இ.கம்யூ., முன்னாள் எம்பி கல்யாணசுந்தரம் திருவுருவச் சிலைக்கு மாலை அணிவித்து மரியாதை

திருச்சி:
மறைந்த முன்னாள் எம்பி கல்யாண சுந்தரம் 33வது நினைவு நாளை முன்னிட்டு அவரது சிலைக்கு மாலை அணிவித்து மரியாதை செலுத்தப்பட்டது.

இந்திய கம்யூனிஸ்ட் கட்சியின் மூத்த தலைவரும், முன்னாள் திருச்சி எம்.பி.யுமான கல்யாணசுந்தரத்தின் 33வது ஆண்டு நினைவு தினம் அனுஷ்டிக்கப்பட்டது.

இதை முன்னிட்டு திருச்சி- மதுரை ரோட்டில் ராமகிருஷ்ணா பாலம் அருகே உள்ள கல்யாணசுந்தரம் சிலைக்கு கல்யாணசுந்தரம் மன்றம் சார்பில் மாலை அணிவித்து மரியாதை செலுத்தப்பட்டது.

மன்ற தலைவர் மேகா பிச்சை தலைமையில் மன்றச் செயலாளர் வக்கீல் பி.சிவராமன் மாலை அணிவித்து மரியாதை செலுத்தினார். இதில் துணைத்தலைவர் முருகேசன், கந்தசாமி, கோவிந்தன், குணா, தென்னூர் அக்பர், கணேசன், ஆட்டோ வேலு, வெங்கடேசன் மற்றும் பலர் கலந்து கொண்டனர்.