கோவையில் நடைபெற்ற அறிவியல் கண்காட்சி

கோவை விளாங்குறிச்சி பகுதியில் உள்ள, ஆர் ஜே மெட்ரிக் மேல்நிலைப்பள்ளியில், 20 வது, கலை அறிவியல் கண்காட்சி பள்ளி வளாகத்தில் நடைபெற்றது. கிரிசாலிஸ் எனும் தலைப்பில் நடைபெற்ற இந்த கண்காட்சியில் ஆர் ஜே பள்ளியின், தாளாளரும், முனைவருமான ஆர். விஜயலக்ஷ்மி மற்றும் பள்ளியின் செயலாளர் ஆர். அனில்குமார் ஆகியோர் ரிப்பன் வெட்டி துவக்கி வைத்தனர். ஒரு நாள் நடைபெறும் இக்கண்காட்சியில், யூகேஜி வகுப்பு முதல் பன்னிரெண்டாம் வகுப்பு வரை உள்ள அனைத்து, மாணவ மாணவியர்கள் தங்களுடைய தனித்திறன், மற்றும் குழுத்திறன்களை வெளிப்படுத்தி, தங்களது படைப்புகளை காட்சிபடுத்தி அதற்கு செயல் விளக்கமும் அளித்தனர். தமிழ், ஆங்கிலம், கணக்கு, அறிவியல், சமூகஅறிவியல் என பாட வாரியாக அரங்குகள் அமைக்கப்பட்டு இருந்த நிலையில்,

ஸ்மார்ட் சிட்டி, 27 நட்சத்திரங்கள், கோகார்ட், பெண்கள் தன் மேம்பாடு, பலவகையில் ரோபோட்கள், வண்ண மீன்கள் நுழைவு வாயில், ஆலமர நுழைவு வாயில், விவசாயத்தில் இருந்து விற்பனை நிலையம் தான்டி சமையலறை வரை ஒரு குறிப்பு, பனிஉலகம், ஜூராசிக்பார்க் பூங்கா, செயற்கை நுண்ணறிவு உலகம்,

ஹெலிகாப்டர் மாதிரி காட்சி, அறிவியல் மற்றும் கணினியின் புதிய படைப்புகளான இணைய வழி அடிப்படையிலான எரிவாயு கசிவு கண்டறியும் கருவி, தீ அணைக்கும் ரோபோ, தானியங்கி தாவர கண்கானிப்பு அமைப்பு, குரல் கட்டுப்பாட்டில் இயங்கும் செயற்கை நுண்ணறிவு ரோபோ, ரேடார் முறை கணினிகள், நிலநடுக்கம் கண்டறியும் கருவி, என இரண்டாயிரத்திற்கும் மேற்பட்ட கண்டுபிடிப்புகளை மாணவ மாணவியர்கள் காட்சி படுத்தினர். இக்கண்காட்சியை மாணவர்களின் பெற்றோர்கள், ஆர்வமுடன் பார்வையிட்டு மாணவர்களை பாராட்டினர். இதனை தொடர்ந்து பள்ளியின் முதல்வர் நிர்மலா மாணவர்களால் உருவாக்கப்பட்ட மாதிரி வடிவங்களையும் , செயல்படும் மாதிரிகளையும் பார்வையிட்டு மாணவர்களின் செயல் திறனையும் அறிவாற்றலையும் பாராட்டியதுடன், சிறப்பான கண்டுபிடிப்புகளுக்கு பரிசுக தொகையும் அறிவித்தார். சிறந்த கண்டுபிடிப்பு மற்றும் காட்சிப்படுத்தும் மாணவியர்களுக்கு பணமுடிப்புகளும் வழங்கபட்டது என்பது குறிப்பிடத்தக்கது.