Today’s Rasi Palan: இன்றைய ராசிபலன்கள் – மார்ச் 5, 2021

சென்னை: சார்வரி வருடம் மாசி 21ஆம் தேதி மார்ச் 5, 2021 வெள்ளிக்கிழமை. சப்தமி திதி இரவு 07.55 மணிவரை அதன் பின் அஷ்டமி திதி. அனுசம் நட்சத்திரம் இரவு 10.37 மணிவரை அதன் பின் கேட்டை நட்சத்திரம். சந்திரன் இன்றைய தினம் விருச்சிக ராசியில் சஞ்சரிப்பதால் மேஷ ராசிக்காரர்களுக்கு சந்திராஷ்டமம் உள்ளது. சுக்கிரபகவான் ஆசி நிறைந்த இந்த நாளில் கிரகங்களின் சஞ்சாரம் கூட்டணியால் மேஷம் முதல் மீனம் வரை 12 ராசிக்காரர்களுக்கும் பலன்களைப் பார்க்கலாம்.

மேஷம் – சந்திரன் இன்றைய தினம் உங்கள் ராசிக்கு எட்டாவது வீட்டில் பயணம் செய்வதால் செயல்களில் நிதானமும் கவனமும் தேவை. இன்று உங்கள் ராசிக்கு சந்திராஷ்டமம் இருப்பதால் செய்யும் பெரிய அளவில் முதலீடுகளை தவிர்க்கவும். தேவையற்ற செலவுகள் வரலாம் கவனம் தேவை. குடும்பத்தினரிடம் வீண் வாக்குவாதம் செய்யாமல் இருப்பது நல்லது. பணம் கொடுக்கல் வாங்கலில் கவனம் தேவை. வெளியூர் பயணங்களை தவிர்ப்பது உத்தமம்.

ரிஷபம் – சந்திரன் உங்கள் ராசிக்கு ஏழாவது வீட்டில் பயணம் செய்கிறார். இன்று எந்த ஒரு காரியத்தையும் துணிச்சலோடு செய்து அதில் வெற்றியும் காண்பீர்கள். வேலையில் உழைப்பிற்கேற்ற ஊதிய உயர்வு கிடைக்கும். குடும்பத்தில் உடன்பிறப்புகளுடன் ஒற்றுமை பலப்படும். வியாபாரத்தில் லாபம் அமோகமாக இருக்கும். உறவினர்கள் மூலம் நல்ல செய்திகள் தேடி வரும்.

மிதுனம் – சந்திரன் உங்கள் ராசிக்கு ஆறாவது வீட்டில் பயணம் செய்கிறார். இன்று மனமகிழ்ச்சி தரும் சம்பவங்கள் நடைபெறும். உத்தியோகத்தில் சிலருக்கு பதவி உயர்வுகள் கிடைக்கும். பணவரவு தாராளமாக இருக்கும். திருமண முயற்சிகளில் நல்ல முன்னேற்றம் ஏற்படும். தொழிலில் புதிய ஒப்பந்தங்கள் கிடைக்கும். உடல் ஆரோக்கியம் சீராகும்.

கடகம் – சந்திரன் உங்கள் ராசிக்கு ஐந்தாவது வீட்டில் பயணம் செய்கிறார். இன்று பிள்ளைகளால் மன உளைச்சல் ஏற்படலாம். குடும்பத்தில் நிம்மதியற்ற சூழ்நிலை உண்டாகும். உழைப்பிற்கேற்ற பலன் கிடைப்பதில் காலதாமதமாகும். உடல் ஆரோக்கியத்தில் கவனம் தேவை. எந்த காரியத்தையும் சிந்தித்து செயல்பட்டால் வெற்றி பெறலாம். தெய்வ வழிபாடு நன்மையை தரும்.

சிம்மம் – சந்திரன் உங்கள் ராசிக்கு நான்காம் வீட்டில் பயணம் செய்கிறார். இன்று குடும்பத்தில் தேவையற்ற கருத்து வேறுபாடுகள் தோன்றும். உடல் ஆரோக்கியத்தில் பாதிப்புகள் ஏற்படலாம். வியாபாரத்தில் கூட்டாளிகள் உங்களுக்கு ஆதரவாக இருப்பார்கள். விட்டு கொடுத்து சென்றால் பிரச்சினைகளை தவிர்க்கலாம். நண்பர்களின் உதவியும் ஒத்துழைப்பும் கிட்டும்.

கன்னி – சந்திரன் உங்கள் ராசிக்கு மூன்றாம் வீட்டில் பயணம் செய்வதால் புதிய முயற்சிகள் அனைத்தும் வெற்றியை தரும். வேலை விஷயமாக வெளியூர் பயணம் செல்ல நேரிடும். உறவினர்கள் வருகையால் குடும்பத்தில் சந்தோஷம் ஏற்படும். புதிய பொருட்கள் வாங்குவதில் ஆர்வம் காட்டுவீர்கள். சேமிக்கும் அளவிற்கு தொழில் லாபம் அதிகரிக்கும் வருமானம் பெருகும். என் மகனை அரிய கேன்சரிலிருந்து காப்பாற்றுங்கள்.

துலாம் – சந்திரன் இன்றைய தினம் உங்கள் ராசிக்கு இரண்டாம் வீட்டில் பயணம் செய்கிறார். இன்று எதிர்பாராத திடீர் பணவரவு உண்டாகும். வீட்டில் பெரியவர்களின் நன்மதிப்பை பெறுவீர்கள். நண்பர்களின் உதவியால் வியாபாரத்தில் ஓரளவு முன்னேற்றம் ஏற்படும். பயணங்களால் அனுகூலமான பலன்கள் உண்டாகும். இதுவரை வராத பழைய பாக்கிகள் கைக்கு வந்து சேரும். சேமிப்பு உயரும்.

விருச்சிகம் – சந்திரன் இன்றைய தினம் உங்கள் ராசியில் பயணம் செய்கிறார். மனமகிழ்ச்சி தரும் செய்திகள் தேடி வரும். குடும்பத்தில் ஒற்றுமை அதிகரிக்கும். தொழில் வளர்ச்சிக்காக எடுக்கும் முயற்சிகள் அனைத்தும் நற்பலன்களை தரும். வீட்டில் பெண்கள் தம் பொறுப்பறிந்து நடந்து கொள்வார்கள். வீட்டிற்குத் தேவையான பொன் பொருள்கள் வாங்கி மகிழ்வீர்கள்.

தனுசு – சந்திரன் இன்று விரைய ஸ்தானத்தில் பயணம் செய்கிறார். திடீர் செலவுகள் வரலாம். இன்று உங்களின் பொருளாதார நிலை சுமாராக இருக்கும். குடும்பத்தில் கணவன் மனைவியிடையே கருத்து வேறுபாடுகள் ஏற்படலாம். வேலையில் உடன் பணிபுரிபவர்கள் சாதகமாக செயல்படுவர். மாலை நேரத்தில் பண வரவு வரும் கடன்கள் அடைபடும்.

மகரம் – சந்திரன் இன்றைய தினம் லாப ஸ்தானத்தில் பயணம் செய்கிறார். உத்தியோகத்தில் சிலருக்கு புதிய வாய்ப்புகள் கிடைக்கும். பெரிய மனிதர்களின் அறிமுகத்தால் அனுகூலமான பலன்கள் உண்டாகும். இன்று குடும்பத்தில் பிள்ளைகள் மூலம் சுபசெலவுகள் ஏற்படும். தொழில் வளர்ச்சிக்காக அரசு வழி உதவிகள் கிடைக்கும்.

கும்பம் – சந்திரன் இன்றைய தினம் பத்தாம் வீட்டில் பயணம் செய்கிறார். இன்று சுப செய்திகள் வீடு தேடி வரும். பிள்ளைகள் அன்புடன் நடந்து கொள்வார்கள். வேலையில் எதிர்பார்த்த இடமாற்றம் கிடைப்பதற்கான வாய்ப்புகள் உருவாகும். தொழில் வியாபாரத்தில் லாபம் வரும். வருமானம் இரட்டிப்பாகும்.

மீனம் – சந்திரன் உங்கள் ராசிக்கு ஒன்பதாம் வீட்டில் பயணம் செய்கிறார். இன்று உங்களுக்கு வரவை காட்டிலும் செலவுகள் அதிகமாகும். வியாபாரத்தில் முன்னேற்றம் உண்டாகும். பிள்ளைகள் படிப்பில் அதிக ஆர்வம் காட்டுவார்கள். பணப்பிரச்சினை சற்று குறையும். நிதி நெருக்கடிகள் நீங்கும். அலுவலகத்தில் மேலதிகாரிகளின் ஆதரவையும் பாராட்டுதலையும் பெறுவீர்கள்.