Today’s Rasi Palan :இன்றைய ராசி பலன் ஞாயிற்றுக்கிழமை ஆகஸ்ட் 16, 2021

ஜோதிடம்
Today’s Rasi Palan :இன்றைய ராசி பலன் ஞாயிற்றுக்கிழமை
ஆகஸ்ட் 16, 2021

சென்னை: பிலவ வருடம் ஆடி 31 ஆம் தேதி ஆகஸ்ட் 16,2021, திங்கட்க்கிழமை. அஷ்டமி காலை 07.46 மணி வரை அதன் பின் நவமி திதி. அனுசம் இரவு 03.02 மணி வரை அதன் பின் கேட்டை. சந்திரன் இன்றைய தினம் விருச்சிக ராசியில் பயணம் செய்கிறார். மேஷ ராசிக்காரர்களுக்கு சந்திராஷ்டமம் உள்ளதால் கவனமும் நிதானமும் தேவை. திங்கட்க்கிழமையான இன்றைய தினம் மேஷம் முதல் மீனம் வரை 12 ராசிக்காரர்களுக்கும் பலன்கள் பரிகாரங்களைப் பார்க்கலாம்.

மேஷம்
சந்திரன் இன்றைய தினம் உங்கள் ராசிக்கு எட்டாம் வீட்டில் பயணம் செய்கிறார். இன்று உங்கள் ராசிக்கு சந்திராஷ்டமம் இருப்பதால் மனக்குழப்பம் ஏற்படும். வாகனங்களில் செல்லும் பொழுது நிதானம் தேவை. சுபகாரியங்களை தவிர்க்கவும். குடும்பத்தில் தேவையில்லாத பிரச்சினைகள் தோன்றும். தொழில் சம்பந்தமான புதிய முயற்சிகள் எதிலும் ஈடுபடாமல் இருப்பது நல்லது. வியாபாரத்தில் பண முதலீடுகள் செய்வதைத் தவிர்க்கவும்.

ரிஷபம்
சந்திரன் இன்றைய தினம் உங்கள் ராசிக்கு ஏழாம் வீட்டில் பயணம் செய்கிறார். சந்திரனின் பார்வை உங்கள் ராசிக்கு கிடைக்கிறது. இன்று எந்த செயலையும் முழு ஈடுபாட்டுடன் செய்து முடிப்பீர்கள். உறவினர்கள் உங்களின் முயற்சிகளுக்கு உறுதுணையாக இருப்பார்கள். உடன் பிறந்தவர்களிடம் இருந்த கருத்து வேறுபாடுகள் நீங்கும். கணவன் மனைவி இடையே நெருக்கம் அதிகரிக்கும். வீட்டிற்குத் தேவையான புதிய பொருட்கள் வாங்குவீர்கள்.

மிதுனம்
சந்திரன் உங்கள் ராசிக்கு ஆறாம் வீட்டில் பயணம் செய்கிறார். இன்று குடும்பத்தில் மகிழ்ச்சியும் சந்தோஷமும் உண்டாகும். பெரியவர்களுடன் நட்பு பலப்படும். உடல் ஆரோக்கிய பாதிப்புகள் நீங்கும். பொறுப்புடன் செயல்படுவதன் மூலம் வியாபாரத்தில் இழப்புகளை தவிர்க்கலாம். நண்பர்களின் ஒத்துழைப்பும் உதவியும் கிடைக்கும்.

கடகம்
சந்திரன் உங்கள் ராசிக்கு ஐந்தாம் வீட்டில் பயணம் செய்கிறார். இன்று குடும்பத்தில் பிள்ளைகளால் நிம்மதி ஏற்படும். வரவுக்கு மீறிய செலவுகள் உண்டாகும். அக்கம் பக்கத்தினரை அனுசரித்து செல்வது நல்லது. நண்பர்களின் உதவியால் பொருளாதார நெருக்கடிகள் நீங்கும். பெண்களுக்கு வீட்டில் பணிச்சுமை நீங்கும். வேலையில் இருந்த சிக்கல்கள் முடிவுக்கு வரும். தெளிவான மனநிலையில் இருப்பீர்கள்.

சிம்மம்
சந்திரன் உங்கள் ராசிக்கு நான்காம் வீட்டில் பயணம் செய்கிறார். இன்று வியாபாரத்தில் கூட்டாளிகளின் உதவியால் முன்னேற்றம் ஏற்படும். தொழில் முதலீட்டில் நல்ல லாபம் கிடைக்கும். தொழிலில் இருந்த போட்டி பொறாமைகள் குறையும். எந்த வேலையிலும் சுறுசுறுப்புடன் செயல்படுவீர்கள். குடும்பத்தோடு வெளியூர் பயணம் செல்வீர்கள். சுபகாரியங்கள் கைகூடி வரும்.தொழில் வருமானம் இரட்டிப்பாகும்.

கன்னி
சந்திரன் உங்கள் ராசிக்கு மூன்றாம் வீட்டில் பயணம் செய்கிறார். தெளிவான மனநிலையில் இருப்பீர்கள். புதிய முயற்சிகளுக்கு வெற்றி உண்டாகும். இன்று உடன் பிறந்தவர்களின் உதவி கிடைக்கும். உறவினர்களிடம் ஒற்றுமை அதிகமாகும். வீட்டில் சுப பேச்சுக்கள் நற்பலனை தரும். வியாபாரம் சம்பந்தமான வெளியூர் பயணங்களால் நன்மைகள் ஏற்படும். பெரிய மனிதர்களின் அறிமுகம் கிடைக்கும். திடீர் வருமானம் வரும். பொருளாதார நெருக்கடிகள் நீங்கும் கடன் பிரச்சினைகள் தீரும்.

துலாம்
சந்திரன் உங்கள் ராசிக்கு இரண்டாம் வீட்டில் பயணம் செய்கிறார். தெளிவான மனநிலையில் இருப்பீர்கள்.
இன்று பிள்ளைகளிடம் சிறு மனஸ்தாபங்கள் ஏற்படலாம். வியாபாரத்தில் முன்னேற்றம் கிடைக்கும். தெய்வீக காரியங்களில் ஈடுபாடு அதிகமாகும். குடும்பத்தினரை அனுசரித்து சென்றால் பிரச்சினைகளை தவிர்க்கலாம். ஆடம்பர செலவுகளால் வீண் விரயங்கள் உண்டாகும். செலவில் சிக்கனம் தேவை.

விருச்சிகம்
சந்திரன் இன்றைய தினம் உங்கள் ராசிக்குள் பயணம் செய்கிறார். இன்று உங்களின் உடல் ஆரோக்கியம் சிறப்பாக இருக்கும். பிள்ளைகளால் பெருமை அடைவீர்கள். நண்பர்கள் மூலம் உதவிகள் கிடைக்கும். தெய்வ தரிசனத்திற்காக வெளியூர் பயணம் செல்லும் வாய்ப்பு அமையும். வீட்டு தேவைகள் பூர்த்தியாகும். சுப செய்திகள் தேடி வரும்.

தனுசு
சந்திரன் இன்றைய தினம் உங்கள் ராசிக்கு விரைய ஸ்தானத்தில் பயணம் செய்கிறார். இன்று நீங்கள் செய்யும் செயல்களில் தடை தாமதங்கள் உண்டாகும். நெருங்கியவர்களால் மனசங்கடங்கள் ஏற்படலாம். தொழில் சம்பந்தமாக எடுக்கும் முயற்சிகளுக்கு குடும்பத்தினரின் ஆதரவும் ஒத்துழைப்பும் கிட்டும். எதிர்பாராத உதவிகளால் பண தேவைகள் பூர்த்தியாகும்.

மகரம்
சந்திரன் இன்றைய தினம் லாப ஸ்தானத்தில் பயணம் செய்கிறார். இன்று குடும்பத்தில் மகிழ்ச்சியான நிகழ்ச்சிகள் நடைபெறும். புதிய பொருட்கள் வாங்கி மகிழ்வீர்கள். பிள்ளைகளின் கல்வி விசயமாக பேசி முடிவு செய்வீர்கள். உறவினர்கள் வருகையால் அனுபவமுள்ளவர்களின் அறிவுரையால் வியாபாரத்தில் நல்ல முன்னேற்றம் ஏற்படும்.

கும்பம்
சந்திரன் இன்றைய தினம் உங்கள் ராசிக்கு பத்தாம் வீட்டில் பயணம் செய்கிறார். இன்று பணவரவு நன்றாக இருக்கும். குடும்பத்தில் சந்தோஷம் குறைவில்லாமல் இருக்கும். பிள்ளைகள் கலைத்துறையில் ஆர்வத்துடன் ஈடுபடுவர். வியாபாரத்தின் முன்னேற்றத்திற்காக எடுக்கும் முயற்சிகள் அனைத்தும் வெற்றியை தரும். இதுவரை வராத கடன்கள் வசூலாகும். வங்கி சேமிப்பு உயரும்.

மீனம்
சந்திரன் இன்றைய தினம் உங்கள் ராசிக்கு ஒன்பதாம் வீட்டில் பயணம் செய்கிறார். இன்று குடும்பத்தில் இருந்த பிரச்சினைகள் நீங்கும். உறவினர்களுக்கு மருத்துவ செலவுகள் ஏற்படலாம். உறவினர்கள் மூலம் ஏற்பட்ட பிரச்சினைகள் நீங்கும். கடந்த 2 நாட்களாக ஏற்பட்ட வெளியூர் பயணங்களால் அலைச்சல் அதிகரிக்கும். வியாபாரத்தில் செய்யும் முதலீடுகளால் எதிர்பார்த்த லாபம் கிடைக்கும். நண்பர்களின் உதவியால் வெற்றிகள் தேடி வரும்.