கரோனா தொற்று குறையும் பட்சத்தில் 10, 11, 12ஆம் வகுப்புகளுக்கு பிப்.1ஆம்தேதி முதல் பள்ளிகளை திறக்க முன்னுரிமை: அமைச்சர் தகவல்

சென்னை, ஜன.27 கரோனா தொற்று குறையும்பட்சத்தில் 10, 11, 12ஆம் வகுப்புகளுக்கு 1ஆம்தேதி முதல் பள்ளிகளை திறக்க முன்னு ரிமை அளிக்கப்படும் என்று அமைச் சர் அன்பில் மகேஷ் பொய்யாமொழி தெரிவித்துள்ளார்.

பள்ளிக்கல்வித் துறை அமைச்சர் அன்பில் மகேஷ் பொய்யாமொழி சென்னையில் நேற்று (26.1.2022) செய்தியாளர்களிடம் கூறியதாவது:-

அரசு பள்ளிகளை மேம்படுத்துவ தற்காக பல்வேறு திட்டங்கள் கொண்டு வரப்பட்டு இருக்கின்றன. அதனை இன்னும் மேம்படுத்துவதற் கான அனைத்து முயற்சிகளையும் நாங்கள் செய்து வருகிறோம்.

அரசு பள்ளி பெருமையின் அடையாள மாக மாற்றுவதற்கான திட்டங்களை அமல்படுத்தி வருகி றோம். முதலமைச்சர் அரசுப் பள்ளி களுக்கு மிகவும் முக்கியத்துவம் கொடுப்பவர். அவருடைய தலை மையில் நடக்கும் இந்த ஆட்சியில், அரசு பள்ளிகளை மேம்படுத்துவதற் கான அனைத்து வழிகளிலும் எங்கள் செயல்பாடு இருக்கும்.

நீட் தேர்வு தொடர்பான தீர்மா னத்தை குடியரசுத் தலைவர் ஒப்புத லுக்கு ஆளுநர் அனுப்பி வைக்க வேண்டும் என்று முதலமைச்சர் வலியுறுத்தி இருக்கிறார்.

அதேதான் பள்ளிக்கல்வித் துறையின் கோரிக் கையாகவும் இருக்கிறது. நம்முடைய கொள்கை இருமொழி கொள்கை தான். அதில் இருந்து பின்வாங்கப் போவது இல்லை. நம்முடைய நிலைப்பாடு மாறாது.

10, 11 மற்றும் 12ஆம் வகுப்புக்கு அதிக கவனம் செலுத்தி வருகிறோம். வருகிற 31ஆம்தேதிக்கு முன்பு ஊரடங்கு தொடர்பான ஆலோ சனை கூட்டம் நடைபெற இருக் கிறது. பள்ளிக்கல்வித் துறை சார்பில் ஒரு கருத்தையும் முதலமைச்சர் அலுவலகத்தில் பதிவு செய்துள் ளோம்.

அதாவது, நோய்த் தொற்று குறைகின்ற பட்சத்தில், பொதுத் தேர்வை கருத்தில் கொண்டு பிப்ரவரி 1ஆம்தேதி முதல் 10, 11 மற்றும் 12ஆம் வகுப்பு மாணவர் களுக்கு பள்ளிகளை திறக்க முன் னுரிமை கொடுக்க வேண்டும் என்று சொல்லியிருக்கிறோம்.

அந்த ஆலோசனை கூட்டத்தில் இதுபற்றி பேசி, ஒரு முடிவு எடுப்பார்கள்.

1 முதல் 8ஆம் வகுப்பு வரையில் இல்லம் தேடி கல்வி திட்டம் மூலம் அவர்களுக்கு பாடங் கள் கற்பிக் கப்பட்டு வருகின்றன.

இவ்வாறு அவர் கூறினார்.