Today’s Rasi Palan: இன்றைய ராசிபலன்கள் – மார்ச் 31, 2021 புதன்கிழமை

சென்னை: சார்வரி வருடம் பங்குனி 18 ஆம் தேதி மார்ச் 31, 2021 புதன்கிழமை. திருதியைத் திதி பகல் 02.06 அதன் பின் சதுர்த்தி திதி. சுவாதி காலை 09.45 மணிவரை அதன் பின் விசாகம் நட்சத்திரம். சந்திரன் இன்றைய தினம் துலாம் ராசியில் பயணம் செய்கிறார். இன்றைய தினம் மீன ராசிக்காரர்களுக்கு சந்திராஷ்டமம் உள்ளதால் கவனம் தேவை. புதன் பகவான் ஆதிக்கம் நிறைந்த இன்றைய தினம் மேஷம் முதல் மீனம் வரை பலன்களைப் பார்க்கலாம்.

மேஷம் – சந்திரன் இன்றைய தினம் உங்கள் ராசிக்கு ஏழாம் வீட்டில் பயணம் செய்கிறார். இன்று பணவரவு தாராளமாக இருக்கும். குடும்பத்தில் குதூகலம் உண்டாகும். உடல் ஆரோக்கியத்தில் நல்ல முன்னேற்றம் ஏற்படும். புதிய முயற்சிகள் தொடங்க அனுகூலமான நாளாகும். சகோதர சகோதரிகளின் ஒற்றுமை கூடும். பூர்வீக சொத்துக்கள் விஷயத்தில் சாதகமான பலன்கள் கிடைக்கும். வீட்டுக்குத் தேவையான புதிய பொருட்களை வாங்கி மகிழ்வீர்கள். கூட்டுத்தொழில் சிறப்படையும். தொழில் வியாபாரத்தில் செய்யும் முதலீடுகளால் லாபம் கிடைக்கும்.

ரிஷபம் – சந்திரன் இன்றைய தினம் உங்கள் ராசிக்கு ஆறாம் வீட்டில் பயணம் செய்கிறார். திடீர் பண வரவு அதிகரிக்கும். இன்று இல்லம் தேடி இனிய செய்திகள் வந்து சேரும். எதிர்பார்த்த இடத்திலிருந்து உதவிகள் தாமதமின்றி கிடைக்கும். உற்றார் உறவினர்கள் வழியில் அனுகூலங்கள் உண்டாகும். வீட்டிற்குத் தேவையான விலை உயர்ந்த பொருட்களை வாங்குவீர்கள். பிள்ளைகளால் சந்தோஷமும் மன நிம்மதியும் அதிகரிக்கும். சொத்து சேர்க்கை ஏற்படும்.

மிதுனம் – சந்திரன் இன்றைய தினம் உங்கள் ராசிக்கு ஐந்தாம் வீட்டில் பயணம் செய்கிறார். பூர்வீக சொத்து விற்பனை மூலம் இன்று பணவரவு தாராளமாக இருக்கும். உடல் ஆரோக்கியத்தில் இருந்த பாதிப்புகள் நீங்கி முன்னேற்றம் ஏற்படும். சிக்கனமாக செயல்படுவதன் மூலம் செலவுகளை குறைத்து கொள்ள முடியும். வியாபாரத்தில் கடன் பிரச்சினைகள் குறையும். உடன்பிறந்தவர்கள் வாயிலாக சுபசெய்திகள் கிட்டும். பங்குச்சந்தை முதலீடுகளால் லாபம் ஏற்படும்.

கடகம் – சந்திரன் இன்றைய தினம் உங்கள் ராசிக்கு நான்காம் வீடான சுக ஸ்தானத்தில் பயணம் செய்கிறார். இன்று பணவரவு தாரளமாக இருந்தாலும் அதற்கேற்ப செலவுகளும் உண்டாகும். திருமண முயற்சிகளில் தாமதங்கள் ஏற்படலாம். நண்பர்களால் அனுகூலம் கிட்டும். குடும்பத்தில் பெரியவர்கள் ஆறுதலாக இருப்பார்கள். அம்மாவின் உடல் ஆரோக்கியத்தில் அக்கறை காட்டவும். திருமண சுப காரியம் தொடர்பாக பேசலாம் வெற்றி உண்டாகும்.

சிம்மம் – சந்திரன் இன்றைய தினம் உங்கள் ராசிக்கு மூன்றாம் வீட்டில் பயணம் செய்கிறார். எடுக்கும் முயற்சிகளில் நல்ல அனுகூலமான பலன்கள் கிடைக்கும். காரியங்களில் வெற்றி உண்டாகும். இன்று உடன் பிறந்தவர்கள் மூலமாக சுபசெய்திகள் வந்து சேரும். பிள்ளைகள் வழியில் மகிழச்சி ஏற்படும். குடும்பத்தில் இருந்த பிரச்சினைகள் விலகும். வியாபார ரீதியான பணம் கொடுக்கல் வாங்கல் திருப்திகரமாக இருக்கும். திடீர் பண வரவு வந்து திக்கு முக்காட வைக்கும்.

கன்னி – சந்திரன் இன்றைய தினம் உங்கள் ராசிக்கு இரண்டாம் வீட்டில் பயணம் செய்கிறார். இன்று பிள்ளைகளால் வீண் செலவுகள் ஏற்படும். உறவினர்களால் குடும்பத்தில் இருந்த பிரச்சினைகள் முடிவுக்கு வரும். கணவன் மனைவி இடையே நெருக்கம் கூடும். திருமணம் சுப காரியம் தொடர்பாக பேசலாம். பெரிய மனிதர்களின் அதிருப்திக்கு ஆளாவீர்கள். எந்த ஒரு விஷயத்திலும் போராடி வெற்றி பெறுவீர்கள். நண்பர்களின் ஆதரவு கிட்டும். கடன் பிரச்சினைகள் முடிவுக்கு வரும்.

துலாம் – சந்திரன் இன்றைய தினம் உங்களுடைய ராசிக்குள் பயணம் செய்கிறார். இன்று உங்களுக்கு புது நம்பிக்கையும், தெம்பும் உண்டாகும். குடும்பத்தில் பிள்ளைகளுடன் இருந்த கருத்து வேறுபாடுகள் நீங்கும். பழைய நண்பர்களின் சந்திப்பு மனதிற்கு மகிழ்ச்சியை தரும். சொத்துக்கள் வாங்குவதில் ஆர்வம் உண்டாகும். வியாபாரத்தில் புதிய கூட்டாளிகள் இணைவார்கள்.

விருச்சிகம் – சந்திரன் இன்றைய தினம் உங்கள் ராசிக்கு விரைய ஸ்தானத்தில் பயணம் செய்கிறார். இன்று குடும்பத்தில் சுப செலவுகள் செய்ய நேரிடும். பிள்ளைகளால் சந்தோஷம் அதிகரிக்கும். வியாபாரத்தில் எதிர்பார்த்த லாபம் கிடைக்கும். வேலை செய்யும் இடத்தில் உயரதிகாரிகளை அனுசரித்து செல்வது நல்லது. உடன் பிறந்தவர்கள் ஓரளவு உதவியாக இருப்பார்கள். ஆலய வழிபாடு மன நிம்மதியை தரும்.

தனுசு – சந்திரன் இன்றைய தினம் உங்கள் ராசிக்கு லாப ஸ்தானத்தில் பயணம் செய்கிறார். இன்று பிள்ளைகள் வழியில் மகிழ்ச்சி தரும் செய்திகள் வந்து சேரும். எதிர்பார்த்த இடத்திலிருந்து உதவிகள் கிடைக்கும். உடனிருப்பவர்களால் அனுகூலங்கள் உண்டாகும். வியாபார ரீதியாக பொருளாதாரம் சிறப்பாக இருக்கும். திடீர் பண வரவு வரும் வங்கி சேமிப்பு உயரும். சுபசெலவுகள் செய்வீர்கள்.

மகரம் – சந்திரன் இன்றைய தினம் உங்களுடைய ராசிக்கு பத்தாம் வீடான தொழில் ஸ்தானத்தில் பயணம் செய்கிறார். இன்று நீங்கள் செய்யும் செயல்களில் எல்லாம் வெற்றி கிட்டும். நண்பர்கள் மூலம் எதிர்பார்த்த உதவிகள் கைக்கு வந்து சேரும். திருமண சுபமுயற்சிகளில் அனுகூலமான பலன்கள் உண்டாகும். வீட்டு தேவைகள் அனைத்தும் பூர்த்தியாகும். வெளியூர் பயணங்களால் நன்மை நடைபெறும்.

கும்பம் – சந்திரன் இன்றைய தினம் உங்களுடைய ராசிக்கு ஒன்பதாம் வீட்டில் பயணம் செய்கிறார். இன்று நீங்கள் செய்யும் செயல்களில் வெற்றி கிடைக்கும். நினைத்த காரியம் நிறைவேறும். அப்பாவின் உடல் ஆரோக்கியத்தில் கவனம் தேவை. போட்ட திட்டங்கள் நிறைவேறும். வேலை செய்யும் இடத்தில் உடனிருப்பவர்களின் ஆதரவும் ஒத்துழைப்பும் மகிழ்ச்சியை அளிக்கும். சிலருக்கு பூர்வீக சொத்துக்கள் விற்பனை மூலம் நன்மைகள் ஏற்படும்.

மீனம் – சந்திரன் இன்றைய தினம் உங்களுடைய ராசிக்கு எட்டாம் வீட்டில் பயணம் செய்கிறார். தொழில் வியாபார முதலீடுகளில் கவனம் தேவை. பெரிய அளவில் பண முதலீகளை தவிர்க்கவும். இன்று உங்கள் ராசிக்கு சந்திராஷ்டமம் இருப்பதால் எடுக்கும் காரியங்களில் தடை தாமதங்கள் உண்டாகும். அறிமுகம் இல்லாத நபர்களிடம் தேவையில்லாமல் பேசுவதை தவிர்ப்பது உத்தமம். வண்டி வாகன பயணங்களில் கவனமும் விழிப்புணர்வும் தேவை.