சென்னையில் இன்று பெட்ரோல், டீசல் விலை அதிகரிப்பு..!!

சென்னை,

சர்வதேச அளவில் கச்சா எண்ணெய் விலைக்கேற்ப, எரிபொருள் விலையை தினசரி நிர்ணயிக்கும் நடைமுறைக்கு அரசு அனுமதி அளித்தது.  இதன்படி, எண்ணெய் நிறுவனங்கள் நாள்தோறும் பெட்ரோல் மற்றும் டீசல் விலையை மாற்றியமைத்து வருகின்றன.

இதற்கிடையில், கடந்த 137 நாட்களாக ஒரே விலையில் நீடித்த பெட்ரோல், டீசல் கடந்த 22 ஆம் தேதி அதிகரித்தது. அதன்படி, கடந்த 22-ஆம் தேதி  ஒருலிட்டர் பெட்ரோல் 101 ரூபாய் 16 காசுகளுக்கும், டீசல் 92 ரூபாய் 19 காசுகளுக்கும் விற்கப்பட்டது.

இதனை தொடர்ந்து கடந்த 23 ஆம் தேதி 2-வது நாளாக பெட்ரோல், டீசல் விலை உயர்ந்தது. அதன்படி பெட்ரோல் லிட்டருக்கு 0.75 காசுகள் அதிகரித்து 102 ரூபாய் 91 காசுகளுக்கும், டீசல் லிட்டருக்கு 0.76 காசுகள் அதிகரித்து 92 ரூபாய் 95 காசுகளுக்கும் விற்பனை செய்யப்பட்டது.

இந்நிலையில், 2 நாட்கள் விலை ஏற்றத்திற்கு பின் சென்னையில் நேற்று பெட்ரோல், டீசல் விலையில் மாற்றம் ஏற்படவில்லை. அதன்படி, ஒரு லிட்டர் பெட்ரோல் 102 ரூபாய் 91 காசுகளுக்கும், டீசல் 92 ரூபாய் 95 காசுகளுக்கும் விற்பனை செய்யப்பட்டது.

இந்த நிலையில் இன்று சென்னையில் மீண்டும் பெட்ரோல், டீசல் விலை அதிகரித்துள்ளது . பெட்ரோல் மற்றும்  டீசல் லிட்டருக்கு தலா 76 காசுகள் அதிகரித்து  ஒரு லிட்டர் பெட்ரோல் 103 ரூபாய் 67காசுகளுக்கும் டீசல் 93 ரூபாய் 71 காசுகளுக்கும் விற்பனை செய்யப்படுகிறது.