Today’s Rasi Palan :இன்றைய ராசி பலன் புதன்கிழமை அக்டோபர் 27, 2021

Today’s Rasi Palan :இன்றைய ராசி பலன் புதன்கிழமை அக்டோபர் 27, 2021

சென்னை: பிலவ வருடம் ஐப்பசி 10 ஆம் தேதி அக்டோபர் 27,2021 புதன்கிழமை. சஷ்டி திதி காலை 10.50 மணி வரை அதன் பின் சப்தமி திதி. திருவாதிரை காலை 07.08 மணிவரை அதன் பின் புனர்பூசம். சந்திரன் இன்று மிதுன ராசியில் பயணம் செய்கிறார் விருச்சிக ராசிக்காரர்களுக்கு சந்திராஷ்டமம் உள்ளது. புதன்பகவானின் ஆசி நிறைந்த இன்றைய தினம் மேஷம் முதல் மீனம் வரை 12 ராசிக்காரர்களுக்கும் பலன்கள் எப்படி இருக்கும் என்று பார்க்கலாம்.

மேஷம்
சந்திரன் சஞ்சாரம் சாதகமாக உள்ளதால் இன்று நீங்கள் தொட்ட காரியம் அனைத்தும் வெற்றியில் முடியும். புதிய தொழில் தொடங்கும் முயற்சிகளில் இருந்த தடைகள் விலகும். உத்தியோகத்தில் உடனிருப்பவர்களால் அனுகூலப்பலன் கிட்டும். குடும்பத்தில் ஒற்றுமை சிறப்பாக இருக்கும். எதிர்பார்த்த உதவிகள் எளிதில் கிடைக்கும். உடல் ஆரோக்கியம் நன்றாக இருக்கும். பெரியவர்களின் ஆசியால் நன்மைகள் உண்டாகும்.

ரிஷபம்
சந்திரன் சஞ்சாரத்தினால் குடும்பத்தில் குதூகலம் உண்டாகும். இன்று உங்களுக்கு அக்கம் பக்கத்தினரின் உதவி கிடைக்கும். குடும்பத்தில் நிம்மதியும் சந்தோஷமும் உண்டாகும். வேலை செய்யும் இடத்தில் விட்டு கொடுத்து நடந்து கொண்டால் மன அமைதி உண்டாகும். வியாபாரத்தில் பணம் கொடுக்கல் வாங்கல் லாபகரமாக இருக்கும்.

மிதுனம்
சந்திரன் சஞ்சாரம் சாதகமாக உள்ளது உங்கள் வீட்டில் இருந்த பிரச்சினைகள் முடிவுக்கு வரும். உடல் ஆரோக்கியம் நன்றாக இருக்கும். உங்களுக்கு வியாபார ரீதியாக பெரிய மனிதர்களின் அறிமுகம் கிடைக்கும். எதிலும் சுறுசுறுப்பாக செயல்படுவீர்கள். சேமிப்பு உயரும். உறவினர்களுடன் இருந்த கருத்து வேறுபாடுகள் நீங்கும். திருமண சுப காரிய முயற்சிகளில் இருந்த தடைகள் விலகும். புதிய பொருட்கள் வாங்கும் வாய்ப்பு ஏற்படும்

கடகம்
சந்திரன் இன்று உங்களள் ராசிக்கு விரைய ஸ்தானத்தில் பயணம் செய்வதால் மன நிம்மதியும் சந்தோஷமும் அதிகரிக்கும். தொழிலில் மந்த நிலை நீங்கும். வெளியூர் பயணங்களால் அலைச்சல் அதிகரித்தாலும் அனுகூலமான பலன்கள் கிடைக்கும். பெரிய மனிதர்களின் ஆதரவும் ஒத்துழைப்பும் கிட்டும். லாபம் இரட்டிப்பாக கிடைத்தாலும் இன்று உறவினர்கள் வருகையால் செலவுகள் அதிகமாகலாம்.

சிம்மம்
சந்திரன் லாப ஸ்தானத்தில் பயணம் செய்வதால் இன்று உங்களுக்கு உடல்நிலையில் நல்ல முன்னேற்றம் உண்டாகும். பிள்ளைகளால் சுப செலவுகள் ஏற்படும். கணவன் மனைவியிடையே இருந்த கருத்து வேறுபாடுகள் மறையும். வியாபார ரீதியாக எடுக்கும் முயற்சிகளுக்கு வெற்றிகள் கிடைக்கும். உறவினர்கள் உதவியாக இருப்பார்கள். வேலையில் பணி சுமை குறையும். உடல் ஆரோக்கியம் நன்றாக இருக்கும். மன நிம்மதியும் சந்தோஷமும் ஏற்படும்.

கன்னி
தொழில் ஸ்தானமான பத்தாம் வீட்டில் சந்திரன் பயணம் செய்கிறார். சிலருக்கு வேலை விஷயமாக வெளியூர் செல்லும் வாய்ப்புகள் அமையும். தொழில் சம்பந்தமான புதிய திட்டங்கள் வெற்றியை ஏற்படுத்தும். பூர்வீக சொத்துக்கள் மூலம் லாபம் கிடைக்கும். உற்றார் உறவினர்களுடன் ஏற்பட்டிருந்த பிரச்சினை நீங்கும். அக்கம் பக்கத்தினருடன் நட்பு பலப்படும். இன்று குடும்பத்தில் பிள்ளைகளால் சுபசெலவுகள் ஏற்படும்.

துலாம்
சந்திரன் பாக்ய ஸ்தானமான ஒன்பதாம் வீட்டில் பயணம் செய்கிறார். இன்று உங்களது பலமும் வலிமையும் கூடும். கடினமான காரியத்தையும் எளிதில் செய்து முடிப்பீர்கள். வேலையில் உங்கள் திறமைக்கேற்ற பலன் கிட்டும். குடும்பத்தில் அமைதி நிலவும். பிள்ளைகளின் படிப்பில் முன்னேற்றம் இருக்கும். புதிய பொருட் சேர்க்கை உண்டாகும். வருமானம் அதிகரிக்கும் சேமிப்பு உயரும்.

விருச்சிகம்
சந்திரன் எட்டாம் வீட்டில் பயணம் செய்கிறார். இன்று உங்கள் உழைப்பிற்கேற்ற பலன் கிடைப்பதில் காலதாமதமாகும். உங்கள் ராசிக்கு சந்திராஷ்டமம் இருப்பதால் எதிலும் கவனம் தேவை. வெளியில் வாகனங்களில் செல்லும் பொழுது எச்சரிக்கையுடன் செல்ல வேண்டும். உணவு விசயத்தில் கவனம் தேவை. உடல் ஆரோக்கியத்தில் சிறு பாதிப்புகள் ஏற்படும். அலுவலகத்திலும் குடும்பத்திலும் வீண் வாக்குவாதங்களைத் தவிர்க்கவும்.

தனுசு
சந்திரன் உங்கள் ராசிக்கு ஏழாம் வீட்டில் பயணம் செய்கிறார். இன்று உங்களுக்கு பிள்ளைகளால் மதிப்பும் மரியாதையும் கூடும். தொழில் வளர்ச்சிக்கு அரசு வழியில் எதிர்பார்த்த உதவிகள் கிடைக்கும் வாய்ப்பு உருவாகும். உடன் பிறந்தவர்கள் சாதகமாக இருப்பார்கள். அலுவலகத்தில் நீங்கள் எதிர்பார்த்த இடமாற்றம் கிடைக்கும். வராத பழைய கடன் பாக்கிகள் வசூலாகும்.

மகரம்
சந்திரன் உங்கள் ராசிக்கு ஆறாம் வீட்டில் பயணம் செய்கிறார். இன்று குடும்பத்தில் சந்தோஷமான சூழ்நிலை உருவாகும். பிள்ளைகள் பொறுப்புடன் நடந்து கொள்வார்கள். நண்பர்களின் உதவியால் வியாபாரத்தில் இருந்த பிரச்சினைகள் நீங்கும். வேலையில் உங்கள் திறமைகேற்ப புதிய வாய்ப்புகள் கிடைக்கும். தடைப்பட்ட சுபகாரியங்கள் கைகூடி வரும்

கும்பம்
சந்திரன் உங்கள் ராசிக்கு ஐந்தாம் வீட்டில் பயணம் செய்கிறார். இன்று குடும்பத்தில் உறவினர் வருகையால் வீண் பிரச்சினைகள் உண்டாகலாம். வேலையில் எதிர்பார்த்த இடமாற்றம் கிடைப்பதில் காலதாமதம் ஏற்படும். நண்பர்களின் உதவியால் வியாபாரத்தில் எதிர்பார்த்த லாபம் கிடைக்கும். பூர்வீக சொத்துக்களால் லாபம் அதிகரிக்கும்.

மீனம்
சந்திரன் உங்கள் ராசிக்கு நான்காம் வீட்டில் பயணம் செய்கிறார். இன்று வேலையில் இருப்பவர்களுக்கு எதிர்பாராத பிரச்சினைகள் ஏற்படலாம். பொறுப்புகளை பிறரை நம்பி ஒப்படைக்க வேண்டாம். தேவையற்ற அலைச்சல் விரயங்கள் உண்டாகும். சிலருக்கு ஆடம்பர பொருட்கள் வாங்கும் யோகம் உண்டாகும். சுபகாரிய முயற்சிகளில் வெற்றிகள் உண்டாகும்.