Today’s Rasi Palan : இன்றைய ராசி பலன் வியாழக்கிழமை செப்டம்பர் 09, 2021

Today’s Rasi Palan : இன்றைய ராசி பலன் வியாழக்கிழமை செப்டம்பர் 09, 2021

சென்னை: பிலவ வருடம் ஆவணி 24 ஆம் தேதி செப்டம்பர் 09,2021 வியாழக்கிழமை. திருதியை நள்ளிரவு 12.18 மணிவரை அதன் பின் சதுர்த்தி திதி. ஹஸ்தம் பகல் 02.30 மணி வரை அதன் பின் சித்திரை. சந்திரன் இன்றைய தினம் கன்னி ராசியில் பயணம் செய்கிறார். கும்ப ராசிக்காரர்களுக்கு சந்திராஷ்டமம் நீடிப்பதால் கவனம் தேவை. மேஷம் முதல் மீனம் வரை 12 ராசிக்காரர்களுக்கும் பலன்கள் பரிகாரங்களைப் பார்க்கலாம்

மேஷம் சந்திரன் இன்று உங்கள் ராசிக்கு ஆறாவது வீட்டில் பயணம் செய்கிறார். இன்று குடும்பத்தில் சுப செய்திகள் தேடி வரும் மனமகிழ்ச்சி கூடும். பெற்றோருடன் இருந்த கருத்து பிரச்சினைகள் நீங்கும். சகோதரர்களின் உதவி தேடி வரும். கணவன் மனைவி இடையேயான பிரச்சினைகள் நீங்கி நெருக்கம் அதிகரிக்கும். வியாபாரம் தொழில் தொடர்பான பேச்சுவார்த்தைகளில் நல்ல முன்னேற்றம் ஏற்படும். அலுவலகத்தில் உயரதிகாரிகளின் உதவி கிடைக்கும். வேலை செய்யும் இடத்தில் இடத்தில் இருந்த பிரச்சினைகள் நீங்கும். மன மகிழ்ச்சி அதிகரிக்கும் நாள்.

ரிஷபம் சந்திரன் உங்கள் ராசிக்கு ஐந்தாம் வீட்டில் பயணம் செய்கிறார். மனதில் நிம்மதியும் சந்தோஷமும் அதிகரிக்கும். பிள்ளைகளின் ஆரோக்கியத்திற்காக சிறு தொகையை செலவிட நேரிடும். இன்று உறவினர் வருகையால் மகிழ்ச்சி கூடினாலும் வீண் செலவுகளும் அதிகரிக்கும். வியாபாரத்தில் வேலையாட்கள் உங்கள் குணமறிந்து நடந்து கொள்வார்கள். வேலை செய்யும் இடத்தில் உடன் பணிபுரிபவர்களின் ஒத்துழைப்பு கிடைக்கும். வருமானம் அதிகரிக்கும்.

மிதுனம் சந்திரன் நான்காம் வீட்டில் பயணம் செய்கிறார். இன்று குடும்பத்தில் மருத்துவ செலவுகள் ஏற்படலாம். வாகனங்களில் செல்லும் போது கவனமாக செல்வது நல்லது. பெரியோர்களின் மன கஷ்டத்திற்கு ஆளாவீர்கள். சிக்கனமாக செயல்படுவதன் மூலம் கடன் பிரச்சினைகள் ஓரளவு குறையும். பிள்ளைகள் பொறுப்பறிந்து செயல்படுவார்கள். அம்மாவின் உடல் ஆரோக்கியத்தில் கவனம் தேவை

கடகம் சந்திரன் மூன்றாம் வீட்டில் பயணம் செய்கிறார். இன்று உங்களுக்கு உடல் ஆரோக்கியம் நன்றாக இருக்கும். பிள்ளைகளால் மனமகிழ்ச்சி தரும் செய்திகள் வந்து சேரும். விலை உயர்ந்த பொருட்கள் வாங்குவதில் ஆர்வம் காட்டுவீர்கள். தொழில் வியாபாரத்தில் நல்ல முன்னேற்றம் ஏற்படும். வங்கி சேமிப்பு உயரும்.

சிம்மம்
சந்திரன் இரண்டாம் வீட்டில் பயணம் செய்கிறார். குடும்ப ஸ்தானம் வலுவடைந்துள்ளது. இன்று பொருளாதார நெருக்கடியால் ஏற்பட்ட பிரச்சினைகள் முடிவுக்கு வரும். குடும்பத்தில் பணப்பிரச்சினைகள் நீங்கும். உடல்நிலையில் ஏற்பட்டிருந்த பாதிப்புகள் முடிவுக்கு வரும். பணம் கொடுக்கல் வாங்கல் விஷயத்தில் கவனம் தேவை. உறவினர்களின் உதவி தேடி வரும். வெளியூர் பயணங்களால் தொழிலில் முன்னேற்றம் ஏற்படும்.

கன்னி
சந்திரன் உங்கள் ராசிக்குள் செவ்வாய், புதனுடன் இணைந்து பயணம் செய்கிறார். உங்கள் ராசி வலுவடைந்துள்ளது. சந்திர மங்கல யோகம் அற்புதமாக கை கூடி வந்துள்ளது. இன்று குடும்பத்தில் சந்தோஷ சம்பவங்கள் நடைபெறும். சுபசெலவுகள் ஏற்படும். உங்களின் புதிய முயற்சிகளுக்கு உடன்பிறந்தவர்களின் ஒத்துழைப்பு கிடைக்கும். பிள்ளைகள் விரும்பியதை வாங்கி மகிழ்வார்கள். எதிர்பார்த்த இடத்திலிருந்து பண உதவிகள் தேடி வரும். தொழில் வியாபாரத்தில் கொடுக்கல் வாங்கல் திருப்திகரமாக இருக்கும். மனதில் நிம்மதியும் சந்தோஷமும் அதிகரிக்கும்.

துலாம்
சந்திரன் உங்கள் ராசிக்கு விரைய ஸ்தானத்தில் செவ்வாய் புதனுடன் இணைந்து பயணம் செய்கிறார். சந்திர மங்கல யோகம், விபரீத ராஜயோகம் கூடி வந்துள்ளது. திடீர் பண வரவு வரும். இன்று உங்களுக்கு எதிர்பாராத செலவுகள் ஏற்படலாம். உடனிருப்பவர்களுடன் மனஸ்தாபங்கள் தோன்றும். எடுத்த காரியம் வெற்றி பெற பொறுப்புடன் செயல்படுவது நல்லது. சிலருக்கு பூர்வீக சொத்துகளை விற்பதில் அலைச்சல்கள் இருந்தாலும் அனுகூலமான பலன்கள் கிடைக்கும்.

விருச்சிகம்
சந்திரன் உங்கள் ராசிக்கு லாப ஸ்தானத்தில் பயணம் செய்கிறார். சந்திரனுடன் செவ்வாய், புதன் இணைந்துள்ளதால் இன்று நீங்கள் எந்த செயலையும் சிறப்பாக செய்து முடிப்பீர்கள். உறவினர்கள் வழியில் எதிர்பார்த்த உதவிகள் தேடி வரும். சுபகாரிய முயற்சிகளில் முன்னேற்றமும் வெற்றியும் உண்டாகும். பிள்ளைகளால் பெருமை சேரும். பழைய கடன்கள் வசூலாகும். பண வரவு அதிகரிக்கும். வெளியூர் பயணங்கள் வெற்றிகரமாக முடியும்.

தனுசு
சந்திரன் உங்கள் ராசிக்கு பத்தாம் வீடான தொழில் ஸ்தானத்தில் செவ்வாய், புதனுடன் இணைந்து பயணம் செய்கிறார். வேலை செய்யும் இடத்தில் மதிப்பு மரியாதை கூடும். திடீர் புரமோசன் வரும். இன்று வீட்டில் ஒற்றுமையும் அமைதியும் அதிகரிக்கும். சுபகாரிய முயற்சிகளில் இருந்த இடையூறுகள் நீங்கும். வியாபாரத்தில் சிறுசிறு மாறுதல்கள் செய்வதன் மூலம் எதிர்பார்த்த லாபத்தை அடைய முடியும். பூர்வீக சொத்துக்களால் அனுகூலப்பலன் கிட்டும். வீட்டிற்குத் தேவையான ஆடம்பர பொருட்கள் வாங்குவீர்கள்.

மகரம் சந்திரன் உங்கள் ராசிக்கு ஒன்பதாம் வீடான பாக்ய ஸ்தானத்தில் பயணம் செய்கிறார். இன்று உறவினர்கள் வருகையால் மகிழ்ச்சி அதிகரிக்கும். அக்கம் பக்கத்தினருடன் கவனமுடன் பழகுவது நல்லது. பிள்ளைகளால் சந்தோஷம் அதிகரிக்கும். வீண் செலவுகள் ஏற்படும். புதிய முயற்சிகளில் சிந்தித்து செயல்பட்டால் சாதகமான பலனை அடையலாம். தொழில் வியாபாரத்தில் கூட்டாளிகளால் அனுகூலம் உண்டாகும்.

கும்பம்
சந்திரன் உங்கள் ராசிக்கு எட்டாம் வீட்டில் செவ்வாயுடன் இணைந்து பயணம் செய்கிறார். இன்று உங்கள் ராசிக்கு சந்திராஷ்டமம் இருப்பதால் பயணங்களில் கவனம் தேவை. வேலை செய்யும் இடத்தில் மன உளைச்சல் அதிகமாகும். செயல்களில் தடைகள் காலதாமதம் ஏற்படும். புதிய முயற்சிகள் எதுவும் செய்யாமல் இருப்பது நல்லது. குடும்பத்தினரிடம் வீண் வாக்குவாதங்களை தவிர்க்கவும். இரவு நேர பயணங்களில் கவனம் தேவை.

மீனம்
சந்திரன் உங்கள் ராசிக்கு ஏழாம் வீட்டில் பயணம் செய்கிறார். இன்று உங்களுக்கு பணவரவு நன்றாக இருக்கும். பண வரவு அதிகரிக்கும் குடும்பத்தில் செலவுகளும் அதிகரிக்கும். பிள்ளைகள் படிப்பில் அதிக ஆர்வம் காட்டுவார்கள். மனைவி வழி உறவினர்களால் உதவிகள் கிட்டும். வியாபார ரீதியான பிரச்சினைகள் குறையும். புதிய பொருட்கள் வீடு வந்து சேரும். தம்பதியர் இடையே நெருக்கம் கூடும். திருமணம் சுப காரியம் தொடர்பாக பேச நல்ல நாள். நல்ல செய்திகள் தேடி வரும்.