புதுச்சேரி மாநில அளவிலான அத்லடிக் போட்டிகளில் காரைக்கால் பள்ளி மாணவிகள் அசத்தல் மாவட்ட ஆட்சியர் பாராட்டு
புதுச்சேரி மாநில அளவிலான அத்லடிக் போட்டிகளில் காரைக்கால் பள்ளி மாணவிகள் அசத்தல் மாவட்ட ஆட்சியர் பாராட்டு
புதுச்சேரியில் உப்பளம் விளையாட்டு மைதானத்தில் மாநில அளவிலான அத்லெட்டிக் விளையாட்டு போட்டிகள் கடந்த இரு சில நாட்களாக நடைபெற்றன, இப்போட்டிகளில் ஓட்டப்பந்தயம், த்ரோபால், உயரம் தாண்டுதல், நீளம் தாண்டுதல் மற்றும் குண்டு எறிதல் உள்ளிட்ட பல்வேறு விளையாட்டு போட்டிகள் நடைபெற்றன. இப்போட்டிகளில் புதுச்சேரி மற்றும் காரைக்காலைச் சேர்ந்த ஆயிரத்திற்கும் மேற்பட்ட விளையாட்டு வீரர் வீராங்கனைகள் பங்கேற்றனர்.
இதில் காரைக்கால் மாவட்டம் திருப்பட்டினத்தை அடுத்த பட்டினச்சேரி மீனவ கிராமத்தைச் சேர்ந்த பள்ளி மாணவ மாணவிகள் 16 பேர் அத்லெட்டிக் போட்டிகளில் பங்கேற்று பல்வேறு பிரிவுகளில் முதல் பரிசு மற்றும் இரண்டாம் பரிசுகளை தட்டி சென்றனர்.
வெற்றி பெற்ற மாணவ மாணவிகளை காரைக்கால் மாவட்ட ஆட்சியர் மணிகண்டன் ஐஏஎஸ் அவர்களை நேரில் அழைத்து சால்வை அணிவித்து வாழ்த்து தெரிவித்தார். இதுகுறித்து பேசிய மாவட்ட ஆட்சியர் அவர்கள் இதே போல் தேசிய அளவிலான விளையாட்டு போட்டிகளில் பங்கேற்று மாவட்டத்திற்கு பெருமை சேர்க்க வேண்டும் என கேட்டுக்கொண்டார். இந்நிகழ்வில் பட்டினச்சேரி மீனவ பஞ்சாயத்தார்கள் மற்றும் சிந்தனை சிற்பி சிங்காரவேலர் நற்பணி மன்ற நிர்வாகிகள் உடன் இருந்தனர்.
