Today’s Rasi Palan: இன்றைய ராசிபலன்கள் – மார்ச் 17, 2021

சென்னை: சார்வரி வருடம் பங்குனி 4 ஆம் தேதி மார்ச் 17, 2021 புதன்கிழமை. சதுர்த்தி திதி இரவு 11.29 மணிவரை அதன் பின் பஞ்சமி திதி. அசுவினி காலை 07.31 மணிவரை அதன் பின் பரணி நட்சத்திரம். புதன் பகவான் ஆதிக்கம் நிறைந்த இன்றைய தினம் மேஷ ராசியில் பரணி நட்சத்திரத்தில் சந்திரன் பயணம் செய்கிறார். இன்றைய தினம் கன்னி ராசிக்காரர்களுக்கு சந்திராஷ்டமம் உள்ளதால் கவனம் தேவை. புதன் பகவான் ஆசி நிறைந்த இன்றைய தினம் மேஷம் முதல் மீனம் வரை பலன்களைப் பார்க்கலாம்.

மேஷம் – செவ்வாய் பகவானை ராசி அதிபதியாகக் கொண்ட மேஷ ராசிக்காரர்களே, அன்புக்கு அடிமையானவர்கள். இன்றைய தினம் சந்திரன் உங்கள் ராசியில் பயணம் செய்கிறார். செயல்களில் நிதானம் தேவை. 12ஆம் வீட்டில் சூரியன் பயணம் செய்வதால் ஆரோக்கியத்தில் அக்கறை காட்டுங்கள். உணவு விசயத்தில் கவனம் தேவை. சவால்களை சந்தித்து வெற்றியடைவீர்கள். பணம் நகை விவகாரங்களில் கவனம் தேவை. வேலை செய்யும் இடத்தில் விட்டுக்கொடுத்து செல்லுங்கள் வீண் விவாதம் தவிர்க்கவும். வெளியாட்களிடம் குடும்ப அந்தரங்க விசயங்கள் தொடர்பாக பேச வேண்டாம். கோபத்தை விட்டு பொறுமையை கடைபிடிக்கவும். உத்தியோக ரீதியான வெளியூர் பயணங்களால் வெளிவட்டார நட்பு உண்டாகும். உடல் நிலை சீராகும். குடும்பத்தில் மகிழ்ச்சி நிலவும். சந்திரன் சஞ்சாரத்தினால் ஏற்படும் சங்கடங்கள் தீர பால் சாப்பிட்டு விட்டு வேலையை தொடருங்கள்.

ரிஷபம் – சுக்கிரனை ராசி அதிபதியாகக் கொண்ட ரிஷப ராசிக்காரர்களே எதையும் தைரியமாக எதிர்கொள்வீர்கள். இன்றைய நாள் உங்களுக்கு திடீர் விரைய செலவுகள் வரும். உடன் பிறந்தவர்கள் உதவியால் உங்கள் பிரச்சினைகள் குறையும். சிலருக்கு கல்வி சம்பந்தமாக வெளியூர் செல்லும் வாய்ப்பு கிடைக்கும். எதிர்பார்த்த தொகை கைக்கு வரும். மனதில் பயம் இருந்தாலும் எதையும் தைரியமாக எதிர்கொள்வீர்கள். திடீர் பண வரவு வரும். ஆடம்பர பொருட்கள் வாங்குவதில் ஆர்வம் அதிகரிக்கும். வேலையில் மகிழ்ச்சி தரும் சம்பவங்கள் நடைபெறும். பழைய கடன்களை செட்டில் செய்வீர்கள். குருவின் பார்வையால் தொழில் வியாபாரத்தில் முன்னேற்றம் அதிகரிக்கும். மாணவர்களுக்கு படிப்பில் முன்னேற்றம் ஏற்படும் இன்றைக்கு அதிர்ஷ்டமான நாளாக அமைந்துள்ளது. வியாபாரத்தில் எதிர்பார்த்த லாபம் வரும். கடன் பிரச்சினை ஓரளவு குறையும். வியாபாரத்தில் லாபம் அதிகரிக்கும். படிப்பில் ஆர்வம் அதிகரிக்கும். வெற்றிகள் தேடி வரும் நாளாக இன்றைக்கு அமையும்.

மிதுனம் – புதன் பகவானை ராசி அதிபதியாகக் கொண்ட மிதுன ராசிக்காரர்களே, புத்திசாலித்தனத்தோடு எதையும் எதிர்கொள்வீர்கள். மகிழ்ச்சியோடும் நம்பிக்கையோடும் வாழ்க்கையை எதிர்கொள்வீர்கள். லாப ஸ்தானத்தில் சந்திரன் பயணம் செய்வதால் பண வரவு அதிகரிக்கும். கடன் பிரச்சினைகள் முடிவுக்கு வரும். தொழில் தொடங்கும் எண்ணம் மேலோங்கும். பெரிய அளவில் முதலீடு செய்ய வேண்டாம். இன்று குடும்பத்தில் உள்ளவர்களின் கருத்து வேறுப்பாட்டால் வீண் பிரச்சினைகள் ஏற்படலாம். ஆடம்பர செலவுகளால் கையிருப்பு குறையும். உற்றார் உறவினர்களை அனுசரித்து செல்வது நல்லது. தொழில் விஷயமாக மேற்கொள்ளும் பயணத்தால் நற்பலன்கள் ஏற்படும். ஷேர் மார்க்கெட் முதலீடுகளால் லாபம் வரும். தொழில் வியாபாரத்தில் வருமானம் அதிகரிக்கும் லாபம் பெருகும். வேலையில் இருந்த சிக்கல்கள் நீங்கும். தம்பதியரிடைய நெருக்கம் கூடும். நன்மைகள் அதிகம் நடைபெறும் நாளாக அமைந்துள்ளது. இன்று குடும்பத்தில் ஒற்றுமையும், அமைதியும் கூடும். திருமண பேச்சுவார்த்தையில் நல்ல செய்தி கிடைக்கும். வேலை செய்யும் இடத்தில் உங்கள் மதிப்பு மரியாதை மேலோங்கும். உறவினர்கள் உதவியாக இருப்பார்கள். திருமணம் சுப காரியம் தொடர்பாக பேசலாம். அனுமனை வணங்க அஷ்டம சனியால் ஏற்படும் பாதிப்பு நீங்கும்.

கடகம் – சந்திரனை ராசி அதிபதியாகக் கொண்ட கடக ராசிக்காரர்களே, முகத்தில் புன்னகையோடு அனைவரையும் எதிர்கொள்ளும் குணம் படைத்தவர்கள். இன்றைய தினம் சந்திரன் பத்தாம் வீட்டில் பயணம் செய்கிறார். வீடு மனை வாங்கும் விசயமாக பேசலாம். தந்தை வழி உறவினர்கள் வழியில் சுப செலவுகள் உண்டாகும். பிள்ளைகளால் குடும்பத்தில் சந்தோஷம் அதிகரிக்கும். உத்தியோகத்தில் வேலைபளு குறையும். தொழில் ரீதியாக எடுக்கும் முயற்சிகளுக்கு நண்பர்களின் ஒத்துழைப்பு கிடைக்கும். சிலர் புதிய வாகனம் வாங்கி மகிழ்வார்கள். அப்பாவிற்கு திடீர் மருத்துவ செலவுகள் வரும். குருவின் பார்வையால் சவால்களை எதிர்கொண்டு சமாளிப்பீர்கள். வியாபாரத்தில் லாபம் அதிகரிக்கும். இன்றைய தினம் முன்னேற்றகரமான நாளாக அமைந்துள்ளது. மாணவர்கள் படிப்பில் அக்கறை காட்டுங்கள்.

சிம்மம் – சூரியனை ராசி அதிபதியாகக் கொண்ட சிம்ம ராசிக்காரர்களே, கடந்த இரு தினங்களாக இருந்த சோர்வு களைப்பு நீங்கும். சுறுசுறுப்பு அதிகமாகும். பணப்புழக்கம் அதிகரிக்கும். வேலை செய்யும் இடத்தில் சுமை கூடும். செயல்களில் நிதானம் தேவை. பணம் கொடுக்கல் வாங்கல் விசயத்தில் கவனம் தேவை. தொழில் வியாபாரத்தில் லாபம் வரும். வேலை செய்யும் இடத்தில் மதிப்பு மரியாதை அதிகரிக்கும். இன்று நீங்கள் செய்யும் வேலைகளில் ஆர்வத்தோடு ஈடுபடுவீர்கள். சுபகாரிய முயற்சிகளில் நல்ல முன்னேற்றம் ஏற்படும். புதிய தொழில் தொடங்கும் முயற்சிகளில் நண்பர்களின் ஒத்துழைப்பு கிட்டும். எதிர்பார்த்த வங்கிக் கடன் உதவிகள் கிடைக்கும்.

கன்னி – புதன் பகவானை ராசி அதிபதியாகக் கொண்ட கன்னி ராசிக்காரர்களே, இன்று உங்கள் ராசிக்கு சந்திராஷ்டமம் இருப்பதால் நீங்கள் சற்று மனகுழப்பத்துடன் காணப்படுவீர்கள். இடம் பொருள் ஏவல் அறிந்து பேசவும். பிறரை நம்பி கொடுத்த பொறுப்புகளால் பிரச்சினைகளை சந்திக்க நேரிடும். மற்றவர் விஷயங்களில் தலையிடாமல் இருப்பது நல்லது. எந்த ஒரு செயலிலும் நிதானம் தேவை. இரவு நேர பயணங்களை தவிர்க்கவும். உணவு விசயங்களில் கவனம் தேவை. வாகன பயணங்களில் கவனம் தேவை. ஜாமீன் கையெழுத்து போட்டி மாட்டிக்கொள்ள வேண்டாம். சூரியன் பார்வை நேரடியாக கிடைப்பதால் உடல் உஷ்ணம் அதிகரிக்கும். வேலை செய்யும் இடத்தில் விட்டுக்கொடுத்துச் செல்லவும். விழிப்புணர்வு தேவைப்படும் நாள்.

துலாம் – சுக்கிரனை ராசி அதிபதியாகக் கொண்ட துலாம் ராசிக்காரர்களே, இன்றைய தினம் உங்கள் ராசிக்கு சந்திரன் பார்வை கிடைக்கிறது. சுறுசுறுப்பும் உற்சாகமும் அதிகரிக்கும். சவால்களை சந்தோஷமாக எதிர்கொள்வீர்கள். சூரியன் 6ஆம் வீட்டில் சஞ்சரிப்பதால் கடன் பிரச்சினை நீங்கும். அடகு வைத்த நகைகளை மீட்கலாம். இன்று உங்களுக்கு உடல் ஆரோக்கியம் மிக சிறப்பாக இருக்கும். குடும்ப உறவுகளுக்கு இடையே நல்ல ஒற்றுமை நிலவும். வீட்டின் பொருளாதார நிலை மிகச்சிறப்பாக இருக்கும். உடன்பிறந்தவர்களால் இல்லத்தில் மகிழ்ச்சி கூடும். பணப்புழக்கம் அதிகரிக்கும் என்றாலும் அடுத்தவர்களுக்கு பணம் கொடுப்பதில் கவனம் தேவை. வியாபாரத்தில் இன்றைக்கு லாபம் அதிகரிக்கும். மாணவர்கள் படிப்பில் அக்கறை காட்டுங்கள்.

விருச்சிகம் – செவ்வாய் பகவானை ராசி அதிபதியாகக் கொண்ட விருச்சிக ராசிக்காரர்களே, இன்றைய தினம் ராசிக்கு ஆறாம் வீட்டில் சந்திரன் சஞ்சரிப்பதால் வெற்றிகள் தேடி வரும். பண வரவு அதிகரிக்கும், திடீர் அதிர்ஷ்டமும் வியாபாரத்தல் லாபம் தேடி வரும். இன்று புதிய முயற்சிகள் செய்வதற்கு அனுகூலமான நாளாகும். ஆரோக்கியத்தில் அக்கறை காட்டுங்கள். திருமண சுப முயற்சிகளில் இருந்த தடைகள் விலகும். வியாபாரத்தில் பெரிய மனிதர்களின் அறிமுகம் கிடைக்கும். பணவரவுகள் சிறப்பாக இருக்கும். எதிர்பாராத திடீர் திருப்பங்கள் உண்டாகும் நாளாக இன்றைய தினம் அமைந்துள்ளது.

தனுசு – குரு பகவானை ராசி அதிபதியாகக் கொண்ட தனுசு ராசிக்காரர்களே, பலசாலியாக உள்ள நீங்கள் புத்திசாலித்தனமும் கொண்டவர்கள். சூரியன் ராசிக்கு நான்காம் வீட்டில் பயணம் செய்கிறார். வீடு சொத்து சேர்க்கை ஏற்படு. இன்று வியாபார ரீதியாக பொருளாதார நெருக்கடிகள் ஏற்படும். கடன் பிரச்சினைகளால் மன அமைதி குறையும். பிள்ளைகள் வழியில் அனுகூலம் உண்டாகும். எதிர்பாராத உதவிகள் கிடைக்கும். உத்தியோகஸ்தர்கள் வேலையில் உடன் பணிபுரிபவர்களை அனுசரித்து செல்வது நல்லது. செவ்வாய் ராகு இணைந்திருப்பதால் சொத்து வாங்கும் போது கவனம் தேவை. பழைய கடன்கள் அடைபடும் அளவிற்கு பண வரவு வரும். வேலை செய்யும் இடத்தில் பணிச்சுமை ஏற்படும். இன்றைய தினம் தடைகள் விலகி வெற்றி கிடைக்கும் நாளாக அமைந்துள்ளது.

மகரம் – சனி பகவானை ராசி நாதனாகக் கொண்ட மகரம் ராசிக்காரர்களே நீங்கள் பண்பாளர்கள். தைரியம் தன்னம்பிக்கை கூடும். சூரியன் 3ஆம் வீட்டில் மறைவதால் வெற்றிகரமான நாளாக அமைந்துள்ளது. வீண் வதந்திகள் நீங்கும்.வெற்றிகரமான நாளாக அமைந்துள்ளது. வியாபாரத்தில் லாபம் வரும். வேலை செய்யும் இடத்தில் பொறுப்புகள் கூடும். குடும்பத்தில் சந்தோஷம் அதிகரிக்கும். வரவுக்கு மீறிய செலவுகள் ஏற்படும். உத்தியோகத்தில் அதிகாரிகளின் கெடுபிடிகள் அதிகரிக்கும். குடும்பத்தில் மனைவி வழியாக நல்லது நடக்கும். வியாபாரத்தில் உழைப்பிற்கேற்ற பலன் கிடைக்கும். கடன்கள் குறையும்.

கும்பம் – சனிபகவானை ராசி நாதனாகக் கொண்ட கும்ப ராசிக்காரர்களே மூன்றாம் வீட்டில் சந்திரன் பயணம் செய்வதால் வெற்றிகள் கைகூடி வரும். இன்று வியாபாரத்தில் மறைமுக எதிர்ப்புகள் குறைந்து எதிர்பார்த்த லாபம் கிடைக்கும். சிலருக்கு புதிய வாகனங்கள் வாங்கும் யோகம் உண்டாகும். உத்தியோகத்தில் உடனிருப்பவர்கள் சாதகமாக செயல்படுவார்கள். குடும்பத்தினருடன் இருந்த கருத்து வேறுபாடுகள் மறைந்து மகிழ்ச்சி ஏற்படும். ஏழரை சனி நடைபெறுவதால் திடீர் கவலைகள் வரும். கவலைகள் கண் முன் இருந்தாலும் சூரியனைக் கண்ட பணிபோல மறைந்து விடும். கோபமான பேச்சுக்களை தவிர்த்து பொறுமையை கடைபிடிக்கவும். வியாபாரத்தில் லாபம் வரும். முகத்தில் பொலிவு கூடும். தொட்ட காரியங்கள் துலங்கும். வெற்றிகள் நிறைந்த நாளாக அமைந்துள்ளது.

மீனம் – குரு பகவானை ராசி நாதனாகக் கொண்ட மீன ராசிக்காரர்களே, தன்னம்பிக்கையும் தைரியமும் கொண்டவர்கள் நீங்கள். உற்சாகமாக இருப்பீர்கள். பேச்சில் கம்பீரம் பிறக்கும். அக்கம் பக்கத்தினரால் ஏற்பட்ட தொந்தரவுகள் நீங்கும். கணவன் மனைவிக்குள் இருந்த பிரச்சினைகள் நீங்கும். இன்று உங்களுக்கு எதிர்பாராத சுபசெலவுகள் ஏற்படும். உறவினர்கள் வழியில் எதிர்பார்த்த உதவிகள் தடையின்றி கிடைக்கும். கூட்டாளிகளின் ஒத்துழைப்போடு தொழிலில் முன்னேற்றத்தை காணலாம். தேங்கிக் கிடந்த சரக்குகள் விற்றுத்தீரும். வராத வெளிகடன்கள் வசூலாகும். வேலையில் மேலதிகாரிகளால் அனுகூலங்கள் உண்டாகும். வேலை செய்யும் இடத்தில் நிம்மதி கிடைக்கும். பிள்ளைகளால் சந்தோஷம் அதிகரிக்கும். இன்றைய தினம் வெற்றிகரமான நாளாக அமைந்துள்ளது.