Today’s Rasi Palan : இன்றைய ராசி பலன் வெள்ளிக்கிழமை அக்டோபர் 22 , 2021

Today’s Rasi Palan : இன்றைய ராசி பலன் வெள்ளிக்கிழமை அக்டோபர் 22 , 2021

சென்னை: பிலவ வருடம் ஐப்பசி 5 ஆம் தேதி அக்டோபர் 22,2021 வெள்ளிக்கிழமை. துவிதியைத் திதி இரவு 12.30 மணி வரை அதன் பின் திருதியைத்திதி. பரணி மாலை 06.55 மணிவரை அதன் பின் கார்த்திகை நட்சத்திரம். சந்திரன் இன்று மேஷ ராசியில் பயணம் செய்கிறார். கன்னி ராசிக்காரர்களுக்கு சந்திராஷ்டமம் உள்ளதால் கவனமும் நிதானமும் தேவை. சுக்கிரன் ஆசிகள் நிறைந்த வெள்ளிக்கிழமையான இன்றைய தினம் எந்த ராசிக்காரர்களுக்கு பலன் கிடைக்கும் பரிகாரம் என்ன செய்வது என்று பார்க்கலாம்.

மேஷம்
சந்திரன் இன்றைய தினம் உங்கள் ராசிக்குள் பயணம் செய்கிறார். நினைத்த காரியம் நிறைவேறும். வேலை செய்யும் இடத்தில் திறமைகள் மேலதிகாரிகளால் பாராட்டப்படும். உறவினர்கள் வருகையால் குடும்பத்தில் மகிழ்ச்சி அதிகரிக்கும். திருமண சுப காரிய பேச்சுவார்த்தைகள் நல்ல முடிவுக்கு வரும். பழைய கடன் பாக்கிகள் வசூலாகும். ராசிக்கு செவ்வாய் சூரியன் பார்வை கிடைப்பதால் நோய்கள் நீங்கி உடலில் சுறுசுறுப்பு அதிகரிக்கும். கணவன் மனைவி இடையே நெருக்கம் கூடும்.

ரிஷபம்
சந்திரன் உங்கள் ராசிக்கு விரைய ஸ்தானத்தில் பயணம் செய்கிறார். வருமானம் அதிகரிக்கும் கூடவே செலவுகளும் வரும். இன்று உடல் ஆரோக்கியத்தில் சிறு பாதிப்புகள் ஏற்படலாம். வேலை விஷயமாக வீண் அலைச்சல்கள் உண்டாகும். பணவரவு தாரளமாக இருந்தாலும் அதற்கேற்ப செலவுகளும் அதிகமாகும். பூர்வீக சொத்துக்கள் விற்பனை மூலம் லாபம் அதிகரிக்கும். பெற்றோரின் அன்பும் ஆதரவும் கிடைக்கும்.

மிதுனம்
சந்திரன் இன்றைய தினம் உங்கள் ராசிக்கு லாப ஸ்தானத்தில் பயணம் செய்கிறார். தொழில் வியாபாரத்தில் லாபம் அதிகரிக்கும். இன்று குடும்பத்தில் பொருளாதார நிலை நன்றாக இருக்கும். புதிய முயற்சிகளில் முன்னேற்றம் ஏற்படும். வேலை தொடர்பாக வெளியூர் பயணம் செல்வீர்கள். வியாபாரத்தில் கூட்டாளிகளால் லாபம் அதிகரிக்கும். உடல் ஆரோக்கியம் சிறப்பாக இருக்கும். கடன் பிரச்சினை தீரும்.

கடகம்
சந்திரன் இன்றைய தினம் உங்கள் ராசிக்கு பத்தாம் வீடான தொழில் ஸ்தானத்தில் பயணம் செய்கிறார். இன்று உங்களுக்கு பணவரவு சிறப்பாக இருக்கும். உறவினர்கள் முலம் எதிர்பார்த்த காரியங்கள் தடையின்றி நிறைவேறும். உடல் ஆரோக்கியம் சீராகும். செலவுகள் கட்டுக்குள் இருப்பதால் தேவைகள் அனைத்தும் பூர்த்தியாகும். நண்பர்களால் அனுகூலம் கிட்டும். உத்தியோகத்தில் வேலைபளு குறையும். உயரதிகாரிகளின் ஆதரவு கிடைக்கும்.

சிம்மம்
சந்திரன் இன்று ஒன்பதாம் வீடான பாக்ய ஸ்தானத்தில் பயணம் செய்கிறார். அப்பாவின் உடல் ஆரோக்கியத்தில் அக்கறை காட்டவும். இன்று குடும்பத்தில் நிம்மதியும் சந்தோஷமும் ஏற்படும். உத்தியோகத்தில் தேவையற்ற பிரச்சினைகள் ஏற்படலாம். உடனிருப்பவர்களை அனுசரித்து செல்வது நல்லது. பிள்ளைகளின் விருப்பங்கள் நிறைவேறும். வியாபாரத்தில் கொடுக்கல் வாங்கல் திருப்திகரமாக இருக்கும். வருமானம் அதிகரிக்கும் வங்கி சேமிப்பு உயரும்.

கன்னி
சந்திரன் இன்று எட்டாம் வீட்டில் பயணம் செய்கிறார். உங்கள் ராசிக்கு சந்திராஷ்டமம் இருப்பதால் எந்த செயலிலும் தடை தாமதம் ஏற்படும். அறிமுகம் இல்லாத நபர்களிடம் வீண் வாக்கு வாதங்களை தவிர்ப்பது உத்தமம். தொழில் ரீதியான புதிய முயற்சிகளில் கவனம் தேவை. இன்று நீங்கள் சோர்வுடனும் மன உளைச்சலுடனும் காணப்படுவீர்கள். வியாபாரத்தில் பெரிய அளவில் முதலீடுகள் செய்வதைத் தவிர்க்கவும்.

துலாம்
சந்திரன் இன்று ஏழாம் வீட்டில் பயணம் செய்கிறார். இன்று நீங்கள் எந்த காரியத்தையும் சிறப்புடன் செய்து முடிப்பீர்கள். உறவினர்கள் மூலம் சுபசெய்திகள் வீடுதேடி வரும். நண்பர்கள் வழியாக எதிர்பார்த்த உதவி எளிதில் கிடைக்கும். வியாபார வளர்ச்சிக்காக எடுக்கும் முயற்சிகள் நல்ல பலனைத் தரும். உத்தியோகத்தில் புதிய நபரின் அறிமுகம் கிடைக்கும். சந்திரன் பார்வை உங்கள் ராசிக்கு கிடைப்பதால் உடலில் சுறுசுறுப்பு அதிகரிக்கும். இன்று மகிழ்ச்சியான நாள்.

விருச்சிகம்
சந்திரன் இன்று உங்கள் ராசிக்கு ஆறாம் வீட்டில் பயணம் செய்கிறார். இன்று உங்களுக்கு பணப்புழக்கம் தாராளமாக இருக்கும். வேலை செய்யும் இடத்தில் எதிர்பார்த்த இடத்திற்கு இடமாற்றம் கிடைக்கும். குடும்பத்தில் உள்ளவர்களிடம் இருந்த கருத்து வேறுபாடுகள் நீங்கும். தொழிலில் சிறுசிறு மாறுதல்களை செய்தால் நல்ல லாபத்தை அடைய முடியும். நண்பர்கள் மூலம் உதவிகள் கிடைக்கும். கடன் பிரச்சினை நீங்கும்.

தனுசு
சந்திரன் இன்று உங்கள் ராசிக்கு பூர்வ புண்ணிய ஸ்தானத்தில் பயணம் செய்கிறார். இன்று உங்களுக்கு திடீர் செலவுகள் உண்டாகும். உடன்பிறப்புக்கள் மூலம் மனநிம்மதியும் சந்தோஷமும் ஏற்படும். வீட்டிற்குத் தேவையான ஆடம்பர பொருள் வாங்குவதில் கவனம் தேவை. பிள்ளைகளால் பெருமை அதிகரிக்கும். வேலை செய்யும் இ சிலருக்கு தகுதிக்கேற்ற பதவி உயர்வு கிடைக்கும். தொழில் வியாபாரத்தில் லாபம் பெருகும்.

மகரம்
சந்திரன் இன்று உங்கள் ராசிக்கு நான்காம் வீட்டில் பயணம் செய்கிறார். இன்று தொழில் சம்பந்தமான வெளியூர் பயணங்களால் அலைச்சல் உண்டாகும். சுப முயற்சிகளில் இடையூறுகள் ஏற்படலாம். குடும்பத்தினர் உங்களுக்கு ஆதரவாக இருப்பார்கள். தேவையற்ற செலவுகளால் கடன் வாங்க நேரிடும். உத்தியோகஸ்தர்கள் பணிகளில் கவனமுடன் செயல்படுவது நல்லது.

கும்பம்
சந்திரன் இன்று உங்கள் ராசிக்கு மூன்றாம் வீட்டில் பயணம் செய்கிறார். நீங்கள் செய்யும் முயற்சிகளில் வெற்றி கிடைக்கும். இன்று குடும்பத்தில் மகிழ்ச்சியான சூழ்நிலை உருவாகும். உடல் ஆரோக்கியம் சிறப்பாக இருக்கும். பிள்ளைகள் அனுகூலமாக இருப்பார்கள். உடன்பிறந்தவர்கள் மூலம் அனுகூலம் கிட்டும். தொழில் வியாபாரத்தில் எதிர்பார்த்ததை விட லாபம் அதிகரிக்கும். நிதி நெருக்கடிகள் நீங்கும். பொருளாதார தேவைகள் பூர்த்தியாகும்.

மீனம்
சந்திரன் இன்று உங்கள் ராசிக்கு இரண்டாம் வீட்டில் பயணம் செய்கிறார். உத்தியோக ரீதியான வெளியூர் பயணங்களால் அனுகூலப்பலன் கிட்டும். வியாபாரத்தில் இருந்த பிரச்சினைகள் ஓரளவு குறையும். இன்று குடும்பத்தில் பிள்ளைகளால் வீண் செலவுகள் உண்டாகும். நீங்கள் எதிர்பார்த்த உதவிகள் கிடைப்பதில் தாமதம் உண்டாகும். ஆரோக்கியத்தில் கவனம் தேவை.