ஈரோடு மாநகராட்சி 10-வது வார்டில்சமத்துவ பொங்கல்

ஈரோடு மாநகராட்சி 10-வது வார்டில் பொதுமக்கள் சார்பில் உற்சாகமான சமத்துவ பொங்கல் கொண்டாட்டம்

ஈரோடு மாநகராட்சிக்கு உட்பட்ட 10-வது வார்டு பகுதிகளில் அமைந்துள்ள திருவள்ளுவர் நகர் மற்றும் அம்மன் நகர் ஆகிய குடியிருப்பு பகுதிகளில் வசிக்கும் பொதுமக்கள் அனைவரும் ஒன்றிணைந்து, தமிழர்களின் பண்பாட்டுத் திருவிழாவான சமத்துவ பொங்கல் விழாவினை மிகச் சிறப்பாகக் கொண்டாடினர். இந்த விழாவிற்கு மாநகராட்சி மாமன்ற உறுப்பினர் கொங்கு குமரவேல் தலைமை தாங்கினார். விழாவின் தொடக்கமாக, சாதி, மத பேதமின்றி அனைத்துத் தரப்பு மக்களும் ஒருசேரக் கூடி, புதுப்பானையில் பச்சரிசி, வெல்லம் மற்றும் நெய் சேர்த்து பொங்கலிட்டு ‘பொங்கலோ பொங்கல்’ என முழக்கமிட்டு இயற்கையை வழிபட்டனர்.
மாமன்ற உறுப்பினர் குமரவேல் தலைமையில் நடைபெற்ற இந்த நிகழ்வில், இப்பகுதி மக்களின் ஒற்றுமையை பறைசாற்றும் வகையில் பாரம்பரிய விளையாட்டுகள் மற்றும் கலை நிகழ்ச்சிகள் நடைபெற்றன. ஒருவருக்கொருவர் பொங்கல் இனிப்புகளைப் பகிர்ந்து கொண்டு வாழ்த்துகளைத் தெரிவித்துக் கொண்டனர். மக்கள் பிரதிநிதிகள் மற்றும் பொதுமக்கள் ஒரே இடத்தில் கூடி கொண்டாடிய இந்த சமத்துவ பொங்கல் விழா, அக்கம் பக்கத்து குடியிருப்பு மக்களிடையே பெரும் நெகிழ்ச்சியையும் மகிழ்ச்சியையும் ஏற்படுத்தியது. விழாவிற்கான ஏற்பாடுகளை திருவள்ளுவர் நகர் மற்றும் அம்மன் நகர் குடியிருப்போர் நலச் சங்க நிர்வாகிகள் மற்றும் பெண்கள், இளைஞர்கள் முன்னின்று செய்திருந்தனர்.