Today’s Rasi Palan : இன்றைய ராசி பலன் புதன்கிழமை டிசம்பர் 29, 2021

Today’s Rasi Palan : இன்றைய ராசி பலன் புதன்கிழமை டிசம்பர் 29, 2021

சென்னை: பிலவ வருடம் மார்கழி 14 ஆம் தேதி டிசம்பர் 29, 2021 புதன்கிழமை. தசமி மாலை 04.12 மணிவரை அதன் பின் ஏகாதசி, சுவாதி மறுநாள் இரவு 02.38 மணி வரை அதன் பின் விசாகம். சந்திரன் இன்று துலாம் ராசியில் பயணம் செய்கிறார். மீன ராசிக்காரர்களுக்கு சந்திராஷ்டமம் உள்ளதால் கவனமும் நிதானமும் தேவை. மேஷம் முதல் மீனம் வரை 12 ராசிக்காரர்களுக்கும் பலன்கள் பரிகாரங்களைப் பார்க்கலாம்.

மேஷம்
இன்றைய தினம் ராசிக்கு ஏழாவது வீட்டில் சந்திரன் சஞ்சரிக்கிறார். உடல் நலம் அற்புதமாக இருக்கும். களத்திர ஸ்தான சந்திரன் உங்களின் குடும்ப வாழ்க்கையில் உற்சாகத்தினை தருவார். கணவன் மனைவிக்குள் நெருக்கம் அதிகரிக்கும். தொழில் வியாபாரத்தில் லாபம் பெருகும். லாப குருவினால் திருமண முயற்சிகள் கைகூடி வரும் செல்வமும் செல்வாக்கும் அதிகரிக்கும். கடன் பிரச்சினைகள் கட்டுக்குள் இருக்கும்.

ரிஷபம்
இன்றைய தினம் ராசிக்கு ஆறாவது வீட்டில் சந்திரன் மறைந்திருக்கிறார். வீட்டில் உங்கள் பேச்சுக்கு மதிப்பு கூடும். வங்கி சேமிப்பு உயரும். அலுவலகத்தில் மதிப்பு மரியாதை அதிகரிக்கும். உடல் நலத்தின் உற்சாகம் மனதில் தொற்றிக்கொள்ளும். மணவாழ்க்கை மகிழ்ச்சியை தரும். வேலை செய்யும் இடத்தில் தடைகள் நீங்கும் செய்யும் வேலைக்கு ஏற்ப ஊதிய உயர்வு அதிகரிக்கும். நிதி நிலைமை சீராக இருக்கும். உடல் ஆரோக்கியத்தில் கவனம் தேவை.

மிதுனம்
ராசிக்கு ஐந்தாவது வீட்டில் சந்திரன் சஞ்சாரம் செய்கிறார். பூர்வீக சொத்துக்களை விற்பனை செய்ய முயற்சி செய்வதன் மூலம் வருமானம் அதிகரிக்கும். உங்கள் காதல் வாழ்க்கையின் இனிமையான நாளாக இன்றைக்கு அமையும். மணவாழ்க்கை மகிழ்ச்சியானதாக அமையும். இறைவழிபாட்டால் மகிழ்ச்சி கிடைக்கும். பொன், பொருள் சேர்க்கை உண்டாகும். குடும்ப உறுப்பினர்களின் வருகையால் மகிழ்ச்சி அடைவீர்கள்.உறவினர்களின் உதவி கிடைக்கும்.

கடகம்
ராசிக்கு நான்காவது வீட்டில் சந்திரன் சஞ்சாரம் உள்ளது. வியாபாரத்தில் விற்பனை அதிகரிக்கும் லாபம் பெருகும். அலுவலகத்தில் உங்களுக்கு வேலைப்பளு குறையும். காதல் விவகாரங்கள் கசப்பாக இருக்கும். கணவன் மனைவி இடையே நெருக்கம் கூடும். செல்வமும் செல்வாக்கும் அதிகரிக்கும். சுப விரயம் உண்டாகும். கால்நடைகளிடம் கவனமாக இருக்கவும். அம்மாவின் உடல் நலனில் அக்கறை காட்டவும். தந்தைவழி உறவினர்களை அனுசரித்துச் செல்லவும்.

சிம்மம்
ராசிக்கு மூன்றாவது வீட்டில் சந்திரன் சஞ்சாரம் உள்ளது. செய்யும் முயற்சிகள் யாவும் வெற்றி கிடைக்கும். தொழில் வியாபாரத்தில் புதிய முயற்சிகள் செய்யலாம். வேலை விசயமாக வெளியூர் செல்வீர்கள். வியாபாரத்தில் கூட்டாளிகளின் ஒத்துழைப்பு கிடைக்கும். உயர் அதிகாரிகளிடம் செல்வாக்கு உயரும். மருத்துவ செலவு அதிகரிக்கும். பெரியோர்களின் ஆதரவினால் பூர்வீகத்தில் ஏற்பட்ட பிரச்சனைகள் குறையும். செல்வமும் செல்வாக்கும் அதிகரிக்கும்.

கன்னி
ராசிக்கு இரண்டாவது வீட்டில் குடும்ப ஸ்தானத்தில் சந்திரன் சஞ்சாரம் செய்கிறார். பணவருமானம் அதிகரிக்கும். நீண்ட காலம் நிலுவையில் உள்ள பணம் இன்று பாக்கிகள் மிச்சமின்றி வசூலாகும். கடின உழைப்புக்கு ஏற்ப ஊதியம் கிடைக்கும். யாரிடமும் உங்களின் அந்தரங்க தகவலை வெளியில் விட வேண்டாம். குடும்பத்தில் உள்ளவர்களுடன் அனுசரித்து செல்ல வேண்டும். தொழில் சார்ந்த முயற்சிகளால் தனலாபம் உண்டாகும். எதிர்பார்த்த உதவிகளால் சேமிப்பு அதிகரிக்கும்.

துலாம்
ராசிக்குள் சந்திரன் சஞ்சாரம் உள்ளதால் மனக்குழப்பம் ஏற்படும். அலுவலக ரீதியான பயணம் உங்களுக்கு வெற்றியை தரும். அலுவலகத்தில் செய்யும் வேலைகளில் வெற்றி கிடைக்கும். பணம் கொடுக்கல் வாங்கல் சிறப்பாக இருக்கும். உடல் நலமும், மனநலமும் உற்சாகமாக இருக்கும். குடும்பத்தில் உறவினர்கள் வருகையால் உற்சாகம் அதிகரிக்கும்.

விருச்சிகம்
ராசிக்கு 12வது வீட்டில் விரைய ஸ்தானத்தில் சந்திரன் சஞ்சரிக்கிறார். இறைபணிக்காக நன்கொடைகள் அதிகம் கொடுப்பீர்கள். வெளியூர் பயணங்களால் நல்ல செய்தி தேடி வரும். செய்யும் வேலைகளில் இருந்து வந்த சிக்கல்கள் நீங்கும். தொழிலில் வருமானம் மேம்படும். உடல் நலம் உற்சாகத்தை தரும். ராசிக்குள் கேது சஞ்சரிப்பதால் இன்றைக்கு மனக்குழப்பம் உண்டாகும்.

தனுசு
ராசிக்கு 11வது வீட்டில் லாப ஸ்தானத்தில் சந்திரன் சஞ்சரிக்கிறார். செய்யும் தொழிலில் லாபம் அதிகரிக்கும். உடல் ஆரோக்கியத்தில் இருந்த பிரச்சினைகள் குறையும். சொத்துக்கள் சேர்க்கை அதிகரிக்கும். நட்பு வட்டம் அதிகரிக்கும். புதுவிதமான புத்துணர்ச்சியுடன் செயல்படுவீர்கள். பெரியோர்களின் ஆசிகள் கிடைக்கும். உங்கள் திருமண வாழ்க்கையை தேடி மகிழ்ச்சியான செய்திகள் வந்து சேரும்.

மகரம்
ராசிக்கு பத்தாவது வீட்டில் சந்திரன் சஞ்சாரம் உள்ளது. பத்தில் சந்திரன் பதவியைத் தேடித் தருவார், வேலை செய்யும் இடத்தில் உற்சாகமாக இருப்பீர்கள். கணவன், மனைவிக்கிடையே நெருக்கம் அதிகரிக்கும். அரசு சம்பந்தமான பணிகளில் இருந்த இழுபறிகள் நீங்கும். சக ஊழியர்களிடம் பேசும்போது நிதானத்தோடு பேசுங்கள். பொறுப்புகளை யாரை நம்பியும் ஒப்படைக்க வேண்டாம்.

கும்பம்
ராசிக்கு ஒன்பதாவது வீட்டில் சந்திரன் சஞ்சாரம் உள்ளதால் உடல் நலம் உற்சாகத்தை ஏற்படுத்தும். வேலை செய்யும் இடத்தில் கலகலப்பாக இருப்பீர்கள். பணிச்சூழல் இனிமையானதாக அமையும். வேலை தொடர்பாக முக்கிய முடிவுகளை எடுப்பீர்கள். நண்பர்களின் மூலம் சுபச் செய்திகள் கிடைக்கும். நோய்கள் நீங்கி உடல் ஆரோக்கியம் அதிகரிக்கும்.

மீனம்
ராசிக்கு எட்டாவது வீட்டில் சந்திரன் சஞ்சாரம் உள்ளது சந்திராஷ்டமம் இருப்பதால் வீண் வம்பு வழக்குகளில் ஈடுபடவேண்டாம். உயர் அதிகாரிகளிடம் நிதானமாக செயல்படவும். பணம் கொடுக்கல் வாங்கலில் கவனம் தேவை. இன்றைக்கு கொடுத்த பணம் திரும்பும் என்பது நிச்சயமில்லை. செய்யும் வேலைகளில் கவனமாக இருக்க வேண்டும். வெளியூர் வேலை விசயங்களில் சிந்தித்து முடிவு எடுக்கவும்.