தமிழக சட்டமன்ற தேர்தலையொட்டி, சென்னை பெருநகர காவல்துறை சார்பில் சைதாப்பேட்டை மற்றும் புளியந்தோப்பு காவல் நிலைய எல்லைக்குட்பட்ட பகுதிகளில் காவல் கொடி அணிவகுப்பு நடைபெற்றது.

வருகிற 06.4.2021 அன்று தமிழகத்தில் சட்டமன்ற தேர்தல் நடைபெற உள்ளதை யொட்டி,
சென்னை பெருநகர காவல் ஆணையாளர் திரு.மகேஷ் குமார் அகர்வால், இ.கா.ப., அவர்கள்
உத்தரவின்பேரில், சென்னை பெருநகரில் உள்ள வாக்குச் சாவடிகள் மற்றும் வாக்கு எண்ணும்
மையங்களில் தேர்தல் பாதுகாப்பு தொடர்பான பணிகள் துரிதமாக செயல்படுத்தப்பட்டு
வருகிறது.
பொதுமக்கள் அச்சமின்றி வாக்கு அளிக்க உரிய பாதுகாப்பு உணர்வை ஏற்படுத்திட,
சென்னையில் உள்ள அனைத்து காவல் நிலைய எல்லைகளிலும், தேர்தல் பாதுகாப்பு பணியில்
ஈடுபடும் காவல் அதிகாரிகள், காவல் ஆளிநர்கள் மற்றும் பிற மாநிலங்களில் இருந்து
பாதுகாப்பு பணிக்காக வந்துள்ள மத்திய துணை இராணுவப் படையினர் ஒருங்கிணைந்து,
முக்கிய மக்கள் கூடும், வசிப்பிட பகுதிகளில் காவல் கொடி அணிவகுப்பு (Police Flag March)
நடத்தி வருகின்றனர்.
நேற்று (30.03.2021) மாலை G-3 கீழ்பாக்கம், R-4 பாண்டிபஜார்,
H-1 வண்ணாரப்பேட்டை மற்றும் T-4 மதுரவாயல் காவல் நிலை எல்லைக்குட்பட்ட
பகுதிகளில் உதவி ஆணையாளர்கள், ஆய்வாளர்கள், காவல் ஆளிநர்கள் மற்றும் இராஜஸ்தான்
மாநில காவல் குழுவினருடன் ஒருங்கிணைந்து காவல் கொடி அணிவகுப்பு நடைபெற்றது.
இதன் தொடர்ச்சியாக, இன்று (31.03.2021) காலை அடையார் காவல் மாவட்ட துணை
ஆணையாளர் திரு.வி.விக்ரமன், இ.கா.ப, தலைமையில், சைதாப்பேட்டை சரக உதவி
ஆணையாளர் திரு.அனந்தராமன், காவல் ஆய்வாளர்கள், ஆளிநர்கள் மற்றும் இராஜஸ்தான்
மாநில காவல் குழுவினருடன் ஒருங்கிணைந்து, J-1 சைதாப்பேட்டை காவல் நிலைய
எல்லைக்குட்பட்ட பகுதிகளில் காவல் கொடி அணி வகுப்பு நடைபெற்றது. இக்கொடி
அணிவகுப்பு சைதாப்பேட்டை அப்துல் ரசாக் தெருவில் தொடங்கி, கோதாமேடு, மதுரை
வீரன்கோயில் தெரு, சலைவையாளர் காலனி வழியாக சென்று ஜீனிஸ் ரோட்டில் முடிவுற்றது.
இதே போல, புளியந்தோப்பு சரக உதவி ஆணையாளர் திரு.கிருஷ்ணமூர்த்தி
தலைமையில், காவல் ஆய்வாளர்கள், ஆளிநர்கள் மற்றும் இராஜஸ்தான் மாநில காவல்
குழுவினருடன் ஒருங்கிணைந்து, P-1 புளியந்தோப்பு காவல் நிலைய எல்லைக்குட்பட்ட
பகுதியில் காவல் கொடி அணி வகுப்பு நடைபெற்றது. இக்கொடி அணிவகுப்பு புளியந்தோப்பு
மெயின் தெருவில் தொடங்கி மோதிலால் தெரு, பேசின்பாலம் காவல் நிலையம், டென்னஸ்
ரோடு, பழைய ஆட்டு தொட்டி சாலை, தட்டாங்குளம், K.Mகார்டன், T.P.ரோடு, ஸ்டாரன்ஸ்
ரோடு, ஓட்டேரி பாலம், குக்ஸ் ரோடு வழியாக சென்று புளியந்தோப்பு காவல் நிலையம் முன்பு
முடிவுற்றது.