பணம் கேட்டு தகராறு ஒருவர் கைது 2 பேர் தலைமறைவு

பாலக்கோடு, பிப்.21-

தர்மபுரி மாவட்டம் மகேந்திரமங்கலம் அருகே வெள்ளிசந்தை காமராஜ் நகரை சேர்ந்தவர் கூலி தொழிலாளி வெங்கடாசலம் (வயது. 26) அதே பகுதியை சேர்ந்த அஜீத் (வயது.23) இருவரும் 19ம் தேதி இரவு வெள்ளிசந்தையில் உள்ள வெங்கடாசலபதி கோவிலில் தெருக்கூத்து பார்க்க சென்று கொண்டிந்தனர்.

அப்போது தண்டுகாரண அள்ளியை சேர்ந்த சின்னராஜ் (வயது.36), தமிழரசு ( வயது.34), சின்னராசு (வயது. 32) ஆகிய மூவரும் மோட்டார் சைக்கிளில் வந்து வெங்கடாசலத்திடம் பணம் கேட்டு மிரட்டியுள்ளனர். அவர் பணம் தராததால் ஆத்திரமடைந்து வெங்கடாசலம் மற்றும் அஜீத் இருவரையும் சராமாரியாக தாக்கிவிட்டு தப்பி சென்றனர். பலத்த காயமடைந்த இவரும் தர்மபுரி அரசு மருத்துவனையில் சிகிச்சை பெற்று வருகின்றனர். இது குறித்த புகாரின் பேரில் மகேந்திரமங்கலம் போலீசார் தமிழரசுவை கைது செய்து சிறையில் அடைத்தனர். மேலும் தலைமறைவாக உள்ள இருவரையும் தேடி வருகின்றனர்.