை நட்சத்திரத்தில் பயணம் செய்கிறார். விருச்சிக ராசிக்காரர்களுக்கு சந்திராஷ்டமம் உள்ளதால் கவனமும் நிதானமும் தேவை. மேஷம் முதல் மீனம் வரை 12 ராசிக்காரர்களுக்கும் பலன்கள் பரிகாரங்களைப் பார்க்கலாம்.

மேஷம்
சந்திரன் இன்றைய தினம் உங்கள் ராசிக்கு மூன்றாவது இடமான முயற்சி ஸ்தானத்தில் பயணம் செய்கிறார். உங்களுக்கு வெற்றிகரமான நாளாக அமைந்துள்ளது. புதிய தொழில் தொடங்கும் முயற்சிகளில் இருந்த தடைகள் விலகும். மூன்றாவது வீட்டில் சூரியன் புதனுடன் சந்திரன் பயணம் செய்வதால் இன்று நீங்கள் தொட்ட காரியம் அனைத்தும் வெற்றியில் முடியும். குடும்பத்தில் ஒற்றுமை அதிகரிக்கும். எதிர்பார்த்த உதவிகள் எளிதில் கிடைக்கும். உத்தியோகத்தில் உடனிருப்பவர்களின் உதவி கிடைக்கும். குருவின் பயணம் வக்ரமாக இருப்பதால் பண வரவு வந்தாலும் செலவும் அதிகரிக்கும். பிரபலங்கள் அறிமுகமாவார்கள். உங்கள் ராசிக்கு ஆதரவாக புதன் பயணம் செய்வதால் சொத்து விவகாரங்கள் பேசி முடிக்கலாம். கணவன் மனைவிக்கு இடையே இருந்த பிரச்சினைகள் முடிவுக்கு வரும்.

ரிஷபம்
சந்திரன் இன்றைய தினம் உங்கள் ராசிக்கு இரண்டாம் வீட்டில் பயணம் செய்கிறார். விடா முயற்சியின் உழைத்து வெற்றியை பெறுவீர்கள். இன்றைய தினம் அருமையான நாளாக அமைந்துள்ளது. குடும்பத்தில் நிம்மதியும் சந்தோஷமும் ஏற்படும். பேச்சில் சாமர்த்தியம் அதிகரிக்கும். பங்குச்சந்தை மூலம் செய்யும் முதலீடுகள் இரட்டிப்பு லாபம் வரும். தடைகள் விலகி காரிய வெற்றி கிடைக்கும். வங்கி லோனுக்கு முயற்சி செய்யலாம். உத்தியோகத்தில் சக ஊழியர்கள் ஆதரவாக இருப்பார்கள். உயரதிகாரிகளால் வெற்றி கிடைக்கும். பணம் கொடுக்கல் வாங்கல் லாபகரமாக இருக்கும்.

மிதுனம்
சந்திரன் இன்றைய தினம் உங்கள் ராசியில் பயணம் செய்கிறார். உங்கள் ராசியில் ஏற்கனவே உஷ்ண கிரகம் சூரியன் பயணம் செய்கிறார் இப்போது புதனும் சந்திரனும் இணைந்துள்ளனர். ஆரோக்கியத்தில் அக்கறை காட்டுங்கள். முன்கோபத்தை கட்டுப்படுத்துவது நல்லது. உங்களின் தைரியம் தன்னம்பிக்கை அதிகரிக்கும். இன்று உங்களுக்கு வியாபார ரீதியாக பெரிய மனிதர்களின் அறிமுகம் கிடைக்கும். உறவினர்களுடன் இருந்த கருத்து வேறுபாடுகள் நீங்கி சந்தோஷம் அதிகரிக்கும். திருமண முயற்சிகளில் இருந்த தடைகள் விலகும். திடீர் பண வரவு வரும் கூடவே செலவு வரும். பேச்சிலும் செயலிலும் நிதானம் தேவைப்படும் நாளாகும். இதழில் கதை எழுதும் நேரமிது – முத்தத்தின் புராண கதை பற்றி சில சுவாரஸ்ய தகவல்கள்

கடகம்
சந்திரனை ராசி நாதனாகக் கொண்ட கடக ராசிக்காரர்களே, 12வது வீட்டில் சந்திரன் பயணம் செய்வதால் இன்றைய தினம் எதிர்பாராத திடீர் திருப்பங்கள் நிறைந்த நாளாக அமையும். சின்னச் சின்ன விரைய செலவுகள் வந்து செல்லும். இன்று உறவினர்கள் வீட்டிற்கு வருவதால் செலவுகள் அதிகமாகலாம். தொழிலில் மந்த நிலை ஏற்படும். திடீர் பயணங்களால் அலைச்சல் அதிகரித்தாலும் அனுகூலமான பலன்கள் கிடைக்கும். சகோதர வகையில் செலவுகள் வரும். திடீர் வருமானத்தால் கடன் பிரச்சினை குறையும். ஆலய வழிபாடு மன அமைதியைத் தரும்.

சிம்மம்
சந்திரன் உங்கள் ராசிக்கு லாப ஸ்தானத்தில் பயணம் செய்வதால் அற்புதமான நாளாக அமைந்துள்ளது. மூத்த சகோதர வகையில் உதவி கிடைக்கும். குடும்பத்தில் சந்தோஷம் அதிகரிக்கும். கணவன் மனைவியிடையே இருந்த கருத்து வேறுபாடுகள் மறையும். பிள்ளைகளால் சுப செலவுகள் ஏற்படும். வியாபார ரீதியாக எடுக்கும் முயற்சிகளுக்கு உறவினர்கள் உதவியாக இருப்பார்கள். வேலையில் பணி சுமை குறையும். இன்று உங்களுக்கு உடல்நிலையில் நல்ல முன்னேற்றம் உண்டாகும். வியாபாரத்தில் லாபம் கிடைக்கும் பழைய லாபம் கிடைக்கும்.

கன்னி
சந்திரன் உங்கள் ராசிக்கு பத்தாம் வீட்டில் பயணம் செய்கிறார். ஏற்கனவே தொழில் ஸ்தானத்தில் சூரியன் புதன் பயணம் செய்வதால் புது வேலைக்கு முயற்சி செய்யலாம். வெளியூர்களில் வேலை விசயமாக செய்யும் முயற்சிகளுக்கு வெற்றி கிடைக்கும். சிலருக்கு வேலை விஷயமாக வெளியூர் செல்லும் வாய்ப்புகள் அமையும். தொழில் சம்பந்தமான புதிய திட்டங்கள் வெற்றியை ஏற்படுத்தும். இன்று குடும்பத்தில் பிள்ளைகளால் சுபசெலவுகள் ஏற்படும். பூர்வீக சொத்துக்கள் மூலம் லாபம் கிடைக்கும். சொந்த பந்தங்களுடன் ஏற்பட்ட பகை விலகும். இன்றைய தினம் முக்கியமான முடிவுகளை எடுப்பீர்கள். தொட்ட காரியம் துலங்கும். எதிர்பார்த்த காரியம் வெற்றியில் முடியும்.

துலாம்
சந்திரன் இன்றைய தினம் உங்கள் ராசிக்கு ஒன்பதாம் வீட்டில் பயணம் செய்கிறார். பாக்ய ஸ்தானத்தில் ஏற்கனவே புதன், சூரியன் பயணம் செய்வதால் சிக்கல்கள் நீங்கும். பணம் கொடுக்கல் வாங்கல் விசயத்தில் லாபம் கிடைக்கும். இன்று உங்களது பலமும் வலிமையும் கூடும். கடினமான காரியத்தையும் எளிதில் செய்து முடிப்பீர்கள். வேலையில் உங்கள் திறமைக்கேற்ற பலன் கிட்டும். வருமானம் பெருகும். குடும்பத்தில் அமைதி நிலவும். பிள்ளைகளின் படிப்பில் முன்னேற்றம் இருக்கும். பெண்களுக்கு ஆடை ஆபரண சேர்க்கை உண்டாகும். அப்பாவின் உடல் ஆரோக்கியத்தில் கவனம் தேவை.

விருச்சிகம்
சந்திரன் இன்றைய தினம் உங்கள் ராசிக்கு எட்டாம் வீட்டில் பயணம் செய்கிறார். அஷ்டம ஸ்தானத்தில் ஏற்கனவே சூரியன் சஞ்சரிக்கிறார் கூடவே புதனும் சந்திரனும் இணைந்துள்ளனர். உடல் ஆரோக்கியத்தில் சிறு பாதிப்புகள் ஏற்படும். உங்கள் ராசிக்கு சந்திராஷ்டமம் இருப்பதால் எதிலும் கவனம் தேவை. வெளியில் வாகனங்களில் செல்லும் பொழுது எச்சரிக்கையுடன் செல்ல வேண்டும். பேச்சில் நிதானமும் கவனமும் தேவை. இன்று உங்கள் உழைப்பிற்கேற்ற பலன் கிடைப்பதில் காலதாமதமாகும். பெரிய அளவில் முதலீடுகளைத் தவிர்த்து விடவும்.

தனுசு
சந்திரன் இன்றைய தினம் உங்கள் ராசிக்கு ஏழாம் வீட்டில் பயணம் செய்கிறார். கணவன் மனைவி இடையே இருந்த பிணக்குகள் நீங்கி சந்தோஷம் அதிகரிக்கும். திடீர் பண வரவு உண்டு. செய்யும் தொழிலில் லாபம் கிடைக்கும். இன்று உங்களுக்கு பிள்ளைகளால் மதிப்பும் மரியாதையும் கூடும். தொழில் வளர்ச்சிக்கு அரசு வழியில் எதிர்பார்த்த உதவிகள் கிடைக்கும் வாய்ப்பு உருவாகும். உடன் பிறந்தவர்கள் சாதகமாக இருப்பார்கள். வராத பழைய கடன்கள் வசூலாகும். அலுவலகத்தில் உங்கள் பேச்சிற்கு மதிப்பு கிடைக்கும். நீங்கள் எதிர்பார்த்த இடமாற்றம் கிடைக்கும்.

மகரம்
சந்திரன் இன்றைய தினம் உங்கள் ராசிக்கு ஆறாம் வீட்டில் பயணம் செய்கிறார். இன்று குடும்பத்தில் சந்தோஷமான சூழ்நிலை உருவாகும். நண்பர்களின் உதவியால் வியாபாரத்தில் இருந்த பிரச்சினைகள் நீங்கும். வேலையில் உங்கள் திறமைகேற்ப புதிய வாய்ப்புகள் தேடி வரும். தடைப்பட்ட சுபகாரியங்கள் கைகூடி வரும். பிள்ளைகள் பொறுப்புடன் நடந்து கொள்வார்கள். உடல் ஆரோக்கியத்தில் இருந்த சிக்கல்கள் நீங்கும். திடீர் பண வரவால் நிதி நெருக்கடியும் கடன் பிரச்சினையும் முடிவுக்கு வரும்.

கும்பம்
சந்திரன் இன்றைய தினம் உங்கள் ராசிக்கு ஐந்தாம் வீட்டில் பயணம் செய்கிறார். இன்று குடும்பத்தில் உறவினர் வருகையால் வீண் பிரச்சினைகள் ஏற்படும். வேலையில் எதிர்பார்த்த இடமாற்றம் கிடைக்கும். நண்பர்களின் உதவியால் வியாபாரத்தில் எதிர்பார்த்த லாபம் கிடைக்கும். பூர்வீக சொத்துக்களால் லாபம் அதிகரிக்கும். பிள்ளைகள் உடல் ஆரோக்கியத்தில் கவனம் தேவை. பூர்வீக சொத்து விசயமாக பேசி முடிவு செய்யலாம்.

மீனம்
சந்திரன் இன்றைய தினம் உங்கள் ராசிக்கு நான்காம் வீட்டில் பயணம் செய்கிறார். இன்று உத்தியோகத்தில் ஏற்பட்ட பிரச்சினைகள் நீங்கி மகிழ்ச்சி அதிகரிக்கும். வீடு, வாகனம் பராமரிப்பு செய்வதால் சுப செலவுகள் ஏற்படும். செய்யும் தொழிலில் முன்னேற்றம் ஏற்படும். திடீர் லாபம் வரும். சிலருக்கு ஆடம்பர பொருட்கள் வாங்கும் யோகம் உண்டாகும். சுபகாரிய முயற்சிகளில் ஏற்பட்ட தடைகள் நீங்கி வெற்றி உண்டாகும். அம்மா வழி உறவினர்களின் ஆதரவு கிடைக்கும்.