Today’s Rasi Palan :இன்றைய ராசி பலன் சனிக்கிழமை ஜூலை 03, 2021

Today’s Rasi Palan :இன்றைய ராசி பலன் சனிக்கிழமை ஜூலை 03, 2021 சென்னை:

பிலவ வருடம் ஆனி 19 ஆம் தேதி ஜூலை 03,2021 சனிக்கிழமை. நவமி திதி மாலை 05.13 மணிவரை அதன் பின் தசமி திதி. ரேவதி நட்சத்திரம் காலை 06.13 மணி வரை அதன் பின் அசுவினி. சந்திரன் இன்றைய தினம் மேஷ ராசியில் பயணம் செய்கிறார். கன்னி ராசிக்காரர்களுக்கு சந்திராஷ்டமம் தொடங்குவதால் கவனம் தேவை. மேஷம் முதல் மீனம் வரை 12 ராசிக்காரர்களுக்கும் பலன்கள் பரிகாரங்களைப் பார்க்கலாம்.

மேஷம்
ராசிக்குள் சந்திரன் பயணம் செய்கிறார். மனதில் மகிழ்ச்சி கூடும். ஆரோக்கியத்தில் இருந்த பிரச்சினைகள் நீங்கும். தொழில் வியாபாரத்தில் புதிய கூட்டாளிகள் இணைவார்கள். வெளியூர் பயணங்களால் அனுகூலம் கிட்டும். பெண்கள் எந்த ஒரு செயலிலும் மனமகிழ்ச்சியுடன் ஈடுபடுவீர்கள். பெற்றோரிடமிருந்த மனஸ்தாபங்கள் விலகும். குடும்பத்தில் ஒற்றுமை அதிகரிக்கும். உறவினர்களிடம் எதிர்பார்த்த உதவிகள் கிடைக்கும்.

ரிஷபம்
சந்திரன் விரைய ஸ்தானத்தில் பயணம் செய்கிறார். இன்று குடும்பத்தில் உள்ளவர்களால் மருத்துவ செலவுகள் ஏற்படும். எடுக்கும் முயற்சிகளில் பல இடையூறுகள் தோன்றும். எந்த ஒரு விஷயத்திலும் போராடி வெற்றி பெறுவீர்கள். வியாபாரத்தில் இதுவரை இருந்த சிக்கல்கள் நீங்கி வருமானம் அதிகரிக்கும். ஜூலை மாத ராசி பலன் 2021: கும்பம் மற்றும் மீன ராசிக்காரர்களுக்கு திடீர் ராஜயோகம் தேடி வரும்

மிதுனம்
சந்திரன் உங்கள் ராசிக்கு லாப ஸ்தானத்தில் பயணம் செய்கிறார். குடும்பத்தில் செலவுகள் கட்டுகடங்கி இருக்கும். சகோதர சகோதரிகள் வழியில் அனுகூலப் பலன் கிடைக்கும். வியாபார வளர்ச்சிக்காக புதிய திட்டங்கள் போட்டு வெற்றி அடைவீர்கள். வருமானம் லாபகரமாக இருக்கும். இன்று பிள்ளைகளால் மனமகிழ்ச்சி உண்டாகும். பெண்களுக்கு ஆடை ஆபரண சேர்க்கை ஏற்படும். ஜூலை மாத ராசி பலன் 2021: தனுசு, மகரம் ராசிக்காரர்களுக்கு பொறுமை நிதானம் தேவை

கடகம்
சந்திரன் உங்கள் ராசிக்கு பத்தாம் வீட்டில் பயணம் செய்கிறார். இன்று பணவரவு அமோகமாக இருக்கும். உடல் ஆரோக்கியத்தில் இருந்த பாதிப்புகள் விலகும். பொறுமையை கடைபிடிப்பதன் மூலம் உத்தியோகத்தில் தேவையற்ற பிரச்சினைகளை தவிர்க்கலாம். உடன் பிறந்தவர்கள் உதவிகரம் நீட்டுவர். தொழில் வியாபாரத்தில் ஓரளவு முன்னேற்றமும் லாபமும் ஏற்படும்.

சிம்மம்
சந்திரன் உங்கள் ராசிக்கு ஒன்பதாம் வீட்டில் பயணம் செய்கிறார். மனைவி வழி உறவினர்கள் மூலம் உதவிகள் கிடைக்கும். சுபகாரியங்கள் கைகூடும். இன்று பணவரவு தாரளமாக இருந்தாலும் அதற்கேற்ப செலவுகளும் உண்டாகும். அப்பாவின் உடல் ஆரோக்கியத்தில் கவனம் தேவை. கடந்த இரண்டு நாட்களாக இருந்த சிக்கல்கள் நீங்கும். உத்தியோகத்தில் மேலதிகாரிகளின் உதவி கிடைக்கும். எந்த விஷயத்திலும் நிதானமாக செயல்படுவது நல்லது.

கன்னி
சந்திரன் உங்கள் ராசிக்கு எட்டாவது வீட்டில் பயணம் செய்கிறார். உங்கள் ராசிக்கு சந்திராஷ்டமம் இருப்பதால் மற்றவர்கள் பிரச்சினைகளில் தலையிடாமல் இருப்பது நல்லது. இன்று குடும்பத்தில் உள்ளவர்களிடம் தேவையற்ற கருத்து வேறுபாடுகள் ஏற்படும். வீண் விவாதங்களைத் தவிர்க்கவும். உடல் நிலையில் சிறு பாதிப்புகள் ஏற்படும். உணவு விஷயத்தில் சற்று கட்டுபாடுடன் இருப்பது நல்லது.

துலாம்
சந்திரன் உங்கள் ராசிக்கு ஏழாவது வீட்டில் பயணம் செய்கிறார். இன்றைய தினம் உங்களின் நம்பிக்கை அதிகரிக்கும். கணவன் மனைவி இடையே குடும்பத்தில் நெருக்கம் கூடும். இன்று உங்களுக்கு புது தெம்பும் தைரியமும் உண்டாகும். உத்தியோகத்தில் புதிய நபர் அறிமுகம் கிடைக்கும். குடும்பத்தில் இதுவரை இருந்த பிரச்சினைகள் விலகும். புதிய சொத்துக்கள் வாங்குவதில் ஆர்வம் அதிகமாகும். பணம் கொடுக்கல் வாங்கல் திருப்திகரமாக இருக்கும். வரவு அதிகரிக்கும் வங்கி சேமிப்பு உயரும்.

விருச்சிகம்
சந்திரன் ஆறாவது வீட்டில் பயணம் செய்கிறார். இன்று பிள்ளைகள் வழியில் சுப செலவுகள் ஏற்படும். உறவினர்கள் வருகையால் குடும்பத்தில் சந்தோஷம் அதிகரிக்கும். திடீர் செலவுகள் வரும் சிக்கனமாக செயல்படுவதன் மூலம் கடன் பிரச்சினைகள் ஓரளவு குறையும். வியாபாரத்தில் இருந்த மந்த நிலை நீங்கி இரட்டிப்பு லாபம் கிடைக்கும்.

தனுசு
சந்திரன் இன்றைய தினம் உங்கள் ராசிக்கு ஐந்தாவது வீட்டில் பயணம் செய்கிறார். இன்று உங்கள் உழைப்பிற்கேற்ற பலன் கிடைப்பதில் காலதாமதமாகும். தொழிலில் முதலீடுகள் அதிகரிக்கும். எதிர்பார்க்கும் உதவிகள் உரிய நேரத்தில் கிடைக்கும். சுப காரிய முயற்சிகளில் ஓரளவு முன்னேற்றம் உண்டாகும் கைகூடி வரும்.

மகரம்
சந்திரன் இன்றைய தினம் உங்கள் ராசிக்கு நான்காவது வீட்டில் பயணம் செய்கிறார். இன்று உங்களுக்கு பிள்ளைகளால் வீண் விரயங்கள் உண்டாகும். எதிர்பார்த்த இடத்திலிருந்து உதவிகள் கிடைக்கும். புதிய பொருட்களை வாங்குவதில் கவனம் தேவை. உத்தியோகத்தில் சிலருக்கு எதிர்பார்த்த பதவி உயர்வுகள் கிட்டும். உடல் ஆரோக்கியம் நன்றாக இருக்கும்.

கும்பம்
சந்திரன் உங்கள் ராசிக்கு மூன்றாவது வீடான முயற்சி ஸ்தானத்தில் பயணம் செய்கிறார். இன்று பணவரவு தாராளமாக இருக்கும். பூர்வீக சொத்துக்களால் அனுகூலப் பலன்கள் ஏற்படும். வியாபாரத்தில் லாபங்கள் கிடைக்கும். திருமண முயற்சிகள் தொடங்க அனுகூலமான நாளாகும். உடல் ஆரோக்கியத்தில் நல்ல முன்னேற்றம் ஏற்படும்.

மீனம்
சந்திரன் உங்கள் ராசிக்கு இரண்டாவது வீட்டில் பயணம் செய்கிறார். இன்று உடன் பிறந்தவர்களால் உங்களுக்கு மனஅமைதி கிடைக்கும். பிள்ளைகளால் சந்தோஷம் அதிகரிக்கும். உங்களின் உடல் ஆரோக்கியத்தில் கவனம் தேவை. உத்தியோக ரீதியாக சிலருக்கு வெளியூர் பயணம் செல்லும் வாய்ப்பு அமையும். தொழிலில் இருந்த பிரச்சினைகள் நீங்கி நன்மைகள் ஏற்படும்.