Today’s Rasi Palan :இன்றைய ராசி பலன் புதன்கிழமை ஜூலை 28, 2021

சென்னை: பிலவ வருடம் ஆடி 12 ஆம் தேதி ஜூலை 28,2021

புதன்கிழமை. பஞ்சமி திதி இரவு 02.49 மணி வரை அதன் பின் சஷ்டி திதி. பூரட்டாதி பகல் 10.45 மணி வரை அதன் பின் உத்திரட்டாதி. சந்திரன் இன்றைய தினம் மீன ராசியில் பயணம் செய்கிறார். சிம்ம ராசிக்காரர்களுக்கு சந்திராஷ்டமம் உள்ளதால் கவனமும் நிதானமும் தேவை. மேஷம் முதல் மீனம் வரை 12 ராசிக்காரர்களுக்கும் பலன்கள் பரிகாரங்களைப் பார்க்கலாம்.

மேஷம் சந்திரன் உங்கள் ராசிக்கு விரைய ஸ்தானத்தில் பயணம் செய்கிறார். இன்று குடும்பத்தில் குதூகலம் ஏற்படும். குடும்பத்தில் ஒற்றுமை அதிகரிக்கும். நல்ல செய்தி தேடி வரும். எடுக்கும் முயற்சிகளில் நல்ல முன்னேற்றம் ஏற்படும். உத்தியோகத்தில் போட்டி பொறாமைகள் குறையும். பிள்ளைகளால் சந்தோஷம் அதிகரிக்கும். ஆலய வழிபாடு மன அமைதியைத் தரும். பெண்களுக்கு ஆடை ஆபரண சேர்க்கை ஏற்படும்.

ரிஷபம்
சந்திரன் இன்றைய தினம் உங்கள் ராசிக்கு லாப ஸ்தானத்தில் பயணம் செய்கிறார். இன்று பொருளாதாரம் சிறப்பாக இருக்கும். குடும்பத்தில் அமைதி நிலவும். சொந்த தொழில் செய்பவர்களுக்கு இரட்டிப்பு லாபம் கிடைக்கும். வேலை செய்பவர்களுக்கு பதவி உயர்வு கிடைக்கும். சிலருக்கு புதிய வாகனம் வாங்கும் யோகம் தேடி வரும்.

மிதுனம்
சந்திரன் இன்றைய தினம் உங்கள் ராசிக்கு பத்தாம் வீட்டில் பயணம் செய்கிறார். இன்றைய தினம் உங்களுக்கு மகிழ்ச்சியான செய்தி தேடி வரும். வீண் விரைய செலவுகளும் அதிகரிக்கும். தொழில் வியாபாரத்தில் ஏற்பட்ட மந்த நிலை நீங்கும் எதிர்பார்த்த இடத்திலிருந்து உதவிகள் தேடி வரும். வேலையில் இருந்த பிரச்சினைகள் குறையும் புரமோசன் அதிகரிக்கும்.

கடகம் சந்திரன் ஒன்பதாம் வீட்டில் பயணம் செய்கிறார். கடந்த இரண்டு நாட்களாக ஏற்பட்டிருந்த மன உளைச்சல்கள் நீங்கும். தெளிவான மனநிலையில் இருப்பீர்கள். செயல்களில் நிதானம் ஏற்படும். அப்பாவின் உடல் ஆரோக்கியத்தில் அக்கறை காட்டவும். உடல் ஆரோக்கியத்தில் இருந்த பிரச்சினைகள் முடிவுக்கு வரும். தெளிவான மனநிலையில் இருப்பீர்கள்.

சிம்மம் சந்திரன் உங்கள் ராசிக்கு எட்டாம் வீட்டில் பயணம் செய்கிறார். இன்று நீங்கள் உடல் சோர்வுடனும் குழப்பத்துடன் காணப்படுவீர்கள். உங்கள் ராசிக்கு சந்திராஷ்டமம் இருப்பதால் அமைதியாக இருப்பது நல்லது. உத்தியோகஸ்தர்களுக்கு பணியில் கவனம் தேவை. பிறரிடம் தேவையில்லாமல் கோபப்படும் சூழ்நிலை உருவாகும் என்பதால் வீண் வாக்குவாதங்களைத் தவிர்க்கவும். ராசியில் உள்ள செவ்வாய், சுக்கிரனுக்கு குருவின் பார்வை கிடைப்பதால் பாதிப்புகள் குறைய வாய்ப்புள்ளது.

கன்னி சந்திரன் இன்றைய தினம் உங்கள் ராசிக்கு ஏழாம் வீட்டில் பயணம் செய்கிறார். கணவன் மனைவி இடையே நெருக்கம் அதிகரிக்கும். விரைய ஸ்தானத்தில் உள்ள செவ்வாய் சுக்கிரனால் இன்று உங்கள் மனதிற்கு புது தெம்பு கிடைக்கும். உயர் அதிகாரிகளின் ஆதரவால் உத்தியோகத்தில் முன்னேற்றம் ஏற்படும். தொழில் ரீதியாக வெளிநாட்டு நபர்கள் மூலம் அனுகூலம் கிடைக்கும். பெரிய மனிதர்களின் சந்திப்பு மனதிற்கு மகிழ்ச்சியை தரும். வீட்டிற்குத் தேவையான புதிய பொருட்கள் வாங்குவீர்கள்.

துலாம்
சந்திரன் இன்றைய தினம் உங்கள் ராசிக்கு ஆறாம் வீட்டில் பயணம் செய்கிறார். இன்று உங்களுக்கு வரவிற்கேற்ற செலவுகள் இருக்கும். தொழில் வியாபாரத்தில் செய்யும் முதலீடுகளால் லாபம் கிடைக்கும். உறவினர்கள் வருகையால் மனதில் உற்சாகம் அதிகரிக்கும். திடீர் பண வரவால் கடன் பிரச்சினை நீங்கும். இன்றைய தினம் வீடு நிலம் வாங்கும் விசயமாக பேசலாம். விருச்சிகம் சந்திரன் இன்றைய தினம் உங்கள் ராசிக்கு ஐந்தாம் வீட்டில் பயணம் செய்கிறார். பிள்ளைகளால் திடீர் செலவுகள் வரும். பிள்ளைகள் விசயத்தில் கவனம் தேவை. சுபகாரிய முயற்சிகளில் ஏற்பட்ட தடைகள் நீங்கும். பயணங்களில் கவனம் தேவை. உத்தியோகஸ்தர்களுக்கு வேலையில் புதிய வாய்ப்புகள் கிடைக்கும். வியாபாரத்தில் புதிய லாபம் கிடைக்கும்.

தனுசு
சந்திரன் இன்றைய தினம் உங்கள் ராசிக்கு நான்காம் வீட்டில் பயணம் செய்கிறார். சுக ஸ்தானத்தில் பயணம் செய்யும் சந்திரனால் உங்களுக்கு திடீர் தனவரவு உண்டாகும். உடன்பிறந்தவர்களின் உதவி கிடைக்கும். வேலை செய்யும் இடத்தில் சக நண்பர்களின் அதரவு கிடைக்கும். கடன் பிரச்சினைகள் நீங்கும். தொழில் வியாபாரத்தில் புதிய வாடிக்கையாளர்கள் கிடைப்பார்கள். இரட்டிப்பு லாபம் பெருகும். வெளியூர் பயணங்களைத் தவிர்க்கவும்.

மகரம்
சந்திரன் இன்றைய தினம் உங்கள் ராசிக்கு மூன்றாம் வீட்டில் பயணம் செய்கிறார். தொழில் ரீதியாக எடுக்கும் புதிய முயற்சிகளுக்கு வெற்றி கிடைக்கும். குடும்பத்தில் எதிர்பாராத செலவுகள் ஏற்படும். நண்பர்களால் உதவிகள் கிடைக்கும். இன்று வேலை செய்பவர்களுக்கு உயரதிகாரிகளின் ஆதரவு கிடைக்கும்.

கும்பம்
சந்திரன் இன்றைய தினம் உங்கள் ராசிக்கு இரண்டாம் வீட்டில் பயணம் செய்கிறார். இன்று குடும்பத்தில் மகிழ்ச்சி தரும் சம்பவங்கள் நடைபெறும். வீட்டிற்கு தேவையான பொருட்கள் வாங்குவதில் ஆர்வம் அதிகரிக்கும். பிள்ளைகளின் ஆரோக்கியம் நன்றாக இருக்கும். உறவினர்கள் மூலம் உதவிகள் கிடைக்கும். தொழில் வியாபாரத்தில் இன்றைக்கு லாபம் அதிகரிக்கும். கணவன் மனைவி இடையே ஏற்பட்ட பிரச்சினைகள் முடிவுக்கு வரும்.

மீனம்
சந்திரன் இன்றைய தினம் உங்கள் ராசிக்குள் பயணம் செய்கிறார். இன்று குடும்பத்தில் தாராள தன வரவும், மன மகிழ்ச்சியும் உண்டாகும். உடன்பிறந்தவர்களுடன் ஒற்றுமை பலப்படும். உடல் ஆரோக்கியம் நன்றாக இருக்கும். மனதில் நிம்மதியும் சந்தோஷமும் ஏற்படும் நாளாகும். சுப காரியங்களுக்கான முயற்சிகள் அனைத்தும் வெற்றியை தரும். உத்தியோத்தில் இருப்பவர்களுக்கு அலுவலகத்தில் எதிர்பார்த்த சலுகைகள் கிடைக்கும்.