பிரதான் மந்திரி கிராம சாலைகள் மேம்பாட்டு திட்டம்

நீலகிரி மாவட்டம் எப்பநாடு ஊராட்சி பகுதியில் ஊரக வளர்ச்சி மற்றும் ஊராட்சித்துறை சார்பில், பிரதான் மந்திரி கிராம சாலைகள் மேம்பாட்டு திட்டத்தின் கீழ் ரூ.2.34 கோடி மதிப்பில் மேம்படுத்தப்பட்ட சாலையினையும், தும்மனட்டி, கக்குச்சி ஆகிய ஊராட்சிப்பகுதிகளில் பொது நூலகங்கள் சிறப்பு திட்டத்தின் கீழ் ரூ.44 இலட்சம் மதிப்பில் கட்டப்பட்ட புதிய நூலகங்களையும், மாண்புமிகு தமிழ் வளர்ச்சி மற்றும் செய்தித்துறை அமைச்சர் மு.பெ.சாமிநாதன் அவர்கள், அரசு தலைமைச்கொறடா கா.ராமச்சந்திரன் அவர்களின் முன்னிலையில்,  பொதுமக்களின் பயன்பாட்டிற்காக திறந்து வைத்து பார்வையிட்டார்.

பின்னர், மாண்புமிகு தமிழ் வளர்ச்சி மற்றும் செய்தித்துறை அமைச்சர் அவர்கள் செய்தியாளர்களிடம் தெரிவித்ததாவது:

மாண்புமிகு தமிழ்நாடு முதலமைச்சர் அவர்கள் பொதுமக்களின் நலன் கருதி பல்வேறு திட்டங்களை செயல்படுத்தி வருகிறார்கள். அதனடிப்படையில், நீலகிரி மாவட்டத்தில் உள்ள 3 சட்டமன்ற தொகுதிகளிலும் பல்வேறு வளர்ச்சி திட்டப்பணிகள் சிறப்பான முறையில் நிறைவேற்றப்பட்டு வருகின்றன. இன்றைய தினம், நீலகிரி மாவட்டம் உதகை ஊராட்சி ஒன்றியம், எப்பநாடு ஊராட்சிக்குட்பட்ட கட்டப்பெட்டு முதல் இடுஹட்டி வரை பிரதான் மந்திரி கிராம சாலைகள் மேம்பாட்டு திட்டத்தின் கீழ் ஏறத்தாழ சுமார் ரூ.2.34 கோடி மதிப்பீட்டில் மேம்படுத்தப்பட்ட 3 கி.மீ சாலையானது பொதுமக்கள் பயன்பாட்டிற்காக திறந்து வைக்கப்பட்டது.

அதேபோல், தும்மனட்டி ஊராட்சி கெந்தொரை, கக்குச்சி ஊராட்சி கக்குச்சி பகுதிகளில் பொது நூலகங்கள் சிறப்பு திட்டத்தின் கீழ் தலா ரூ.22 இலட்சம் மதிப்பில் புதிய நூலகங்களும் இன்று திறந்து வைக்கப்பட்டது. இதன் மூலம் ரூ.2.78 கோடி மதிப்பில் நடைபெற்று முடிந்த வளர்ச்சி திட்ட பணிகள் பொதுமக்களின் பயன்பாட்டிற்காக திறந்து வைக்கப்பட்டு, இப்பகுதி மக்களின் நீண்ட நாள் கோரிக்கையானது நிறைவேற்றி வைக்கப்பட்டுள்ளது என மாண்புமிகு தமிழ் வளர்ச்சி மற்றும் செய்தித்துறை அமைச்சர் அவர்கள் தெரிவி த்தார்.

இந்நிகழ்ச்சியில், மாவட்ட ஆட்சித்தலைவர் லட்சுமி பவ்யா தண்ணீரு அவர்கள், கூடுதல் ஆட்சியர் (வளர்ச்சி) அபிலாஷா கெளர் , ஊரக வளர்ச்சி முகமை செயற்பொறியாளர்

ரமேஷ், உதகை நகர்மன்ற துணைத்தலைவர் .

ரவிக்குமார், உதகை வட்டார வளர்ச்சி அலுவலர்கள் ஸ்ரீதரன்,  அனிதா, உதவி செயற் பொறியாளர் (சாலை பணிகள்) திரு.சங்கர், உதவி பொறியாளர் தசெல்வதுரை