புதுச்சேரி அரசின் திருமண உதவித்தொகை ஆவணம்

புதுச்சேரி அரசின் திருமண உதவி திட்டத்தின் மூலம், வறுமைக் கேட்டிற்கு கீழ் உள்ள ஆதி திராவிடர் நலம் மற்றும் பழங்குடியினர் நலத்துறையின் பயனாளிகளுக்கு வழங்கப்படும் திருமண உதவி தொகைக்கான ஆவணங்கள் உப்பளம் தொகுதியில் வழங்கப்பட்டன.

இந்நிகழ்ச்சியில் திமுக உப்பளம் தொகுதி சட்டமன்ற உறுப்பினர் அனிபால் கென்னடி அவர்கள் பயனாளிகளுக்கு திருமண உதவித்தொகை ஆவணங்களை வழங்கி பேசுகையில், “அரசு உதவித் திட்டங்கள் அனைத்தும் நேரடியாக மக்களின் வங்கிக் கணக்கில் வரவு வைக்கப்படும்” என தெரிவித்தார்.

நிகழ்ச்சியில் தொகுதி செயலாளர் சக்திவேல், துணை செயலாளர் ராஜி, மாநில மீனவர் அணி துணை அமைப்பாளர் விநாயகமூர்த்தி, தொண்டர் அணி ஜோஸ்லின், கிளை செயலாளர்கள் செல்வம் மற்றும் ராகேஷ் உள்ளிட்டோர் கலந்து கொண்டனர்.

ஆவணங்களை பெற்ற பயனாளிகள் சட்டமன்ற உறுப்பினர் அனிபால் கென்னடி அவர்களுக்கு தங்களது நன்றியை தெரிவித்துக் கொண்டனர்.