Today’s Rasi Palan : இன்றைய ராசி பலன் சனிக்கிழமை ஜூலை 17, 2021

Today’s Rasi Palan : இன்றைய ராசி பலன் சனிக்கிழமை ஜூலை 17, 2021 சென்னை:

பிலவ வருடம் ஆடி 01 ஆம் தேதி ஜூலை 17,2021 சனிக்கிழமை. அஷ்டமி திதி இரவு 02.41 மணி வரை அதன் பின் நவமி திதி. சித்திரை இரவு 01.32 மணி வரை அதன் பின் சுவாதி.சந்திரன் இன்றைய தினம் கன்னி ராசியிலும் துலாம் ராசியிலும் பயணம் செய்கிறார். இன்று கும்பம் மற்றும் மீன ராசிக்காரர்களுக்கு சந்திராஷ்டமம் உள்ளதால் கவனம் தேவை. மேஷம் முதல் மீனம் வரை 12 ராசிக்காரர்களுக்கும் பலன்கள் எப்படி இருக்கும் பரிகாரங்களைப் பார்க்கலாம்.

மேஷம்
இன்று உங்களுக்கு பொருளாதாரம் சிறப்பாக இருக்கும். குடும்பத்தில் சுபசெலவுகள் உண்டாகும். அரசு வழியில் எதிர்பார்த்த உதவிகள் கிடைக்கும். வியாபார ரீதியான வழக்கு விஷயங்களில் வெற்றி பெறுவதற்கான வாய்ப்புகள் அமையும். வெளியிலிருந்து வரவேண்டிய தொகை கைக்கு வந்து சேரும். கணவன் மனைவி இடையே சந்தோஷம் அதிகரிக்கும். உடல் ஆரோக்கியம் நன்றாக இருக்கும். மனதில் நிம்மதியும் சந்தோஷமும் ஏற்படும்.

ரிஷபம்
சந்திரன் இன்றைய தினம் உங்கள் ராசிக்கு ஆறாம் வீட்டிற்குள் நுழைவதால் திடீர் பண வரவு வரும். இன்று குடும்பத்தில் பிள்ளைகளால் மனம் மகிழும் சம்பவங்கள் நடைபெறும். சகோதர சகோதரி வழியில் நன்மைகள் உண்டாகும். உத்தியோகத்தில் சிலருக்கு புதிய பொறுப்புகள் வந்து சேரும். எதிர்பாராத பணவரவால் நகை வாங்கும் யோகம் வரும். குடும்ப தேவைகள் பூர்த்தியாகும்.

மிதுனம்

சந்திரன் இன்றைய தினம் உங்கள் ராசிக்கு ஐந்தாம் வீட்டிற்குள் நுழைகிறார். இன்று வியாபாரத்தில் கூட்டாளிகளுடன் சிறுசிறு கருத்து வேறுபாடுகள் ஏற்படலாம். எதிர்பார்த்த உதவிகள் கிடைப்பதில் தாமதம் உண்டாகும். சுபமுயற்சிகளில் அனுகூலமான பலன்கள் கிடைக்கும். வேலையில் உடன் இருப்பவர்களை அனுசரித்து செல்வது நல்லது. குடும்பத்தினரின் ஆதரவு கிடைக்கும். பிள்ளைகளால் குதூகலம் ஏற்படும். கணவன் மனைவி இடையே ஏற்பட்ட பிணக்குகள் நீங்கும்.

கடகம்
சந்திரன் உங்கள் ராசிக்கு நான்காம் வீடான சுக ஸ்தானத்தில் பயணம் செய்கிறார். இன்று குடும்பத்தில் வரவுக்கு ஏற்ப செலவுகள் இருக்கும். பூர்வீக சொத்துக்களால் அலைச்சல்கள் உண்டாகும். வியாபாரத்தில் இருந்த தேக்க நிலை மாறி சற்று முன்னேற்றம் ஏற்படும். வேலையில் கவனமுடன் இருந்தால் வீண் பிரச்சினைகளை தவிர்க்கலாம். நண்பர்களால் அனுகூலம் உண்டாகும்.

சிம்மம்
சந்திரன் சஞ்சாரம் சாதகமாக உள்ளதால் மன நிம்மதியும் சந்தோஷமும் ஏற்படும். குழப்பங்கள் நீங்கி மனநிலை தெளிவாக இருக்கும். உடல் ஆரோக்கியம் சிறப்பாக இருக்கும். நண்பர்கள் மூலம் சுபசெய்திகள் கிடைக்கும். வேலை செய்யும் இடத்தில் திறமைகளை வெளிபடுத்தி பாராட்டுதல்களை பெறுவீர்கள். தொழில் சம்பந்தமாக வெளியூர் பயணம் செல்ல நேரிடும். புதிய பொருட் சேர்க்கை உண்டாகும்.

கன்னி
சந்திரன் சாதகமாக இடத்தில் பயணம் செய்கிறார். உங்கள் ராசியில் உள்ள சந்திரன் இரண்டாம் வீட்டிற்கு நகர்கிறார். இன்று உங்களுக்கு ஆரோக்கியம் அற்புதமாக இருக்கும். பண பற்றாக்குறையால் குடும்பத்தில் நெருக்கடிகள் ஏற்படலாம். உடன் பிறந்தவர்களால் உதவிகள் கிடைக்கும். உத்தியோகத்தில் உயர்வுகள் உண்டாகும். வியாபாரத்தில் இதுவரை இருந்த பிரச்சினைகள் நீங்கும்.

துலாம்
சந்திரன் இன்றைய தினம் உங்கள் ராசிக்குள் நுழைகிறார். இன்று குடும்பத்தில் மகிழ்ச்சி நிலவும். உறவினர்களுடன் இருந்த கருத்து வேறுபாடுகள் நீங்கும். பணவரவு சிறப்பாக இருக்கும். புதிய நட்பு ஏற்படும். அலுவலகத்தில் உடன் பணிபுரிபவர்கள் சாதகமாக செயல்படுவார்கள். தொழில் வியாபாரத்தில் இதுவரை இருந்த மறைமுக எதிர்ப்புகள் குறையும்.

விருச்சிகம்
சந்திரன் விரைய ஸ்தானத்திற்கு வருவதால் உங்களின் உடல் நிலையில் சோர்வும், மந்தமும் உண்டாகும். உடன் பிறந்தவர்களிடம் ஒற்றுமை குறைவு ஏற்படலாம். சிக்கனமாக செயல்பட்டால் செலவுகளை சமாளிக்க முடியும். நண்பர்களின் ஆலோசனைகளால் வியாபாரத்தில் முன்னேற்றம் ஏற்படும். குடும்பத்தில் பிரச்சினைகள் நீங்கும்.

தனுசு
சந்திரன் உங்கள் ராசிக்கு லாப ஸ்தானத்திற்கு வருவதால் வியாபாரத்தில் செய்யும் முதலீட்டில் இரட்டிப்பு லாபம் கிடைக்கும். இன்று எந்த செயலையும் சுறுசுறுப்புடன் செய்து முடிப்பீர்கள். உறவினர்கள் வருகையால் வீட்டில் மகிழ்ச்சியான சூழ்நிலை உருவாகும். பிள்ளைகள் அனுகூலமாக இருப்பார்கள். கடன் பிரச்சினைகள் நீங்கும். வீட்டிற்குத் தேவையான வாங்குவதில் ஆர்வம் காட்டுவீர்கள். தொழிலில் நல்ல முன்னேற்றம் ஏற்படும்.

மகரம்
சந்திரன் இன்றைய தினம் உங்கள் ராசிக்கு ஒன்பதாம் வீட்டில் பாக்ய ஸ்தானங்களில் பயணம் செய்கிறார். இன்று நீங்கள் எந்த காரியத்தையும் துணிச்சலுடன் செய்து முடித்து வெற்றி பெறுவீர்கள். உறவினர்களால் மன சங்கடங்கள் ஏற்படலாம். புதிய தொழில் தொடங்கும் முயற்சிகளில் வெற்றி கிடைக்கும். நீண்ட நாள் எதிர் பார்த்திருந்த வங்கி கடன் கிடைக்கும்.

கும்பம்
சந்திரன் உங்கள் ராசிக்கு எட்டாவது வீட்டில் பிற்பகல் வரை பயணம் செய்கிறார். முக்கியமான முடிவுகள் எடுப்பதைத் தவிர்த்து விடுங்கள். இன்று எடுத்த காரியத்தை முடிப்பதில் சற்று காலதாமதமாகும். வியாபாரத்தில் கொடுக்கல் வாங்கலில் இழுபறி நிலை தோன்றும். குடும்பத்தில் விட்டு கொடுத்து சென்றால் பிரச்சினைகளை தவிர்க்கலாம். பிற்பகலுக்கு மேல் வெளியூர் பயணம் செய்வதால் நன்மை ஏற்படும். உறவினர்கள் உதவிகரம் நீட்டுவார்கள்.

மீனம்
சந்திரன் உங்கள் ராசிக்கு ஏழாவது வீட்டில் இருந்து எட்டாவது வீட்டிற்கு நுழைகிறார். இன்று உங்கள் ராசிக்கு பிற்பகலுக்கு மேல் சந்திராஷ்டமம் தொடங்குவதால் மனஉளைச்சல் அதிகமாகும். வெளியூர் பயணங்களால் அலைச்சல் டென்ஷன் உண்டாகும். வண்டி வாகனங்களில் சற்று எச்சரிக்கையுடன் செல்வது நல்லது. மற்றவர் செயல்களில் தலையிடாமல் இருப்பது உத்தமம். எதிலும் கவனம் தேவை.