மகுடஞ்சாவடி ஒன்றியத்தில் தார் சாலை அமைக்க பூமி பூஜை..செல்வகணபதி எம்பி பங்கேற்பு! 

சேலம்,மகுடஞ்சாவடி ஒன்றியத்தில் தார் சாலை அமைக்க பூமி பூஜை, மற்றும் கட்சி அலுவலகம் திறப்பு விழாவில் டி.எம் .செல்வகணபதி எம்பி பங்கேற்று சிறப்பித்தார்.

சேலம் மேற்கு மாவட்டம், மகுடஞ்சாவடி தெற்கு ஒன்றிய திமுக அலுவலகம் திறப்பு மற்றும் மகுடஞ்சாவடி சுப்பிரமணிய சுவாமி கோயில் தேர் பணி ஆய்வு மற்றும் உலகப்பனூரில் தார் சாலை அமைக்க பூமி பூஜை உள்ளிட்ட நிகழ்ச்சி நேற்று நடைபெற்றது .

இதில் டி.எம். செல்வகணபதி கலந்துகொண்டு கட்சி அலுவலகத்தை ரிப்பன் வெட்டி திறந்து வைத்தும், மகுடஞ்சாவடி சுப்பிரமணியசுவாமி தேர் பணி பார்வையிட்டு, நபார்டு திட்டத்தின் கீழ் உலகப்பனூர் முதல் சந்தைப்பேட்டை வரை தார் சாலை அமைக்க ரூ.68 லட்சம் மதிப்பில் பூமி பூஜையும் துவக்கி வைத்து சிறப்பித்தார். இந்நிகழ்ச்சியில் மாநில பொதுக்குழு உறுப்பினரும், மகுடஞ்சாவடி தெற்கு ஒன்றிய பொறுப்பாளர் அன்பழகன் வரவேற்றார்.

மேலும், இந்நிகழ்ச்சியில் மாவட்ட அவைத்தலைவர் தங்கமுத்து, துணை செயலாளர்கள் சுந்தரம், சம்பத்குமார் ,இளைஞர் அணி அமைப்பாளர் மணிகண்டன், மாணவர் அணி அமைப்பாளர் கண்ணன் ,வடக்கு ஒன்றிய பொறுப்பாளர் பச்சமுத்து, அவை தலைவர் அய்யாவு, பொருளாளர் புஷ்பநாதன், இடங்கணசாலை நகர செயலாளர் செல்வம், நகராட்சி தலைவர் கமலக்கண்ணன் மற்றும் மாவட்ட, ஒன்றிய நிர்வாகிகள், சார்பணி நிர்வாகிகள் உள்ளிட்டோர் கலந்து கொண்டு சிறப்பித்தனர்.