விஷ்ணுவர்தன் இயக்கத்தில் அதிதி ஷங்கர்
இயக்குநர் ஷங்கரின் மகள் அதிதி, கார்த்தியின் ‘விருமன்’ படம் மூலம் நாயகியாக அறிமுகமானார். இந்தப் படத்தில் அவர் நடிப்பும் நடனமும் கவனிக்கப்பட்டது.
இப்போது சிவகார்த்திகேயன் ஜோடியாக ‘மாவீரன்’ படத்தில் நடித்து வருகிறார். மடோன் அஸ்வின் இயக்கும் இந்தப் படத்தின் படப்பிடிப்பு நடந்து வருகிறது. இதையடுத்து அவர், விஷ்ணுவர்தன் இயக்கும் படத்தில் நாயகியாக நடிக்க இருக்கிறார்.
தமிழில், ‘அறிந்தும் அறியாமலும்’,‘பட்டியல்’, ‘பில்லா’, ‘ஆரம்பம்’ உள்ளிட்ட படங்களை இயக்கிய விஷ்ணுவர்தன், கடைசியாக ‘ஷெர்ஷா’ என்ற இந்திப் படத்தை இயக்கி இருந்தார். வரவேற்பைப் பெற்ற இந்தப் படத்தை அடுத்து தமிழில் படம் இயக்குகிறார்.
