Today’s Rasi Palan : இன்றைய ராசி பலன் ஞாயிற்றுக்கிழமை ஜனவரி 30, 2022

மேஷம்
சந்திரன் இன்றைய தினம் உங்களை ராசிக்கு ஒன்பதாம் வீடான பாக்ய ஸ்தானத்தில் பயணம் செய்கிறார். பேசும் வார்த்தைகளில் நிதானம் தேவை. யாருக்கும் வாக்குக் கொடுத்து மாட்டிக்கொள்ள வேண்டாம். இன்று நீங்கள் செய்யும் செயல்களில் சுறுசுறுப்புடன் ஈடுபடுவீர்கள். புதிய பொருட்கள் வீடு வந்து சேரும். வேலை செய்யும் இடத்தில் இருந்த பிரச்சினை முடிவுக்கு வரும். உடன் பணிபுரிபவர்கள் ஒற்றுமையாக செயல்படுவார்கள். உறவினர்கள் உதவியால் கடன் பிரச்சினைகள் தீரும்.

ரிஷபம்
சந்திரன் இன்றைய தினம் உங்கள் ராசிக்கு எட்டாம் வீட்டில் பயணம் செய்கிறார். செய்யும் வேலையில் கவனமும் நிதானமும் தேவை. இன்று உங்களுக்கு மனக்குழப்பமும், கவலையும் அதிகரிக்கும். உங்கள் ராசிக்கு சந்திராஷ்டமம் இருப்பதால் செய்யும் செயல்களில் தடை தாமதங்கள் ஏற்படும். வெளியூர் பயணங்களை தவிர்ப்பது நல்லது. அலுவலகத்தில் மேலதிகாரிகளுடன் நிதானமாக நடந்து கொள்ளவும் எதிர்பேச்சு பேச வேண்டாம்.

மிதுனம்
சந்திரன் இன்றைய தினம் உங்களுடைய ராசிக்கு ஏழாம் வீட்டில் பயணம் செய்கிறார். குடும்பத்தில் குதூகலம் ஏற்படும். மனதில் நிம்மதியும் சந்தோஷமும் அதிகரிக்கும். திடீர் பயணங்களில் நன்மை உண்டாகும். வேலை செய்யும் இடத்தில் மாற்றம் ஏற்படும். இன்று வியாபாரத்தில் பெரிய மனிதர்களின் அறிமுகம் கிடைக்கும். உறவினர்களுடன் இருந்த கருத்து வேறுபாடுகள் நீங்கும். திருமண முயற்சிகளில் இருந்த தடைகள் விலகும். திடீர் பண வரவு வரும். வீட்டிற்குத் தேவையான ஆடம்பர பொருட்கள் வாங்கி மகிழ்வீர்கள்.

கடகம்
சந்திரன் இன்றைய தினம் உங்களுடைய ராசிக்கு ஆறாம் வீட்டில் பயணம் செய்கிறார். எதிர்பார்த்த வங்கி கடன் கிடைக்கும். வராத பழைய கடன் பாக்கிகள் வசூலாகும். இன்று உற்றார் உறவினர்களால் குடும்பத்தில் மகிழ்ச்சி உண்டாகும். சிலருக்கு வேலை விஷயமாக வெளியூர் பயணம் செல்லும் வாய்ப்பு அமையும். தொழில் சம்பந்தமான புதிய திட்டங்கள் வெற்றியை ஏற்படுத்தும். நோய்கள் நீங்கி உடல் ஆரோக்கியம் அதிகரிக்கும். பயணங்களால் நன்மைகள் உண்டாகும்.

சிம்மம்
சந்திரன் இன்றைய தினம் உங்களுடைய ராசிக்கு ஐந்தாம் வீடான பூர்வ புண்ணிய ஸ்தானத்தில் பயணம் செய்கின்றனர். கூடவே செவ்வாயும் சுக்கிரனும் பயணம் செய்கின்றனர். இன்று குடும்பத்தில் பிள்ளைகளால் மகிழ்ச்சி தரும் நிகழ்ச்சிகள் நடைபெறும். அரசு வழியில் எதிர்பார்த்த உதவிகள் கிடைக்கும் வாய்ப்பு உண்டு. உத்தியோகஸ்தர்கள் வேலையில் சுறுசுறுப்பாக செயல்படுவார்கள். புதிய பொருட் சேர்க்கை உண்டாகும். உடன்பிறந்தவர்கள் சாதகமாக இருப்பார்கள். பிள்ளைகள் உடல் ஆரோக்கியத்தில் கவனம் தேவை.

கன்னி
சந்திரன் இன்றைய தினம் உங்களுடைய ராசிக்கு நான்காம் வீட்டில் பயணம் செய்கிறார்.பெற்றோர்களுடன் ஏற்பட்ட மனஸ்தாபங்கள் படிப்படியாக குறையும். எந்த விஷயத்திலும் பொறுமையுடனும், கவனமுடனும் இருப்பது நல்லது. வியாபார சம்பந்தமான புதிய முயற்சிகளில் கூட்டாளிகளின் ஆதரவும் ஒத்துழைப்பும் கிடைக்கும். இன்று உங்களுக்கு உடல்நிலையில் இருந்த பிரச்சினைகள் சரியாகும் ஆரோக்கியம் அற்புதமாக இருக்கும். வீடு பராமரிப்பு செய்வீர்கள். வண்டி வாகனம் வாங்கும் யோகம் வரும்.

துலாம்
சந்திரன் இன்றைய தினம் உங்களுடைய ராசிக்கு மூன்றாம் வீட்டில் பயணம் செய்கிறார். இன்று உங்களுடைய முயற்சிகளுக்கு வெற்றி கிடைக்கும். தொழில் ரீதியாக பொருளாதாரம் சிறப்பாக இருக்கும். குடும்பத்தில் சந்தோஷமான சூழ்நிலை உருவாகும். பிள்ளைகளால் நன்மைகள் ஏற்படும். வேலை செய்யும் இடத்தில் இருந்த பிரச்சினைகள் நீங்கும். பிள்ளைகளின் படிப்பில் நல்ல முன்னேற்றம் காணப்படும். கடன் பிரச்சினைகள் நீங்கும். நோய்கள் நீங்கி ஆரோக்கியம் அதிகமாகும்.

விருச்சிகம்
சந்திரன் இன்றைய தினம் உங்களுடைய ராசிக்கு இரண்டாம் வீட்டில் பயணம் செய்கிறார். திடீர் பண வரவு வரும். செலவுகளும் ஏற்படும். தொழிலில் எதிர்பார்த்த லாபம் கிடைக்கும். எதையும் ஒருமுறைக்கு பலமுறை யோசித்து செயல்படுவது நல்லது. சகோதரர்கள் மூலம் உதவிகள் தேடி வரும். தெளிவான மனநிலையில் இருப்பீர்கள். சொத்து சேர்க்கை உண்டாகும். குடும்பத்தில் விட்டு கொடுத்து சென்றால் பிரச்சினைகளை தவிர்க்கலாம். மன நிம்மதியும் சந்தோஷமும் அதிகரிக்கும். பேசும் வார்த்தைகளில் நிதானமும் கவனமும் தேவை.

தனுசு
சந்திரன் இன்றைய தினம் உங்களுடைய ராசிக்குள் பயணத்தை தொடங்குகிறார். திடீர் மனக்குழப்பம் ஏற்படும். பேச்சில் நிதானமும் கவனமும் தேவை. வியாபாரத்தில் புதிய கூட்டாளிகள் மூலம் நல்ல லாபம் கிடைக்கும். பூர்வீக சொத்துக்களால் நன்மைகள் நடைபெறும். பெண்களுக்கு இது நல்ல நாள் ஆடை ஆபரண சேர்க்கை அதிகரிக்கும். உங்களுடைய வீட்டிற்கு உறவினர்களின் திடீர் வருகை மகிழ்ச்சியை அளிக்கும்.

மகரம்
சந்திரன் இன்றைய தினம் உங்களுடைய ராசிக்கு விரைய ஸ்தானத்தில் பயணம் செய்கிறார். தொழிலில் எதிர்பாராத திடீர் விரயங்கள் உண்டாகும். உத்தியோகத்தில் மேலதிகாரிகளின் கெடுபிடிகள் அதிகரித்தாலும் உடனிருப்பவர்கள் ஒத்துழைப்பு மகிழ்ச்சியை அதிகரிக்கும். இன்று குடும்பத்தில் தேவையற்ற பிரச்சினைகள் ஏற்படலாம். குடும்பத்தில் உள்ள அனைவரையும் அனுசரித்து செல்வது நல்லது. திடீர் மருத்துவ செலவுகள் வரலாம் கவனம் தேவை.

கும்பம்
சந்திரன் இன்றைய தினம் லாப ஸ்தானத்தில் பயணம் செய்வதால் வியாபாரத்தில் திடீர் லாபம் அதிகரிக்கும். இன்று தொழில் ரீதியாக பணவரவு தாராளமாக இருக்கும். குடும்பத்தில் உள்ள பிரச்சினைகள் நீங்கி மகிழ்ச்சி அதிகரிக்கும். சிலருக்கு பொன்பொருள் வாங்கும் யோகம் உண்டு. பழைய கடன் பாக்கிகள் வசூலாகும். உடல் ஆரோக்கியம் நன்றாக இருக்கும். பங்குச்சந்தை முதலீடுகளில் லாபம் அதிகரிக்கும்.

மீனம்
சந்திரன் இன்றைய தினம் உங்களுடைய ராசிக்கு பத்தாம் வீடான தொழில் ஸ்தானத்தில் பயணம் செய்கிறார். இன்று குடும்ப உறவுகளிடம் ஒற்றுமை அதிகரிக்கும் பொருளாதார நிலை நன்றாக இருக்கும். வீட்டுத் தேவைகள் பூர்த்தியாகும். பொன் பொருள் சேரும். வங்கி சேமிப்பு உயரும். தொழில் விசயமாக வெளியூர் செல்லும் வாய்ப்புகள் வீடு தேடி வரும். தொழில் வியாபாரத்தில் எதிர்பார்த்த லாபம் கிடைக்கும்.