Today’s Rasi Palan : இன்றைய ராசி பலன் திங்கட்க்கிழமை ஜூன் 28- 2021

Today’s Rasi Palan : இன்றைய ராசி பலன் திங்கட்க்கிழமை ஜூன் 28- 2021 சென்னை:

பிலவ வருடம் ஆனி 14 ஆம் தேதி ஜூன் 28,2021 திங்கட்க்கிழமை. சதுர்த்தி திதி பகல் 02.16 மணிவரை அதன் பின் பஞ்சமி திதி. அவிட்டம் இரவு 12.48 மணி வரை அதன் பின் சதயம். சந்திரன் இன்றைய தினம் மகரம்,கும்ப ராசியில் பயணம் செய்கிறார். மிதுனம், கடக ராசிக்காரர்களுக்கு சந்திராஷ்டமம் உள்ளதால் கவனமும் நிதானமும் தேவை. மேஷம் முதல் மீனம் வரை 12 ராசிக்காரர்களுக்கும் பலன்கள் பரிகாரங்களைப் பார்க்கலாம்.

மேஷம்
சந்திரன் சாதகமான இடங்களில் பயணம் செய்கிறார். இன்று உங்களுக்கு உடல் ஆரோக்கியம் சீராக இருக்கும். குடும்பத்தில் திடீரென்று சுபசெய்திகள் வந்து சேரும். சகோதர, சகோதரிகள் நட்புடன் இருப்பார்கள். சொந்தங்களுடன் இருந்த மனஸ்தாபங்கள் நீங்கும். வியாபாரம் சிறப்பாக நடைபெறும். வேலை செய்யும் இடத்தில் இருந்த சிக்கல்கள் நீங்கும் வேலைபளு குறையும். நிம்மதியும் சந்தோஷமும் உண்டாகும் நாளாக அமைந்துள்ளது.

ரிஷபம்
சந்திரன் இன்றைய தினம் உங்கள் ராசிக்கு தொழில் ஸ்தானத்திற்கு வருகிறார். வேலையில் கவனம் தேவை. அலுவலகத்தில் உடனிருப்பவர்களின் ஒத்துழைப்பு கிடைக்காமல் போகலாம். வெளியூர் பயணங்களால் தொழிலில் முன்னேற்றம் ஏற்படும். இன்று குடும்பத்தில் உறவினர்களால் வீண் செலவுகள் ஏற்படும். நண்பர்களால் எதிர்பாராத உதவிகள் கிடைக்கும். ஆனி மாதத்தில் இந்த 6 ராசிக்காரர்களுக்கு அதிர்ஷ்டம் தேடி வரும்

மிதுனம்
சந்திரன் இன்றைய தினம் உங்கள் ராசிக்கு எட்டாம் வீட்டில் பிற்பகல் வரை பயணம் செய்கிறார். இன்று நீங்கள் செய்ய நினைக்கும் காரியங்களில் நிதானத்துடன் இருப்பது நல்லது. உங்கள் ராசிக்கு பகல் 12.58 மணி வரை சந்திராஷ்டமம் இருப்பதால் வீண் அலைச்சல்கள் ஏற்படலாம். தொழிலில் கூட்டாளிகளுடன் இருந்த கருத்து வேறுபாடுகள் படிப்படியாக குறையும். பிற்பகலுக்கு மேல் சிக்கல்கள் நீங்கி மன அமைதி கிடைக்கும்.

கடகம்
சந்திரன் இன்றைய தினம் உங்கள் ராசிக்கு ஏழாம் வீட்டில் பயணம் செய்கிறார். இன்று உங்களுக்கு ஆரோக்கியத்தில் சிறு பாதிப்புகள் ஏற்படும். உங்கள் ராசிக்கு பகல் 12.58 மணிக்கு மேல் சந்திராஷ்டமம் இருப்பதால் எதிலும் நிதானம் வேண்டும். வெளி இடங்களில் வீண் வாக்குவாதங்களை தவிர்க்கவும். பயணங்களை தவிர்ப்பது நல்லது. வண்டி வாகனங்களில் போகும் போது நிதானம் தேவை.

சிம்மம்
சந்திரன் இன்றைய தினம் உங்கள் ராசிக்கு சாதகமான வீடுகளில் பயணம் செய்வதால் இன்று நீங்கள் புது பொலிவுடனும், தெம்புடனும் காணப்படுவீர்கள். உத்தியோக ரீதியான வெளியூர் பயணங்களால் நல்ல மாற்றங்கள் ஏற்படும். குடும்பத்தில் ஒற்றுமை நிலவும். உறவினர்கள் மூலம் சுபசெய்திகள் தேடி வரும் மனமகிழ்ச்சி அடைவீர்கள். எதிர்பாராத திடீர் பணவரவு உண்டாகும்.

கன்னி
சந்திரன் இன்றைய தினம் உங்கள் ராசிக்கு சுபமான இடங்களில் பயணம் செய்கிறார். குடும்பத்தில் பிள்ளைகளுடன் சிறு சிறு மனஸ்தாபங்கள் ஏற்படும். உடல் ஆரோக்கியத்தில் கவனம் தேவை. வண்டி வாகனங்கள் பராமரிப்பிற்காக சிறு தொகை செலவிட நேரிடும். எடுத்த காரியம் வெற்றி அடைய மற்றவர்களை அனுசரித்து செல்வது நல்லது. உத்தியோகத்தில் இருந்த போட்டி பொறாமைகள் நீங்கும்.

துலாம்
சந்திரன் இன்று உங்கள் ராசிக்கு சுக ஸ்தானத்தில் பயணம் செய்கிறார். அம்மாவின் உடல் ஆரோக்கியத்தில் கவனம் தேவை. இன்று நீங்கள் எந்த செயலையும் மனஉறுதியோடு செய்து முடிப்பீர்கள். குடும்பத்தில் மகிழ்ச்சியான சூழ்நிலை நிலவும். பிற்பகலுக்கு மேல் பிள்ளைகளால் திடீர் செலவுகள் வரும். வேலையில் பணிசுமை குறையும். பண வரவினால் வங்கியில் சேமிப்பு உயரும்.

விருச்சிகம்
முயற்சிகளுக்கு வெற்றி கிடைக்கும். பிள்ளைகளின் கல்வி தொடர்பாக திடீர் அலைச்சல் அதிகரிக்கும். நண்பர்களுடன் சிறு மனஸ்தாபங்கள் ஏற்படலாம். குடும்பத்தில் விட்டு கொடுத்து செல்வதன் மூலம் பிரச்சினைகள் குறையும். வியாபாரத்தில் புதிய மாற்றங்கள் ஏற்படும். உறவினர்களின் ஒத்துழைப்பு கிடைக்கும்.

தனுசு
உங்கள் ராசிக்கு சாதகமான இடத்தில் சந்திரன் பயணிக்கிறார். இன்று பொருளாதார நெருக்கடிகள் நீங்கும் குடும்பத்தில் இருந்த பிரச்சினைகள் மறையும். வேலையில் சிலருக்கு தேவையற்ற இடமாற்றம் ஏற்படும். மனதில் நிம்மதியும் சந்தோஷமும் உண்டாக்கும். செய்யும் தொழிலில் இருந்த மந்த நிலை நீங்கி இரட்டிப்பு லாபம் கிடைக்கும்.

மகரம்
சந்திரன் உங்கள் ராசியில் இருந்து இரண்டாம் வீட்டில் பயணம் செய்கிறார். இன்று உங்களுக்கு எதிர்பாராத செலவுகள் ஏற்படலாம். பிள்ளைகளுக்கு உயர்கல்வி யோகம் வரும். நண்பர்களின் சந்திப்பு மனநிம்மதியை தரும். வியாபாரத்தில் வேலையாட்களை அனுசரித்து சென்றால் முன்னேற்றம் காணலாம். வெளியூர் பயணங்களால் நன்மைகள் ஏற்படும்.

கும்பம்
சந்திரன் பிற்பகலுக்கு மேல் உங்கள் ராசிக்குள் வருகிறார். இன்று உங்களுக்கு தேவையற்ற அலைச்சல்கள் உண்டாகும். பிள்ளைகளால் வீண் செலவுகள் ஏற்படலாம். உத்தியோகத்தில் சக ஊழியர்களுடன் கருத்து வேறுபாடுகள் தோன்றும். எதையும் ஒருமுறைக்கு பலமுறை சிந்தித்து செயல்படுவது நல்லது. எதிர்பார்த்த உதவிகள் தேடி வரும்.

மீனம்
சந்திரன் இன்றைய தினம் உங்கள் ராசிக்கு லாப ஸ்தானத்திலும் விரைய ஸ்தானத்திலும் பயணம் செய்கிறார். இன்று உங்களுக்கு வரவுக்கு மீறிய செலவுகள் ஏற்படும். நினைத்த காரியம் நிறைவேற மற்றவர்களை அனுசரித்து செல்வது நல்லது. உடலில் சிறு பாதிப்புகள் எட்டிப்பார்க்கும். பயணங்களால் அலைச்சல் அதிகரிக்கும்.