சேலத்தில் இளைய தலைமுறையினருக்கு சிறுதானியங்கள் குறித்து விழிப்புணர்வு

சேலத்தில் இளைய தலைமுறையினருக்கு சிறுதானியங்கள் குறித்து விழிப்புணர்வு ஏற்படுத்தும் வகையில் நடைபெற்ற கண்காட்சியை மாவட்ட ஆட்சியர் கார்மேகம் துவக்கி வைத்தார்.சேலம் அம்மாபேட்டை பகுதியில் உள்ள தனியார் மகளிர் கலைக் கல்லூரியில் ஊட்டச்சத்து உணவுகள் துறை சார்பில் சர்வதேச சிறு தானியங்கள் ஆண்டு 2023 குறித்த விழிப்புணர்வு நிகழ்ச்சி நடைபெற்றது. இந்நிகழ்ச்சியை சேலம் மாவட்ட ஆட்சியர் கார்மேகம் கலந்து கொண்டு துவக்கி வைத்தார். ஊட்டச்சத்து மிகுந்த சிறுதானியங்கள் குறித்து அமைக்கப்பட்டிருந்த விழிப்புணர்வு கண்காட்சி அரங்குகளை மாவட்ட ஆட்சியர் கார்மேகம் நேரில் பார்வையிட்டார். அவரை தொடர்ந்து கல்லூரி மாணவிகள் ஏராளமானோர் இக்கண்காட்சியை பார்வையிட்டனர். மாணவிகளுக்கு சிறுதானியங்கள் குறித்த விழிப்புணர்வும், இதனால் ஏற்படும் பயன்கள் மற்றும் சத்துக்கள் குறித்து எடுத்துரைக்கப்பட்டது.