ஈரோடு 39-வது வார்டில் சமத்துவ பொங்கல் விழா

ஈரோடு மாநகராட்சி நான்காம் மண்டலத்தின் சார்பில், 39-வது வார்டில் தைப்பொங்கல் திருநாளை முன்னிட்டு சமத்துவ பொங்கல் விழா மிகச் சிறப்பாக நடைபெற்றது.

இந்த விழாவில் ஈரோடு மாநகராட்சி ஆணையாளர் அர்பித் ஜெயின் ஐ.ஏ.எஸ்.,அவர்கள் சிறப்பு விருந்தினராகக் கலந்துகொண்டு விழாவினைத் தொடங்கி வைத்தார். மண்டலத் தலைவர் குறிஞ்சி என்.தண்டபாணி  மற்றும் மாமன்ற உறுப்பினர்கள் முன்னிலையில், மகளிர் பாரம்பரிய முறைப்படி பொங்கலிட்டு விழாவைக் கொண்டாடினர்.

இவ்விழாவிற்கு நான்காம் மண்டலத் தலைவர் குறிஞ்சி என். தண்டபாணி தலைமை தாங்கினார். நான்காம் மண்டல உதவி ஆணையாளர் லதா, 39-வது வார்டு மாமன்ற உறுப்பினர் கீதாஞ்சலி செந்தில்குமார் ஆகியோர் முன்னிலை வகித்தனர்.

மேலும், தி.மு.க. முக்கியப் பிரமுகர் கேபிள் செந்தில்குமார் மற்றும் மாநகராட்சி அதிகாரிகள், கட்சி நிர்வாகிகள், தூய்மைப் பணியாளர்கள் என ஏராளமானோர் இந்தச் சமத்துவ பொங்கல் விழாவில் கலந்துகொண்டனர்.

உற்சாகக் கொண்டாட்டம்:

ஆணையாளர் மற்றும் மண்டலத் தலைவர் ஆகியோர் பொதுமக்களுக்குப் பொங்கல் மற்றும் இனிப்புகளை வழங்கி வாழ்த்துகளைப் பகிர்ந்து கொண்டனர். மாநகராட்சி நிர்வாகமும் மக்களும் இணைந்து கொண்டாடிய இந்த விழா அப்பகுதி மக்களிடையே நெகிழ்ச்சியையும் உற்சாகத்தையும் ஏற்படுத்தியது.