Today’s Rasi Palan;இன்றைய ராசி பலன் சனிக்கிழமை – ஜூன் 26, 2021 சென்னை

Today’s Rasi Palan;இன்றைய ராசி பலன் சனிக்கிழமை – ஜூன் 26, 2021 சென்னை:

பிலவ வருடம் ஆனி 12 ஆம் தேதி ஜூன் 26,2021 சனிக்கிழமை. துவிதியைத் திதி மாலை 06.11 மணிவரை அதன் பின் திருதியைத் திதி. உத்திராடம் இரவு 02.36 மணி வரை அதன் பின் திருவோணம். சந்திரன் இன்றைய தினம் சந்திரன் மகர ராசியில் பயணம் செய்கிறார். மிதுன ராசிக்காரர்களுக்கு சந்திராஷ்டமம் உள்ளதால் கவனம் உள்ளதால் கவனம் தேவை. மேஷம் முதல் மீனம் வரை 12 ராசிக்காரர்களுக்கும் பலன்கள் பரிகாரங்களைப் பார்க்கலாம்.

மேஷம்
சந்திரன் இன்றைய தினம் 9ஆம் வீட்டில் பயணம் செய்கிறார். இன்று நீங்கள் தொட்ட காரியம் அனைத்திலும் வெற்றி கிடைக்கும். உத்தியோகத்தில் சக ஊழியர்களுடன் ஒற்றுமை அதிகரிக்கும். செய்யும் தொழிலில் புதிய யுக்திகளை பயன்படுத்தி முன்னேற்றம் அடைவீர்கள். பணம் கொடுக்கல் வாங்கல் லாபகரமாக இருக்கும். ஆனி மாதத்தில் இந்த 6 ராசிக்காரர்களுக்கு அதிர்ஷ்டம் தேடி வரும்

ரிஷபம்
சந்திரன் காலை 10 மணி வரை சந்திரன் 8ஆம் வீட்டில் பயணம் செய்கிறார். இன்று உங்கள் ராசிக்கு காலை 09.55 மணி வரை சந்திராஷ்டமம் இருப்பதால் உறவினர்களுடன் வீண் கருத்து வேறுபாடுகள் ஏற்படும். தொழில் வியாபாரத்தில் பொருளாதார நிலை சற்று மந்தமாக இருந்தாலும் பிரச்சினை இருக்காது. அலுவலகத்தில் தேவையற்ற பிரச்சினையால் மன உளைச்சல் உண்டாகும். பிற்பகலுக்கு மேல் நிலைமை சரியாகும்.

மிதுனம்
சந்திரன் ஏழாம் வீட்டில் இருந்து எட்டாம் வீட்டிற்கு மாறுகிறார். இன்று காலை 10 மணி வரை பிரச்சினையில்லை. உங்கள் ராசிக்கு காலை 09.55 மணி முதல் சந்திராஷ்டமம் இருப்பதால் மற்றவர்களின் வீண் பேச்சுக்கு ஆளாவீர்கள். வெளி இடங்களில் அதிகம் பேசாமல் இருப்பது நல்லது. எதிலும் கவனம் தேவை. இன்று எந்த செயலிலும் சுறுசுறுப்பின்றி செயல்படுவீர்கள். திடீர் மருத்துவ செலவுகள் செய்ய நேரிடும்.

கடகம்
சந்திரன் உங்களுக்கு சாதகமான நிலையில் பயணம் செய்கிறார். மனதில் நிம்மதியும் சந்தோஷம் ஏற்படும். கடன் பிரச்சினைகள் நீங்கும். குடும்பத்தில் கணவன் மனைவி இடையே ஒற்றுமை அதிகரிக்கும். மனதில் தெளிவு பிறக்கும். பிள்ளைகளால் சந்தோஷம் ஏற்படும். உடல் ஆரோக்கியத்தில் இருந்த சிக்கல்கள் நீங்கும்.

சிம்மம்
சந்திரன் உங்கள் ராசிக்கு ஐந்து மற்றும் ஆறாம் இடங்களில் பயணம் செய்கிறார். இன்று உங்களுக்கு குடும்பத்தில் உள்ளவர்களால் மனமகிழ்ச்சி கூடும். உத்தியோகத்தில் இருந்த பிரச்சினைகள் தீரும். தொழில் சம்பந்தமாக வெளியூர் பயணம் செல்வீர்கள். உடல் ஆரோக்கியத்தில் நல்ல முன்னேற்றம் ஏற்படும்.

கன்னி
சந்திரன் உங்கள் ராசிக்கு நான்காம் வீட்டில் பயணம் செய்கிறார். இன்று உடல் ஆரோக்கியத்தில் சிறு பாதிப்புகள் ஏற்படலாம். அரசு மூலம் எதிர்பார்த்த உதவிகள் கிடைப்பதில் காலதாமதம் ஏற்படும். ஆடம்பர செலவுகளைக் கட்டுப்படுத்தவும். உற்றார் உறவினர்கள் உதவியாக இருப்பார்கள். சிக்கனமாக நடந்து கொள்வதன் மூலம் பணப்பிரச்சனை விலகும்.

துலாம்
சந்திரன் உங்கள் ராசிக்கு மூன்றாம் வீட்டிலும் நான்காம் வீட்டிலும் பயணம் செய்கிறார். முயற்சிகளுக்கு வெற்றி கிடைக்கும். இன்று குடும்பத்தில் ஏற்பட்ட பிரச்சினைகள் நீங்களும். உடன் பிறந்தவர்களிடம் கருத்து வேறுபாடுகள் தோன்றும். விட்டுக்கொடுத்து செல்லவும். கடன் பிரச்சினைகள் ஓரளவு குறையும். உத்தியோகத்தில் சக ஊழியர்களை அனுசரித்து செல்வது நல்லது.

விருச்சிகம்
சந்திரன் இன்றைய தினம் உங்கள் ராசிக்கு இரண்டாம் வீட்டிலும் 10 மணிக்கு மேல் 3ஆம் வீட்டிலும் பயணம் செய்கிறார். இன்று நீங்கள் எந்த காரியத்தையும் முழு ஈடுபாட்டுடன் செய்து முடிப்பீர்கள். வியாபாரத்தில் மந்த நிலை நீங்கும். சிலருக்கு புதிய வண்டி வாகனம் வாங்கும் யோகம் உண்டாகும். உடன்பிறந்தவர்களுடன் இருந்த கருத்து வேறுபாடுகள் நீங்கும். வேலையில் இருந்த பிரச்சினைகள் நீங்கும்.

தனுசு
சந்திரன் இன்றைய தினம் உங்கள் ராசியில் இருந்து இரண்டாம் வீட்டில் பயணம் செய்கிறார். இன்று உற்றார் உறவினர்கள் மூலம் சுபசெய்திகள் வந்து சேரும். உடல் ஆரோக்கியம் சிறப்பாக இருக்கும். தொழில் வியாபாரத்தில் நல்ல முன்னேற்றம் ஏற்படும். வங்கி சேமிப்பு உயரும்.வீட்டு தேவைகள் பூர்த்தியாகும். நண்பர்கள் மூலம் எதிர்பார்த்த உதவிகள் எளிதில் கிடைக்கும்.

மகரம்
சந்திரன் உங்கள் ராசிக்குள் நுழைகிறார். இன்று தொழில் வியாபாரம் சம்பந்தமாக எடுக்கும் முயற்சிகளில் கவனமுடன் செயல்படுவது நல்லது. எதிர்பார்த்த உதவி தடையின்றி கிடைக்கும். உடல் ஆரோக்கியத்தில் மந்த நிலை ஏற்படும். உத்தியோகஸ்தர்களுக்கு மேலதிகாரிகளின் நெருக்கடிகளால் வேலைபளு சற்று அதிகரிக்கும். உடனிருப்பவர்களின் ஒத்துழைப்பு கிடைக்கும்.

கும்பம்
சந்திரன் இன்றைய தினம் உங்கள் ராசிக்கு விரைய ஸ்தானத்தில் வருகிறார். உத்தியோகத்தில் புதிய பதவிகள் தேடி வரும். வியாபாரத்தில் வெளியூர் பயணங்களால் அனுகூலமான பலன்கள் கிடைக்கும். புதிய பொருட்கள் வாங்குவதில் ஆர்வம் காட்டுவீர்கள். இன்று குடும்பத்தில் மகிழ்ச்சியான சூழ்நிலை உருவாகும். உடல் ஆரோக்கியம் சிறப்பாக இருக்கும். மன அமைதி ஏற்படும்.

மீனம்
சந்திரன் இன்றைய தினம் உங்கள் ராசிக்கு லாப ஸ்தானத்தில் பயணம் செய்கிறார். ஊழியர்களின் ஒத்துழைப்பால் தொழில் வியாபாரத்தில் நல்ல முன்னேற்றம் உண்டாகும். இன்று நீங்கள் எந்த செயலிலும் கவனமாக இருப்பது நல்லது. உத்தியோக ரீதியான பயணங்களால் வீண் அலைச்சல் டென்ஷன் ஏற்படும். சிக்கனமாக செயல்பட்டால் பணபற்றாக்குறையை சமாளிக்க முடியும்.