இன்றைய ராசி பலன்கள்

மேஷம்

எந்தக் காரியத்திலும் முடிவு எடுக்க முடியாமல் தவிப்பீர்கள். வெளிப்படையாகப் பேசி வம்பை விலைக்கு வாங்காதீர்கள். வங்கிக் கணக்கில் இருந்து வீட்டுத் தேவைக்காகப் பணம் எடுப்பீர்கள். உறவுகளில் தேவை இல்லாத சிக்கல் உண்டாகும். நண்பருக்கு தக்க சமயத்தில் பண உதவி செய்து சிக்கலைத் தீர்ப்பீர்கள்.

ரிஷபம்

தொழிலுக்குத் தேவையான ஆர்டர்களைப் பெற வெளியூர் செல்வீர்கள். ஒன்றாக வேலை பார்ப்பவர்கள் உங்களுக்குப் போட்டியாக நடப்பார்கள். வீட்டிலும் எதிர்பார்த்த அன்பு கிடைக்காது. வியாபாரத்தில் சறுக்கல் உண்டாகும். நம்பியவர்கள் ஆபத்தான நிலையில் கை விடுவார்கள். ஆன்லைன் சூதாட்டத்தில் இறங்காதீர்கள்.

மிதுனம்

கேட்ட உதவி வெளிநாட்டில் இருந்து கிடைக்கும். வியாபாரத்தில் வந்த லாபத்தால் வங்கி இருப்பு உயரும். விவசாயப் பொருட்கள் உற்பத்தியில் அதிக ஆர்வம் காட்டுவீர்கள். தொழில் போட்டிகளை வெற்றிகரமாகச் சமாளிப்பீர்கள். பங்குச்சந்தை வியாபாரத்தில் முதலீடு செய்வீர்கள். எதிர்காலத்திற்குத் தேவையான திட்டங்களைத் தீட்டுவீர்கள்.

கடகம்

அரசு வேலையில் விரும்பிய இடத்திற்கு மாற்றம் கிடைக்கும். கலைத்துறையினர் சாதனை படைப்பார்கள். வியாபாரத்தில் போட்டிகள் அதிகரிக்கும், வெற்றிகரமாக அதைத்தாண்டி செல்வீர்கள். தொழில் திட்டமிட்டபடி நடக்கும். உத்தியோகம் பார்ப்பவர்கள் கூடுதலான வேலைப் பளுவால் சிரமப்படுவார்கள். எதிர்பார்த்த இடத்தில் கடன் கிடைக்கும். பழைய பாக்கிகள் வசூலாகும்.

சிம்மம்

குடும்பப் பிரச்சினைகள் நீங்கி நிம்மதி உண்டாகும். கணவன் மனைவிக்கிடையே நெருக்கம் அதிகரிக்கும். ஐடி ஊழியர்கள் புதிய கண்டுபிடிப்புகளை நிகழ்த்துவார்கள். எந்தக் ஒரு காரியமும் சாதகமாக முடியும். மங்கல நிகழ்ச்சிகள் இல்லத்தில் நடக்கும்‌. வியாபாரத்தில் இருந்த போட்டிகள் குறையும். சாமர்த்தியமாக சமாளிக்கும் துணிச்சல் உண்டாகும்.

கன்னி

கோபத்தைக் கட்டுப்படுத்தி நிதானமாக நடந்து கொள்ள வேண்டும். உத்தியோகத்தில் இருப்பவர்களுக்கு புதிய பொறுப்புகள் சுமையாக மாறும். பெண்கள் அண்டை வீட்டில் வாக்குவாதம் செய்வதை தவிர்ப்பது நல்லது. மாணவர்கள் பதற்றமடையாமல் பாடங்களைப் படிக்க வேண்டும். வியாபாரம் மந்தமாக நடக்கும். தொழில் சம்பந்தமாக அலைச்சல் அதிகரிக்கும்.

துலாம்

வியாபாரத்தில் இருந்த இடையூறுகள் நீங்கும். உங்களோடு பகைமை பாராட்டியவர்கள் நட்புக்கரம் நீட்டுவார்கள். அலைச்சல் காரணமாக ஒழுங்காகச் சாப்பிட முடியாது. அடுத்தவர் விஷயத்தில் தலையிடாதீர்கள். பங்குப் பரிவர்த்தனை சாதகமாக இருக்கும். ஆன்லைன் வியாபாரங்கள் ஆதாயத்தைக் கொடுக்கும். நண்பர்கள் மூலம் தேவையான உதவிகளைப் பெறுவீர்கள்.

விருச்சிகம்

வியாபாரத்திற்குத் தேவையான பணம் கைக்கு வர தாமதமாகும். குடும்பத்தில் கருத்து வேறுபாடு வராமல் கவனமாக நடந்து கொள்ளுங்கள். அரசுப் பணியாளர்கள் வேலைப்பளுவை சந்திக்க நேரிடும். ஆராய்ந்து பார்த்து அடுத்தவர்களுக்கு உதவி செய்யுங்கள். வெளிநாட்டுப் பயண வாய்ப்புகள் வரும். அரசு ஒப்பந்தங்கள் கிடைக்கும். கமிஷன் வியாபாரங்கள் லாபத்தைக் கொடுக்கும்.

தனுசு

வீட்டில் சுப நிகழ்ச்சிகளுக்கான ஏற்பாடுகள் நடக்கும். பிள்ளைகளின் கல்வி தொடர்பான கவலை நீங்கும். குடும்பத்தில் கூடுதல் செலவு உண்டாகும். கூடுதலான லாபம் பார்க்க இரவு பகலாக உழைப்பீர்கள். உஷ்ணம் சம்பந்தப்பட்ட நோய்த் தாக்கம் உண்டாகும். புதிய முயற்சிகளுக்கான பலன் கிடைக்கும். தொழிலை விரிவு செய்ய ஆலோசனை நடத்துவீர்கள்.

மகரம்

புண்ணிய காரியங்களில் ஈடுபாடு அதிகரிக்கும். மற்றவர்களுக்கு உதவி செய்து நல்ல பெயர் எடுப்பீர்கள். வெளிவட்டாரத்தில் உங்கள் செல்வாக்கு உயரும். வியாபாரம் தொடர்பான காரியங்கள் நல்ல முறையில் நடக்கும். உத்தியோகத்தில் உள்ளவர்கள் முதலாளியின் பாராட்டைப் பெறுவார்கள். கூட்டுத் தொழில் செய்பவர்கள் கவனமாக இருக்க வேண்டும்‌

கும்பம்

பொறாமையால் சிலர் உங்களுக்கு கெடுதல் செய்ய நினைப்பார்கள். சூழ்நிலையைப் புரிந்து கொண்டு நடப்பதன் மூலம் வெற்றியைக் காண்பீர்கள். உங்களின் பேச்சாற்றல் மூலம் வியாபாரத்தைப் பெருக்குவீர்கள். தொழிலில் அவசரமான முடிவுகள் எடுக்க வேண்டாம். உறவினர்கள் மத்தியில் இருந்த பகை மாறும். இழுபறியாக இருந்த வழக்கு முடிவுக்கு வரும்

மீனம்

எதிலும் நேர்மையுடன் நடக்க வேண்டும் என்று நினைப்பீர்கள். வீட்டிற்குத் தேவையான விலை உயர்ந்த பொருட்கள் வாங்குவீர்கள். எதிர்காலத்திற்காக பணத்தை முதலீடு செய்வீர்கள். கோபத்தை விலக்கி குடும்பத்தில் இதமாக நடந்து கொள்வீர்கள். விருந்தினர்கள் வருகையால் மகிழ்ச்சி உண்டாகும். பணவரவு திருப்திகரமாக இருக்கும். வீடு வாங்கும் சிந்தனை மேலோங்கும்.