Today’s Rasi Palan: இன்றைய ராசி பலன்

Today’s Rasi Palan: இன்றைய ராசி பலன் வெள்ளிக்கிழமை ஏப்ரல் 30, 2021

சென்னை: பிலவ வருடம் சித்திரை 17 ஆம் தேதி ஏப்ரல் 30, 2021 வெள்ளிக்கிழமை. சதுர்த்தி திதி இரவு 10.10 மணி வரை அதன் பின் பஞ்சமி. கேட்டை பகல் 12.07 மணி வரை அதன் பின் மூலம். சந்திரன் இன்றைய தினம் விருச்சிகம், தனுசு ராசியில் பயணம் செய்கிறார். மேஷம்,ரிஷப ராசிக்காரர்களுக்கு சந்திராஷ்டமம் உள்ளதால் கவனம் தேவை. மேஷம் முதல் மீனம் வரை 12 ராசிக்காரர்களுக்கும் பலன்களைப் பார்க்கலாம்.

மேஷம்
சந்திரன் உங்கள் ராசிக்கு அஷ்டம ஸ்தானத்திலும் பாக்ய ஸ்தானத்திலும் பயணம் செய்கிறார். பிற்பகல் வரை சந்திராஷ்டமம் இருப்பதால் உடல் ஆரோக்கியத்தில் சில பிரச்சினைகள் வரலாம் கவனம் தேவை. குடும்பத்தில் வீண் வாக்குவாதங்களைத் தவிர்க்கவும். உங்கள் ராசிக்கு பகல் 12.07 வரை சந்திராஷ்டமம் இருப்பதால் எதிலும் சற்று நிதானமாக செயல்படுவது நல்லது. தொழில் வியாபார ரீதியாக இருக்கும் பிரச்சினைகள் ஓரளவு குறையும். பிற்பகலுக்கு மேல் இருந்த சிக்கல்கள் நீங்கும். பணவரவு அதிகரிக்கும்.

ரிஷபம்
சந்திரன் சஞ்சாரம் பிற்பகல் வரை சாதகமாக உள்ளது. பிற்பகல் 12.07 மேல் சந்திராஷ்டமம் இருப்பதால் கவனம் தேவை.

இன்று உங்களுக்கு எதிர்பாராத செலவுகளால் பண நெருக்கடிகள் ஏற்படும். வியாபாரத்தில் வீண் பிரச்சினைகள் உண்டாகும். பணம் கொடுக்கல் வாங்கலில் கவனம் தேவை. வெளியிடங்களில் வீண் வாக்குவாதங்களை தவிர்க்கவும். உடல் ஆரோக்கியத்தில் கவனம் தேவை.

மிதுனம்
சந்திரன் இன்றைய தினம் உங்களுக்கு சாதகமான நிலையில் பயணம் செய்கிறார். கணவன் மனைவியிடையே இருந்த மனஸ்தாபங்கள் நீங்கும். குடும்பத்தில் ஒற்றுமையும் மகிழ்ச்சியும் கூடும். புதிய பொருட்கள் வாங்குவீர்கள்.

இன்று நீங்கள் தொட்ட காரியம் அனைத்தும் வெற்றி அடையும். அரசு வழியில் எதிர்பார்த்த உதவிகள் கிடைக்கும். தொழில் சம்பந்தமான புதிய ஒப்பந்தங்கள் கைகூடும்.

கடகம்
சந்திரன் இன்றைய தினம் உங்களுடைய ராசிக்கு சாதகமான இடங்களில் பயணம் செய்கிறார். இன்று நீங்கள் எடுத்த காரியத்தை வெற்றியுடன் செய்து முடிப்பீர்கள். குடும்பத்தில் பெரியவர்களின் அன்பும் ஆதரவும் கிடைக்கும். கூட்டாளிகளின் ஆலோசனைகளும் ஒத்துழைப்பும் வியாபாரத்தில் லாபம் அதிகரிக்கும். நண்பர்களின் உதவியால் பண பிரச்சினைகள் ஓரளவு குறையும்.

சிம்மம்
சந்திரன் இன்றைய தினம் உங்களுடைய ராசிக்கு பூர்வ புண்ணிய ஸ்தானத்தில் பயணம் செய்கிறார். வீட்டில் உறவினர்களால் மனமகிழ்ச்சி தரும் சம்பவங்கள் நடைபெறும். உத்தியோகத்தில் சிலருக்கு எதிர்பார்த்த இடமாற்றம் உண்டாகும். சொத்துக்கள் வாங்கும் முயற்சியில் நல்ல முன்னேற்றம் ஏற்படும். நண்பர்கள் மூலம் உதவிகள் எளிதில் கிடைக்கும். வியாபாரம் சிறப்பாக நடைபெறும்.

கன்னி
சந்திரன் இன்றைய தினம் உங்களுடைய ராசிக்கு நான்காம் வீடான சுக ஸ்தானத்தில் பயணம் செய்கிறார்.

இன்று உங்களுக்கு பணவரவு சுமாராக இருக்கும். உடல் ஆரோக்கியத்தில் சற்று மந்தநிலை காணப்படும். உறவினர்களின் உதவியால் பணப் பிரச்சினைகள் ஓரளவுக்கு குறையும். வியாபார வளர்ச்சிக்கான முயற்சிகளில் குடும்பத்தினரின் ஆதரவும் ஒத்துழைப்பும் கிட்டும். வருமானம் பெருகும்.

துலாம்
சந்திரன் இன்றைய தினம் உங்களுடைய ராசிக்கு மூன்றாம் வீட்டில் பயணம் செய்கிறார். இன்று நண்பர்கள் மூலம் சுப செய்திகள் வந்து சேரும். புதிய பொருள் சேர்க்கை மகிழ்ச்சியினை தரும். பிள்ளைகளால் அனுகூலம் உண்டாகும். அலுவலகத்தில் மேலதிகாரிகளின் அன்பையும், ஆதரவையும் பெறுவீர்கள். தொழில் ரீதியாக வழக்கு விஷயங்களில் சாதகமான பலன் கிட்டும்.

விருச்சிகம்
சந்திரன் இன்றைய தினம் உங்களுடைய ராசியில் இருந்து இரண்டாம் வீட்டிற்கு செல்கிறார். மனநிம்மதி அதிகரிக்கும்.

இன்று நீங்கள் மனஉறுதியோடு பிரச்சினைகளை எதிர்கொள்ள வேண்டி வரும். குடும்பத்தினருடன் குதூகலமாக இருப்பீர்கள். வியாபாரத்தில் கவனம் தேவை. உறவினர்கள் வீட்டு விசேஷங்களில் பங்கேற்பீர்கள். ஆலய வழிபாடு மன அமைதியைத் தரும்.

தனுசு
சந்திரன் இன்றைய தினம் உங்களுடைய ராசிக்குள் பயணம் செய்கிறார். உற்சாகமான மனநிலையில் இருப்பீர்கள்.

இன்று குடும்பத்தில் நிம்மதியும் சந்தோஷமும் அதிகரிக்கும். நிதி நெருக்கடிகள் நீங்கும். பொருளாதாரம் மிகச் சிறப்பாக இருக்கும். உறவினர்கள் மூலம் உங்கள் பிரச்சினைகளுக்கு தீர்வு கிடைக்கும். புதிய தொழில் தொடங்கும் எண்ணம் நிறைவேறும். பணம் கொடுக்கல் வாங்கல் லாபகரமாக இருக்கும். சுபகாரியங்கள் கைகூடும். கொடுத்த கடன்கள் தேடி வரும்.

மகரம்
சந்திரன் இன்றைய தினம் உங்களுடைய ராசிக்கு விரைய ஸ்தானத்தில் பயணம் செய்கிறார். சுப காரியங்கள் கைகூடும். இன்று உங்களுக்கு உறவினர்களால் வீண் விரயங்கள் ஏற்படலாம். உடல் ஆரோக்கியத்தில் சற்று அக்கறை செலுத்துவது நல்லது. பிள்ளைகளாவ்

கும்பம்
சந்திரன் இன்றைய தினம் உங்களுடைய ராசிக்கு லாப ஸ்தானத்தில் பயணம் செய்கிறார். இன்று குடும்பத்தில் உறவினர்கள் வருகையால் மகிழ்ச்சி நிலவும். வியாபாரத்தில் புதிய கூட்டாளிகள் இணைவார்கள். எதிரிகளின் தொல்லைகள் நீங்கும். பண வருமானம் அதிகரிக்கும். வங்கி சேமிப்பு உயரும். சிலருக்கு புதிய வீடு வாகனம் வாங்கும் யோகம் உண்டு.

மீனம்
சந்திரன் இன்றைய தினம் உங்களுடைய ராசிக்கு பத்தாம் வீட்டில் பயணம் செய்கிறார். இன்று உங்கள் மனதிற்கு புது தெம்பு கிடைக்கும். நண்பர்களின் உதவியால் வியாபாரத்தில் லாபம் அதிகரிக்கும். குடும்பத்தில் சுபிட்சமும் மகிழ்ச்சியும் நிறைந்திருக்கும். வெளியூர் பயணங்களால் நன்மை ஏற்படும். வேலையில் உடன் பணிபுரிபவர்கள் சாதகமாக செயல்படுவார்கள்.