திருப்புவனத்தில் அரசு பேருந்தின் முன் சக்கரம் கழன்று ஓடியது. சிசிடிவி காட்சி

திருப்புவனத்தில் அரசு பேருந்தின் முன் சக்கரம் கழன்று ஓடியது.
சிசிடிவி காட்சி பதிவு. பொதுமக்களும்
பயணிகளும் அதிர்ச்சி.

சிவகங்கை செப்டம்பர் 2

திருப்புவனத்தில் அரசுப் பேருந்தின் முன்சக்கரம் கழன்று ஓடிய சம்பவத்தால் பொதுமக்களும் பயணிகளும் அதிர்ச்சியடைந்தனர்.
சிசிடி கேமராவில் பதிவான காட்சி அச்சத்தை ஏற்படுத்தியுள்ளது.

சிவகங்கை மாவட்டம் திருப்புவனத்தில் மாரநாடு கிராமத்தில் இருந்து மதுரை நோக்கி அரசு நகர்ப் பேருந்து சென்றுகொண்டிருந்தது.
திருப்புவனம் சந்தைத்திடல் அருகே வந்த பொழுது பேருந்தில் இடதுபுற முன்பக்க சக்கரம் பேருந்தில் இருந்து கழன்று சாலையில் உருண்டு ஓடியது.

அதனைக் கண்ட பொதுமக்களும் பயணிகளும் பேரதிர்ச்சி அடைந்தனர்.

கழன்று ஓடிய சக்கரம் சாலை ஓரத்தில் நிறுத்தப்பட்டிருந்த இருசக்கர வாகனத்தில் மோதி விழுந்தது. அதனால் அதிர்ஷ்டவசமாக யாருக்கும் எவ்வித பாதிப்பும் ஏற்படவில்லை.

பேருந்து ஓட்டுநரும் சாமர்த்தியமாக சமாளித்து யாருக்கும் எவ்வித பாதிப்பும் இல்லாமல் பேருந்தை நிலைநிறுத்தினார்.
இதனால் இருபெரும் விபத்துக்கள் அதிர்ஷ்டத்தாலும் சாமர்த்தியத்தாலும் தவிர்க்கப்பட்டது.
பொதுமக்களும் பயணிகளும் அச்சத்தால் பேரதிர்ச்சி அடைந்தனர்.
இந்த சம்பவத்தால் அந்த பகுதியில் சிறிது நேரம் பரபரப்பு ஏற்பட்டது.